باسل : غيث !
غيث : كيف حالك باسل ؟
باسل فتح الباب : ادخل
غيث دخل وجلس
باسل: ترا انا خالك مو باسل !
غيث : عارف بس ماقلتها لمحمد وانا مو معترف فيكم لحد الحين
باسل عقد حواجبه: ولد احترم نفسك انت ببيتي
غيث : وعلشاني ببيتك ماشفت شي مني
باسل: شتقصد
غيث: ماقصد شي مو هذا الموضوع اللي انا جاي اتكلم معك فيه
باسل: اجل
غيث فتح الشنطه ومعها الورقه: حصلت هالورقه بسياره ابوي دين من باسل ال** بقيمه٢٠٠ الف وجاي ارجعهم لك
باسل : بس انا ماطلبته منك
غيث: ابي اعيش مرتاح من دون اي ديون او شي يعلق ابوي او يعلقني * ضحك بسخريه* وبعدين * وقف وقرب من باسل* وبعدين ما اضمن قاتل ابوي يبقى حي ويطلبه دين وش يضمن لي بالمستقبل انك مارح تغدر فيني
باسل بحده : انت انجنيت رسمي تجي هنا وتتهمني
غيث : ما اتهم عبث مو انت اللي وصيت السايق يعطل البريك وصار اللي صار * وبتهديد *انا بتركك الحين بس اعرف مستحيل اني اتقبلك بحياتي نهائيا لاتخاف مارح تكلم لكنان عن فعايلك بس ياويلك احس بيوم انك تقلبه علي
تركه وطلع من البيت
باسل جلس بغضب وماقدر يسكت او حتى يهدى اتصل على بندر
بندر مارد عليه مع انه شاف اتصاله بعد فتره قرر انه يرد لما شاف ٤ اتصالات
بندر: نعم !
باسل بغضب صرخ: اسمع يا ام انك تضبط ولدك المجنون يا انك لاتتركه يسافر
بندر وقف وبدا يمشي بالبيت لما عرف ان احساسه صح : شوف انا متاكد ان غيث ما جاك بدون سبب عاد انت تبي الراس الكبير يجيك ماعندي مشكله ترا بجيك
باسل قفل بوجهه من القهر
بندر التفت على احمد وعزوز اللي جالسين : شفتو ! قايل لكم بيروح له
احمد: شصاير
بندر: متصل يقول اضبط ولدك او لاتتركه يسافر لحاله
عزوز: غريبه مو طبعه غيث اللي اعرفه انك انت اللي فاقد عقلك غيث بعد ؟
بندر ناظره
بعد يومين وصل غيث ونام اول ماوصل من تعب الرحله
اما بغرفه كنان
فهد ببتسامه : امسك يدي وحاول توقف يلا
كنان حاول يرفع نفسه بجهد كبير وبنفس الوقت بداء يعرق من الجهد اللي يسويه
وقف بصعوبه وتمسك بقوه بفهد
كنان بفرح: وقفت انا وقفت
فهد ضحك لرده الفعل : اي قدرت توقف وبتقدر تمشي ان شاء الله
كنان بدت دموعه تنزل يدينه اللي ترجف وهي ماسكه يدين فهد : الحمدلله الحمدلله
فهد : يلا حاول تمشي معي كم خطوه
مشى كنان وناظر بفهد بفرح : مشيت
فهد ضحك على ردت فعله: بتمشي افضل مننا كلنا والله يعين بندر على فواتير محلات الجزم
كنان ناظره ببتسامه: يارب متحمس اقول لهم
فهد بتحذير : اووه توك توك مو الحين
كنان: اكيد عارف
فهد : طيب يلا استريح الحين تعبت كثير
كنان جلس على السرير بتعب اما برا الغرفه
احمد بتحذير : يويلك تسوي شي فاهم
بندر ناظره لفتره : احمد لا تتدخل
احمد بحده : اسمع مو كل مره اسكت لك وتاخذ راحتك بانك تتكلم وتهاوشه فاهم
بندر : عزوز خذه وروحو برتاح انا
راحو بعد كلامه مع احمد
بعد ساعه صحى غيث فتح عيونه وظل يناظر السقف لمده طويله قبل يقرر يقوم ويصحصح كونه ماقابل بندر او كنان حتى دخل لدوره المياه وغسل وجهه طلع له بدله خفيفه تيشيرت وشورت وطلع تعطر وطلع من الغرفه لغرفه كنان كونها قبل غرفه بندر
دق الباب
كنان اللي كان صاحي ويحاول يوقف رجع جلس من جديد : ادخل !
غيث فتح الباب ودخل ببتسامه : اخبارك ياحلو
كنان ابتسم له : هلا والله
غيث قرب منه وضمه : اخبارك وكيف علاجك
كنان: بخير ياروحي وعلاجي تمام وقف قدامي وتشوف
غيث بعد عن كنان: يلا
كنان سند نفسه على الكرسي ووقف بصعوبه بس وقف لمده وببتسامه: شفتت !
غيث ضم اخوه بفرح : ياروحي انت
ساعده يجلس وجلس يتكلم معه عن الاجتماعات وعن الاحداث اللي صارت
فتح الباب عليهم
بندر ببتسامه : مجتمعين
غيث وقف : هلا يبه
بندر سلم ببرود على غيث : هلا الحمدلله على السلامه
غيث : كيف حالك
بندر: بخير كيف رحلتك !
غيث: كويسه
كنان حس بالجو المكهرب : نطلع الصاله ؟
بندر: شوي كنان ابغى اتكلم مع غيث
كنان بتفهم : تمام
طلعو برا غرفه كنان لصاله
بندر وقف قدام غيث
بندر: انت رحت لباسل !
غيث بدون لف ودوران : اي
بندر ناظره لفتره: ووش تسوي عنده؟
غيث: كان فيه موضوع لازم احله معه
بندر: وماتقول لي
غيث: ماتوقع ان الموضوع يرتبط فيك علشان اقول لك
بندر بصدمه وبحده : غيث
غيث ظل ساكت
بندر : لاخر مره اسالك وش تسوي عند باسل وش الشي اللي سويته ورحت تتكلم معه عنه لدرجه يتصل علي ويقول لي اضبط ولدك او لاتتركه يسافر
غيث بستغراب وضحكه: اتصل عليك !
بندر : انا اكلمك
غيث: كان بينه وبين ابوي دين ورحت احله
بندر من حدته وغضبه رفع يده غيث بعد ما استوعب ان بندر ضربه عض على شفته
غيث : وش المطلوب مني الحين ؟
بندر : اطلع لغرفتك الحين مابي اشوف وجهك
غيث ضحك: مارح اطلع بطلع من البيت بكبره
طلع غيث اما بندر اللي جلس بغضب على الكنبه يتنفس بصعوبه
عند الباب كان بيدخل بس واجه غيث ونظراته غير مفهومه استغرب وصوت له الف مره بس ماسمعه
دخل للبيت
احمد : ولد بندر ولدك شفيه ؟
بندر رفع راسه وهو يمسح وجهه بيدينه : مافيه شي تهاوشنا وطلع
احمد : كنان وين ؟
كنان اللي سمع هواشتهم كلها من بدايتها حاول بصعوبه يجلس على الكرسي لما نجح طلع وشافهم احمد اللي كان يسال عنه وبندر اللي جالس وقف
بندر: كنان
كنان : يبه مهما صار ماكان لك حق تتكلم معه كذا
بندر : مالك شغل
كنان انصدم
احمد بنفعال دفع بندر : صاحي انت ؟
عبد العزيز اللي توه واصل وشاف المشهد انصدم: ولدد احمد اهدى
احمد : كنان بتجي معي لما يهدى هالمختل ويعرف هو مين وانه اب مو بزر
عبد العزيز : شصاير فهموني
كنان ناظر فيهم وبالذات بندر نكسار لتصرفاته الغير طبيعيه
طلعو وتركو كنان اللي رفض يروح معهم وانه بيبقى مع ابوه
وصل لشقه هتان وهو يحس بتعب كبير داخلي اكثر من انه خارجي دق الباب لفتره مارد عليه رجع لسيارته ولما جاء بيحرك السياره انتبه لهتان ومعه بنتين
تذكر انه قال انه اهله بيجون وبيبقون عنده حرك السياره بغير هدف
من جهه ثانيه
كان جالس يناظر بكنان من طلعو احمد وعبد العزيز كنان اللي كان متوتر من الوضع ومتضايق بنفس الوقت من كلام بندر له
بندر وكانه استوعب: انت كنت تعرف عن زياره غيث لباسل ؟
كنان رفع راسه وببرود : اي
بندر انصدم : تعرف ولا قلت لي انه رايح له
كنان : وليه اقول لك مو الامر يخص غيث !
بندر بحده: انتو تبون تجننوني اربيه واكبره بما كبر وبعدها تجي تقول لي الامر يخص غيث
كنان فضل انه يكون الجانب الهادي والمسالم بالموضوع : يبه حتى لو انه ولدك من لحمك ودمك لكل شخص قراراته وهو اللي بيتحملها غيث مو صغير واكيد الموضوع اللي رايح فيه لخالي يخصه هو ولا ماكان راح
بندر رفع حاجبه: يسدد دين ابوه لباسل وش هالدين اللي ٢٥ سنه ما اعرف عنه شي ويمكن اكثر
الماضي
نرجع لفتره قبل رجوع كنان وبندر وقبل يروحون للشاليه الاحداث ببارت(٢٧) للي مايتذكر
نرجع لروايتنا
بعد رجوعهم من المول غيث جلس بالبيت بروحه لان هتان قال انه بيروح يرتب الشقه كون ان اهله جايين بعد مايرجعون من الشاليه بيوم حسب كلامه بس لعترض الموضوع وقت سفرهم لندن
اندق الجرس استغرب غيث بس فتح
غيث: هلا
الرجل كان شكله عادي وبسيط : هذا بيت بندر !
غيث: اي هذا بيته
الرجل : ممكن اتكلم مع غيث
غيث رفع حاجبه اول مره شخص غريب يعرف عن وجوده خارج معرفه بندر: انا غيث امرني
الرجل : جاي اكلمك بموضوع يخصك ويخص الوالد الله يرحمه
غيث عقد حواجبه: تفضل
فتح له الباب ودخل
جلسو
الرجل مد الاوراق لغيث : هذي اوراق ابوك الله يرحمه كان تاركها عندي اعطيها بندر اذا صار له شي بس بندر انتقل ولا عاد عرفت اوصل له وصارت اشياء كثيره كون اني ماقدرت اوصل له بعدين وقبل فتره سمعت ولد اخوي يتكلم عنك وقلت لازم اجي اتكلم معك انا كنت اشتغل محامي لشركتين اللي هي شركه الوالد وشركه ابو باسل
غيث : طيب ؟
الرجل كمل : هذي الاوراق دين بين ابوك وباسل بقيمه ٢٠٠ الف
غيث بستفهام : ٢٠٠ الف ؟؟؟
الرجل: اي
غيث: ليه ؟
الرجل : ابوك كان بضيقه ماليه بسبب ضعف ايرادات الشركه وعلشان كذا اخذ الدين من خالك
وسكت لفتره
غيث : فيه شي ثاني ؟
الرجل : بصراحه فيه بس مدري كيف اصارحك او اقول لك عن هالموضوع
غيث بستغراب: قول
الرجل: بس امنتك امانه مايعرف اني قلت لك
غيث: تمام قول
الرجل : خالك له يد باللي صار لامك وابوك بالحادث
غيث بدت نبضات قلبه تتسارع وعيونه توسعت بصدمه جمد ماعرف ينطق اي شي من بعد اللي سمعه
نرجع للواقع
تنهد وهو يوقف قدام فندق ويقفل سيارته
من جهه ثانيه
يوسف : من كل عقلك بندر انت من فتره مو طبيعي انت فيك شي
بندر بحزن: مدري اتوقع رجعت لي حالتي القديمه
يوسف ربت على ظهره: لاا لاتقول كذا انت بخير ومارح يصير لك الا كل خير وعافيه
بندر: غيث طلع ولا ادري وينه وكنان بغرفته ومتضايق مني والله مو بيدي تصرفاتي حاولت كثير اسيطر على نفسي ماقدرت ضربت غيث للمره الثانيه واحس ليت بدي انقصت قبل تنمد عليه
يوسف ببتسامه يهديه: اهدى ماصار شي ولا رح يصير شي بعدين وانت بتكون بخير وبيرجع غيث بس تحصله راح لهتان يريح اليوم وبكرا بيرجع
انتهى بارت اليوم رايكممم فيه وتوقعاتكم للجاي وايش سبب وتصرفات بندر ؟ غيث هل ممكن يرجع باليوم الثاني او يقرر يستقل ببيت ثاني
واحبكمم🤍🤍
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
