ندى اللي كانت جالسه مع امها : يمه وين ابوي !
ريتاج: والله ابوك هالايام صاير غريب اي كلمه تستفزه وتعصب فيه بشكل كبير صرت اخاف اتكلم معه عن اي شي
ندى بستغراب: غريبه من لما جاه خال غيث وهو بعصبيه كبيره بتكلم مع عمي احمد وعبد العزيز يمكن يعرفون
ريتاج : لا ندى ابعدي عن مواضيع ابوك
ندى: يمه لمتى عمي بندر مو هنا ورايح يجيب ولده
ريتاج بناظرتها بصدمه: حصل ولده ؟
ندى عقدت حواجبها: كنتي تعرفين ؟
ريتاج : اعرف من وقت قصير من سماح لاننا كلنا كنا قراب من بعض انا وهي وفرح ام غيث
ندى : ولا قلتي لاحد
ريتاج: ماقدرت لانها قالت محمد نفسه مايعرف
بعيد عنهم ركبو الطياره بعد ماحجز بندر درجه رجال الاعمال ووفر كل شي علشان كنان يكون مرتاح
بعد يوم من الاحداث العاديه واستقرار بندر مع العيال بالفيلا الخاصه فيه
العيال كانو جالسين اندق الباب
بندر كان بيفتح
غيث : بفتح انا
فتح الباب وانصدم فيها قدامه
غيث برتباك: ندى ؟
ندى : عمي هنا !
غيث التفت لبندر اللي صوت : من عند الباب
غيث : ندى يبه
ندى استغربت ان غيث يقول يبه بس ماعلقت
بندر ضرب راس غيث : وبتتركها عند الباب كذا
غيث بتوتر: اسف تفضلي
دخلت معهم وانصدمت بالشخص اللي جالس هي تعرف ان ولد بندر بيجي معهم بس ماكانت تعرف انه مقعد
بندر ببتسامه: ولدي كنان .كنان هذي بنت عمك ندى
كنان ابتسم : اهلين اعذريني ل
ندى قاطعته: ولايهمك كيف حالك وياهلا فيك بينا
كنان : هلا فيك
بندر حط يده على كتف ندى وبخوف : شفيك صاير شي !
ندى ناظرته لفتره كمل : ياعيال بروح انا مع ندى المكتب واجيكم تمام
غيث : اوك
كنان : خذ راحتك
دق الباب
غيث : اووه ننتظر زوار كثير اليوم !
فتح الباب
هتان نقز على غيث وضمه وبحلطمه: كذا كذا تسوي فيني وتروح تخوني بلندن على الاقل خوني بشي بسيط راضي
غيث بعد هتان وغمز له : تعال بس اعرفك على الحلوه اللي خنتك معها
هتان صدق وشهق : وينها !
كنان اللي سمع حديثهم ضحك
هتان : واووو هذي الحلوه اللي خنتني معها
غيث ضربه : استح شوي واترك انطباع حلو
هتان ناظره لفتره بكره: ياشينك
غيث : هتان هذا كنان اخوي
هتان تقدم من كنان ومد يده : تشرفنا مسيو كنان
كنان ماقدر يمسك نفسه : غيث شلون تعرفت عليه
غيث بصدمه من حركات هتان: تراني مصدوم مثلي مثلك
هتان رمى نفسه على الكنب : اجل وين بندر ماشوفه
غيث : دخل المكتب مع ندى
هتان تغيرت ملامح وجهه
غيث : صاير شي
هتان: والله مدري شقول لك
كنان بدا يحرك الكرسي المتحرك
هتان: وين رايح انت بعد اجلس مو عن ماقدر اتكلم الا اذا تكلم بندر اكيد ندى جايه بنفس السبب
غيث : شصاير بديت توترنا ؟
هتان: يوسف مدري شصاير له صاير غريب بشكل كبير ومتغير بتعامله
غيث : ليه من ايش !
عند بندر وندى
بندر: شفيك ندى شصاير ؟
ندى ببتسامه: اول شي وقبل كل شي سمعت من غيث كلمه استغربتها
بندر مافهم: مافهمت
ندى: غيث يقول لك يبه !
بندر انحرج: اي مدري شصاير له من فتره صاير يقول لي كذا
ندى: الله يخليهم لك
بندر بجديه: الحين وش صاير ؟
ندى: ابوي
بندر بخوف: شفيه
ندى: لاتخاف ماصار له شي بس انه متغير كثير
بندر: مو جديده على يوسف
ندى : لا ياعم ابوي متغير كثير اخذ امي امس ووداها بيت اهلها طلب مني اطلع من البيت اليوم وقال لي روحي لامك ولا ترجعين الا لما اجي اخذكم
بندر بصدمه: شلون شتقصدين
*استوعب ان قال كلام ملخبط *
ندى : قبل ٤ ايام بعد سفركم انت وغيث جاء محمد لمكتب ابوي وبلغه انك حصلت ولدك وتكلم معه من بعده ابوي تغير صار عصبي اي كلمه تنرفزه وتخليه يتصرف بشكل جنوني واخر شي امس تهاوش مع موظف لانه نسى يطلب التوقيع من العميل كان بيوصل الموضوع انه يطرده لولا ان عبد العزيز وصل ومنعه بعدها تصرفه امس عمري كله ماشفت ابوي يرفع صوته على امي بس امس تهاوش معها لانها ماطبخت وطلب تروح لبيت امي قالت لجدي انها بتقضي عندهم كم يوم ماقالت السبب الحقيقي
بندر: وايش ممكن يصير ؟ووينه ابوك الحين
ندى: سافر
بندر وقف : وين سافر بعد ماسوى مصايبه
ندى : مدري بس ياعم
بندر ابتسم لها وربت على كتفها: لاتحاتين البيت كبير ويوسع لنا كلنا والعيال اذا بيضايقونك برسلهم لشقتي
ندى برفض : لا اتركهم هنا انا عادي بسكن هنا واصلا مارح اكون بالبيت طول اليوم
بندر: ومو انتي تبين غيث يدرسك لغه بكذا بتكون فرصه انكم تدرسون لساعات اطول
برا الغرفه
هتان وقف : تمام اترككم الحين بس يصير شي اتصل علي ولا اقول لك بجيكم الليل *لف لكنان* تشرفت فيك كنان وبعدين ياحظك بغيث
كنان ناظر بغيث : اي والله ياحظي
هتان طلع واول مافتح الباب شاف اللي قدامه وانصدم رجع قفل الباب
غيث اللي وقف وكان شايفه انصدم وضحك لتصرفه : شفيك ؟
هتان : واحد اجنبي لونه احمر واقف برا
غيث ضحك: طيب افتح الباب
هتان قتح الباب وابتسم : اهلن لابد انك اخطئت العنوان
غيث بتردد : جاكسن؟
جاكسن: اهلن سيدي هل السيد كنان هنا ؟
غيث : نعم تفضل
بندر اللي طلع من الغرفه : شفيه الباب اليوم كل شوي ينطق لها الدرجه اشتاقو لنا
غيث بعد عن الباب ودخل جاكسن
كنان بستغراب : جاكسن ؟
جاكسن تردد بس دخل : كيف حالك سيدي
كنان : بخير مالذي تفعله هنا !
جاكسن: لقد طلبت الاستقاله لقد كبرت وانا برفقتك لا اريد تركك
كنان ناظر ببندر وكان متردد من رده لان يمكن بندر مايتقبل اي احد ببيته
بندر اللي قال : حسنا انا سوف اقبل توظيفك لمرافقه كنان
كنان ابتسم وبحماس : شكرا يبه
بندر: بس بتنتقلون من هنا !
الكل انصدم وش هالقرار الغريب
ندى اللي سمعت حديثهم: لا ياعم بروح انا الشقه افضل ولمار بتجي عندي من بعد اذنك
بندر : بس
ندى: تكفى ياعم
بندر تنهد: تمام اللي تشوفينه
بندر التفت لجاكسن: حسنا بجانب غرفه كنان غرفه فارغه بامكانك ان تمكث فيها
اما غيث وكنان وهتان اللي كانو مستغربين من الكلام اللي انقال وان ندى بتجلس بشقه بندر
غيث : شصاير يبه ؟
بندر رمى عليه مفتاح السياره: بقول لكم بعدين بس روح مع ندى وخذ اشيائها ووصلها للشقه وتطمن على كل شي وتعال
ندى : مايحتاج انا بروح لحالي
بندر التفت ومسك كتفها: خليني اتطمن عليك اكثر كذا
ندى وافقت وطلعت مع غيث
هتان صفر : اخيرا بنحصل شي حلو كل يوم
كنان اللي فهم عليه وناظره بمعنى اسكت للحين بندر واقف اما بندر اللي كان واقف وكل تفكيره بيوسف ايش اللي ممكن يقلب كيان وهدوء يوسف الشخص الهادي الرزين العاقل اللي مستحيل ينفعل الا للشديد القوي
اما بشقه احمد
احمد : فاتن انا بروح لبندر شوي وراجع تمام
فاتن: تمام حبيبي بس انتبه لنفسك واذا احتجت شي ارسل لي
احمد طلع واتصل على عبد العزيز اللي رد عليه على طول كون انه جالس على الجوال
عبد العزيز: يسس
احمد: تعال لبيت بندر مرسل لي انه فيه موضوع يبغانا فيه واتوقع انه موضوع يوسف اكيد
عبد العزيز اللي تنهد: انا مارضيت اروح لمحمد من كلامك ترا
احمد بجديه: لاتكثر كلام وتعال بسرعه
بالسياره
غيث : صاير شي بغيابنا ؟
ندى: بيحيك لك عمي اكيد
غيث عرف انها ماتبغى تتكلم فا حب يغير الموضوع: ايوه ماقلتي لي كيف رح تكون دروسنا ومتى رح يكون امتحانك ؟
ندى ماحست بنفسه وهي تتحلطم : بعد شهر والمنهج كبير وكثير ومو فاهمه فيه كثير حتى الدكتور لما قلنا له يساعدنا رفض يقهر
غيث ضحك : مو مشكله بتنحل اكيد وبتجيبين درجات عاليه وكويسه مره
ندى بتنهيده: ياررب
وصلو ونزل غيث شنطه ندى وفتح لها الشقه حط المفتاح عندها : شرايك تتعشين معنا !
ندى: لا عادي باكل هنا
غيث : المطبخ فاضي وما اشترينا شي بجي الساعه٨ اخذك وبعد منتعشاء بنطلع السوبرماركت مع كنان ونشتري كل اللي ناقص عندك
ندى بعد تردد: غيث انت مو متضايق من كنان او وضعه ؟
غيث بنفي : لااا وبالعكس والله مبسوط واتمنى اكون قريب له كثير واشيل من حمل اللي على قلبه لو شوي انا مبسوط ومحظوظ في اخ مثله واحمد ربي كل يوم انه طلع بحياتي صح بتستغربين لكلامي واني اتكلم عنه كذا بس اني اعزه كثير صح ايام قليله بس الله يخليه لي
ندى ببتسامه: امين يارب ويخليكم لعمي تغير وصار شخص غيير من بعد فتره صعبه مر فيها
غيث بستغراب : ابوي ؟ مر بفتره صعبه
ندى استغربت هل هو ماتكلم معهم : ااي
انتهى البارت 🤍 عطوني رايكم وتوقعاتكم😍🤍🤍 واحبكم
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
