طلعو من شقه هتان لبيت بندر
دخلو
كنان مسح عيونه بسرعه اما غيث اللي انتبه له وفز قلبه بوجع ليه اخوه يبكي !؟
غيث برتباك: كنان تبكي ليه صاير شي يالمك شي ؟
كنان : لا مافي شي بس عيوني عورتني
كنان انتبه لغيث اللي مليان وجهه كدمات وراسه مربوط وشهق : شصاير ؟
بندر ظل واقف بعيد عنهم بس يسمعهم
غيث جلس بالارض قدامه وابتسم وهو ماسك يده: سامحني كنان انا امس تركتك تجي هنا بسبب اني سمعت كلامهم ماتضايقت منك بالعكس انا فخور انك اخوي وكل يوم اصحى الصبح واحمد ربي على وجودك كنان انت بالنسبه لي الشخص اللي بيعوضني طبعا بعد بندر اللي لولاه من بعد الله كان انا الحين مدري ويني او ايش حياتي
كنان انت بالنسبه لي شي غالي سكت بيومها لانك معي بس سمعتهم يتكلمون باليوم الثاني وماقدرت اسكت اللي تركني انام عند هتان امس الاصابات ولولا اصرار بندر كنت بجلس هناك علشان ماتحس بالذنب او تتضايق
كنان رجعت دموعه تنزل : يعني !
غيث بنفي : كنان لاتقول كذا انا مستحيل احط السبب انت مهما كان انا اللي تهاوشت معهم مو انت
كنان بدا يمسح دموعه اللي استمرت بالنزول بدا يتكلم كلام مقطع : بس انت بسببي ليه كذا
غيث ابتسم وربت على يده: لانك اخوي واللي يتكلم عنك كانه يتكلم عني كنان انت هديه ربي لي مستحيل افرط فيها او اسمح لا اي احد بهالعالم يتكلم عنك او عليك تسمع ؟
كنان ابتسم بدوره: الله يخليك لي
بندر ابتسم وتوجه لغرفته وشاف كذا اتصال من يوسف رمى نفسه على السرير بتعب ورجع يتصل على يوسف
بندر: هلا
يوسف : وينك !
بندر: بالبيت وين بكون هالوقت
يوسف : طيب نطلع ؟
بندر: وين
يوسف : ناخذ شاليه ونطلع كذا يوم نستمتع
بندر: انا وياك
يوسف بتذمر: ناقصني اقابل وجهك طول الوقت
بندر شهق : خيرر وتقولها بوجهي بعد
يوسف : مو الاحسن من اقوله وراك !
بندر بقتناع: اي صح صادق
يوسف : طيب وش قلت !
بندر: عادي بس من بيكون معنا
يوسف : انا وانت وعيالك وباخذ ندى وصاحبتها وريتاج ونعزم عبد العزيز واحمد اذا بيجون طبعا بيكون شاليه واحد بس بقسمين ناخذه كم يوم يعني نص اسبوع او اسبوع منه يغيرون البنات جو قبل الاختبارات ويتغير المكان عليهم ومنه نتعرف على كنان وغيث اكثر بما انهم عيالك لازم نعرف اكثر عن عيال اخوي ولا !
بندر ضحك: تمام اجل ماعندي مشكله بس متى ؟
يوسف : بعد بكرا بكرا ببلغ احمد وعزوز ونشوف بس الباقي بسحبهم وانت اسحبهم معك
بندر: لاتوصي
يوسف : يلا سلام
بندر: ياهلا
سكر منه واندق باب غرفته
بندر: ادخل
غيث : يبه بنطلع انا وكنان لهتان
بندر: تمام بس لاتتاخرون العشاء هنا واسحبو هتان معكم ماله داعي يظل هناك كانه متوحد
غيث ضحك: وش متوحد يبه هذي شقته من قبل نعرفه
بندر: وانت الصادق لو ماتعرفت انت عليه كان ماعرفته الا من يوسف لان يوسف يعده مثل ولده واكثر بحكم انه مشتغل معه من البدايه
غيث ابتسم: تمام اجل بنطلع الحين
بندر رفع يده يودعه
اما غيث اللي ما اخذ ثواني الا ورجع
غيث بتردد: يبه
بندر رفع نفسه : ها ؟
غيث : ابي سيارتك
بندر وكانه تذكر شي : اوه نسيت تعال معي
فتح الدرج اللي بجنب سريره واخذ منه شي : تعال يلا
طلع معه وراح بندر يدفع كنان بكرسيه وراحو وراء الفيلا التفت لغيث ورمى عليه المفتاح اللي مسكه غيث بسرعه
بندر ببتسامه: وصاني ابوك ان بس تستقل عندي وتمسك الشركات حقته اشتري لك احدث موديل من الروز رايز لانه اشترى اول موديل نزل له فا يبي ولده يكون مثله
غيث انبهر بشكل السياره ورفاهيتها
بندر: تعمدت اشتري من النوع هذا علشان يقدر كنان يركب معك دايم
غيث بفرح التفت لكنان: شفت سيارتنا
كنان ضحك وابتسم بحب وهو يفكر* الحمدلله ان عندي اخ مثل غيث معقول حتى سيارته قال انها لي وله كل شي يبي يكون معي انا مهما سويت مارح اوفيه حقه وهذا اللي واضح لي *
بندر: يلا برجع انام انا
طلعو الاثنين لهتان اما بندر نام له ساعتين وصحى
سمع جرس الباب وكانه يتذكر ان جاكسن سافر لفتره عند اهله راح للباب بملل
بندر فتح الباب وانصدم بالشخص اللي قدامه وبعصبيه وحده: وش تسوي هنا وش جابك !
باسل بهدوء: ابي اتكلم مع كنان
بندر ابتسم بجانبيه وسند نفسه على الباب : مو موجود
باسل : بندر بتكلم معه بشي يخصه
بندر: قلت لك مو هنا مو مصدقني ادخل دور عليه
باسل: بجي بوقت ثاني
راح باسل بهدوء استنكره بندر
بندر بتفكير* غريب وش فيه كذا هادي وما انفعل لاسلوبي معه *
سكر الباب واتصل على غيث
غيث اللي سمع جواله وهم بوسط لعبه السوني تحدي بينه وبين كنان
غيث : هتان رد اكيد ابوي
هتان رد عليه وبدلع : يس داد
بندر بقرف : لاتقولها ثاني مره مقرفه
هتان ضحك من قلب : شفيك ياخي اول مره احد يدلعك ولا عيالك مايتكلمون معك بحنيه
بندر: وينهم صدق؟
هتان رفع نظره لهم وهم مستمتعين مره : يلعبون سوني تحدي وواضح كنان بيفوز على غيث
بندر: بس يخلصون تعالو تمام !
هتان: تمام بخليهم يجون
بندر بحزم: وانت اولهم وجيب لك بجامه تنام عندنا ولا اقول لك انت وغيث مقاسكم واحد
هتان : ياليل حتى بحياتي العاديه اوامر ارحمني ياخي
بندر: يلا باي
سكر بوجهه
بعد ربع ساعه انتهى القيم واخذ هتان الاشياء اللي يحتاجها كونه بينام ببيت بندر نزلو واستغرب هتان انهم ماشين بعيد عن سيارته
هتان: وين رايحين انتو الحين
غيث اشر للسياره: هناك السياره
هتان شاف الاتجاه واستغرب فيه ٤ سيارات ومن بينهم الروز : اي اي وحده ؟
غيث طلع المفتاح وفتحها هتان شهق بقوه وفتح فمه مو مصدق من الصدمه
غيث قرب منه وسكر فمه: شفيك مصدوم
هتان برتباك: غيث تعال نتفاهم من وين سرقتها
كنان ماقدر يتحمل من تصرفات هتان وضحك
هتان : شفيك انت الثاني تضحك
غيث : سيارتي ذي
هتان بدا يلتفت من السياره لغيث : تمزح صح !
غيث ابتسم: لا ويلا لاترفع ضغطي
هتان : شلون من متى وانا ماعندي خبر
غيث ساعد كنان يركب : ابوي طلب من بندر يشتريها لي بس اكون مسوول عن نفسي وطلبت منه سياره علشان اجي هنا وعطاني اياها انتهت السالفه
هتان فتح الباب : واو ياغيث شلون لك قلب تسوقها هذي لازم واحد ينتبه لها ويحافظ عليها تصدق هذا فرق الطبقه المتوسطه من الغنيه
غيث بعتب : لا غنيه ولا متوسطه احنا وياك واحد
هتان بتنهيده طويله : اه بس لو اني اخوكم
غيث ضحك
كنان : انت اخونا بالدم
هتان ابتسم: صدق اجل باخذها وارجع بها البيت
غيث : بطلب لك سياره لاتحاتي
هتان بحلطمه: نذل
وصلو للبيت وجلسو كلهم سوا بعد العشاء
جلسو بالصاله يشربون شاي
بندر: ياعيال عمكم يوسف يقول بنطلع شاليه كم يوم وبنطلع معه بياخذ بنته وزوجته وصاحبتها اللي معها الحين بما ان اهلها ساكنين برا
هتان سكت وشرب الشاي
بندر بتكمله: وترا بتروح معنا انت بعد
هتان رفع راسه وبستفسار: انا بس انا مو من العايله
بندر: انت ولدي ال٣ عندك مانع
هتان بمزح : او اجل اطلب واتشرط
بندر عطاه نظره
هتان: امزح طيب
بندر: اي صح غيث من بكرا تصير تداوم بالشركه الفرع الرئيسي بمكتب المدير انا بلغت السكرتير انك بتجي وبيسوي اجتماع علشان تتكلم مع الموظفين
غيث اومئ: تمام يبه اللي تشوفه بس مو كانه بدري واني اروح معك
بندر عدل جلسته : لا مو بدري كنت بروح معك لولا انه فيه اجتماع مهم بيصير بالشركه بجيك بس ينتهي
اندق الجرس
بندر: تنتظرون احد ؟
غيث : لا غريبه من بيجي الساعه ١١ الليل
غيث وقف وراح يفتح
بندر تذكر باسل وانه جاء الصباح ! وقف بسرعه بس غيث كان فاتح الباب
باسل: كنان موجود!
غيث ببرود: اي
باسل: ممكن اتكلم معه
بندر رفع حاجبه: مو قلت لك لاتجي ؟
باسل: بندر اتركني اقابل كنان بكلمه باشياء ضروريه
بندر رجع لداخل : كنان باسل يبي يكلمك اخليه يدخل ؟
كنان بستغراب: خالي ! اي يبه عادي
بندر رجع للباب : ادخل
دخل باسل وشاف الاكواب وواضح انهم جالسين سوا
بندر : غيث خذ كنان وخالك للمكتب
باسل: لا ابغى اتكلم عندكم لان الكلام يخصكم كلكم
بندر استغرب: كلنا؟
باسل : اي
جلسو كلهم هتان كان بيقوم لولا رفض بندر وباسل اللي كان بنفس الوقت
غيث سوا كوب شاي بحكم ان الاشياء كانت على الطاوله مده لخاله
باسل: كيف حالك كنان مرتاح !
كنان ابتسم: بخير الحمدلله
باسل: الحمدلله * سكت فتره* انا جاي اتكلم عن كنان عن مراجعاته ووضعه بالشركه طبعا كنان ماسك منصب مساعد المدير
بندر: طيب !
باسل : قدم استقالتك
كنان انصدم وكل اللي قاله كلمه : بيضيع !
استغربو كلهم
باسل: مارح يضيع شي كنان كل مستحقاتك بتجيك وبترجع لمكانك الصحيح بجنب اخوك وابوك
كنان ناظر بخاله لفتره
بندر: فيه شي ثاني
باسل: اي *مد ملف لبندر* هذي معلومات ومراجعات كنان لطبيبه
بندر عقد حواجبه : اعرف هالاسم
باسل : صاحبك فهد مارضى ان احد يمسك حاله كنان غيره ماكان يعرف لك طريق وتو قبل فتره نقل واستقر هنا
بندر بتذكر : يووه فهد باي مستشفى !
باسل : كل المعلومات عندك واتمنى ماتمنعني من زياره كنان لاني متعلق فيه كثير
بندر ناظره لفتره: هالشي والقرار يخص كنان مايخصني
انتهى البارت 🤍🤍🤍 رايكم وتوقعاتكم !
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
