بعد ساعتين
ندى ولمار اتفقو يطلعون سوا لمطعم وبعدها كوفي
اما يوسف وبندر
راحو عن العيال بالشقه
وبالنسبه لبطل قصتنا
شقه هتان
هتان كان يطبخ اكل علشان غيث لما يصحى اما غيث اللي كان نايم فتح عيونه بثقل يحس بتعب بجسمه عدل نفسه على الكنبه يستوعب المكان تذكر كل اللي صار من قبل وتنهد تنهيده طويله
هتان اللي طلع ومشغل اغنيه بسماعته بدا يغني
انتهينا وكل واحد له طريق في حياته !
استوعب ان غيث صحى قرب منه بخوف : انت بخير كيف حرارتك ؟
غيث ببحه : بخير اسف جيتك وازعجتك
هتان ضرب راسه : بلا دلع وقلت لك انا اخوك مو صاحبك
ابتسم غيث : الله يخليك لي
هتان : يلا قوم غسل وجهك وتعال ناكل
غيث : تمام
هتان رجع يغني :
انجبر قلبي قبل اقول ارجاك ودخيلك
غيث ابتسم: صوتك حلو !
هتان: ايي ادري
بدا يرتب الطاوله قفل جواله علشان ياكلون
بعيد عنهم
بشقه احمد
عبد العزيز : يعني الحين راح وتركك ؟
احمد حط رجل على رجل : اصبر عليه بيرجع يتكلم معك لانك اكثر شخص عرف ابوه
يوسف : يقهرني بروده هالشخص
احمد عطاه نظره
بندر : تقولون كذا اجل !
يوسف وصلته رساله
ندى: يبه بنطلع انا ولمار نتعشاء ولكوفي تبي اجيب لك قهوه معي ؟
يوسف : اي ماعليه
ندى : تمام وعمي ؟
يوسف : تبي قهوه ؟
بندر : فاضي انت !
عبد العزيز ضحك للموقف : بندر ريلاكس حبيبي بيتصل عليك
بندر: جيب لي معك بس
يوسف خلاص جيبي لبندر بعد
ندى ابتسمت للحوار: تمام
سكرت منه
وطلعو للمطعم
اما بشقه هتان
هتان: امم غيث وش ناوي تسوي ؟
غيث : في ايش بالضبط ؟
هتان: في موضوعك مع بندر
غيث تنهد: مدري بروح اكلمه بس مو الحين
هتان: طيب نطلع الحين !
غيث : وين
هتان: ناخذ شي نشربه
غيث : عادي يلا
هتان سند غيث : انت متاكد بخير !
غيث : اي شفيك
بعد طلوعهم وصلو للكوفي
هتان: وش تشرب
عقد حواجبه كانه استوعب شي : انت مريض كيف تبي قهوه ؟
غيث ضحك: جيب لي شي خفيف مو قوي
هتان : اذا كذا اوك
راح وطلب لهم وظل ينتظر الطلب اما غيث جلس وسند راسه على الطاوله كان الكوفي هادي وقليل الا من كم شخص يذاكر
دخلو ثنتينهم
هتان اللي التفت يغني : ندى ؟
ندى : هتان !
هتان : هلا والله
ندى: اخبارك
هتان: بخير
ندى استغربت الكاسين : معك احد ؟
لمار اللي كانت نظراتها على هتان من البدايه
هتان: اي غيث
ندى : هو بخير
هتان التفت يشوف غيث انصدم بوضعه : معليش بروح اشوفه
غيث اللي رفع راسه وجات عينه عليهم انحرج من وضعه
ندى ابتسمت لشكله : سلم عليه
هتان: تمام
خذو قهوتهم وطلعو
بالسياره
غيث : وصلني الشقه
هتان: متاكد ياغيث !
غيث ابتسم : لازم اتكلم معه والا احس بتضايق من نفسي اكثر
هتان: تمام بس ها مو تمشي اذا تبي تطلع من الشقه اتصل علي اجي اخذك تمام
غيث : تمام
وصل هتان غيث وحرك سيارته رسل ليوسف ان غيث بالشقه وتعبان اذا بندر بيروح له لايضغط عليه
يوسف قراء الرساله بس ماتكلم لبندر اللي كان يسولف مع عبد العزيز عن احداث صارت وبتصير بالشركه
بعد ساعتين
رجع بندر للشقه وقال له يوسف بالطريق ان غيث موجود
بندر فتح باب الشقه وشافه جالس يتابع برنامج
جلس بالكرسي اللي بجنب غيث كانت نظراتهم تحكي الندم والعتب والخوف والصراع اللي كان بداخلهم لبعض ظلو فتره ساكتين
غيث : انا اسف لتصرفي معك
بندر : مو انت اللي تعتذر انا اللي اعتذر لك
رجعو للصمت
وقف بندر وراح لغرفته فتح الدولاب وطلع الصوره رجع ومدها لغيث
غيث رفع راسه وشاف الصوره خذاها بيد ترجف شاف وراء الصوره كتابه بدا يقراء
اول يوم لنا بشركه بندر اتمنى لك التوفيق وعقبال مايكون غيث مثلك بالمستقبل
صورته صوره ابوه
امتلت عيونه دموع وحس بغصه بحلقه : ابوي ؟
بندر: اي طلب مني احتفظ فيها
غيث نزلت دموعه وبدت تطلع من حلقه شهقات خفيف : ليه يبه ليه ليه تتركني بهالدنيا يبه انا من بعدك حالتي ماتسر ليه تروحون وتتركوني ضايع بهالدنيا تعبت يبه تعبت احاول اتخطى واني اعيش حياتي عادي تعبت امشي بين الناس ويقولون لي هذا اليتيم تعبت اتخيل ان بكرا بيكون احسن بتكون موجود علشاني
علت شهقاته ودموعه بدت تنزل بشكل اكثر كانه جالس يطلع الم السنين اللي راحت كلها : ليه يابندر ماخذوني معهم تعبت احارب في معركه مو لي وعارف اني الخاسر الوحيد فيها تعبت بهالسن الصغير توني بالعشرين وكل هالتعب فيني
بندر عض شفايفه لانه ماكان موجود بوقت قريب ويكون بجنبه قرب منه وضمه له : اهدى ياغيث انا بكون بجنبك من اليوم ادري تاخرت عليك بس انا وانت اخوان مايربطهم الدم بس يربطهم رجل طيب وذكره حسن المفروض تفتخر فيه
غيث هدت شهقاته : راح ! وتركني بهالدنيا !موعارف من عدوي من صديقي ماعلمني وش اسوي علشان يكون تصرفي صح ماقال لي لاتروح مع فلان لاتسهر مع فلان صرت اكره الناس اكره العالم اكره اتكلم مع احد اخاف اشوف ظل شخص بجنبي اخاف المكان المغلق ليه يتركني ومايكون بجنبي !
بندر شد على غيث : انا هنا غيث انا بعلمك الصح والغلط بعلمك تكون مع من وتبعد عن من غيث اللي جالس تسويه مايجوز انت مسلم ولازم ترضى بقضاء وقدر الله
بعد فتره هدء غيث وابتعد عن بندر مسح دموعه اللي كانت عيونه حمرا اصلا : انا اسف
بندر ابتسم : لاتعتذر مو انت اخوي الصغير وخلاص من اليوم ورايح رح اكون مسوول عنك بكل شي
قطع كلامهم صوت الجرس
غيث بستغراب : تنتظر احد
بندر : لا وانت !
غيث : لا بروح اشوف يمكن هتان نسى شي
مسح وجهه وراح يفتح الباب انصدم فيها عند الباب
ندى : هلا
غيث اللي انحرج من شكله المبعثر وشعره وعيونه اللي منتفخه حمرا : ااا
ندى رفعت الكوب : ابوي قال لي اوصل لعمي كوب القهوه هذا
غيث : اي بندر
بندر اللي جاء : هلا والله هلا ببنت الغاللي
ندى انحرجت: هلابك ياعم
بندر: ادخلي ؟
ندى: لا بروح صاحبتي تحت تنتظرني
بندر اخذ كوب القهوه ودخل
ندى: انت بخير ؟
غيث : اي بخير وانتي !
ندى ابتسمت: بخير انتبه لنفسك ولاتتعب كثير ونشوفك قريب بالشركه
غيث ابتسم بدوره وودعها
بندر ببتسامه شر: همم غيث
غيث انتبه لنبره صوت بندر: لاتقولها
بندر: ليه يعني مافي اي مشاعر ؟ ولو شوووي
غيث : لا تطمن
بندر: تمام براحتك
غيث جلس وفتح التويتر انتبه للرساله اللي وصلته
شكرا لك لكلامك ولتشجيعك
فتح التويتر وكتب فيه :
اليوم انا محظوظ بالناس اللي حولي صح صارت اشياء كثيره سيئه بس اتمنى ان القادم افضل
اما من جهه ثانيه
وصلت للبيت
ندى : يبه تفضل
يوسف اخذ القهوه: وصلتي قهوه عمك ؟
ندى: اي توقعتكم تكونون سوا بس كيف كذاتقول لي انو اجيب قهوتك واوديها !
يوسف وكانه استوعب قصدها ضحك: تقصدين وجود غيث !
ندى: اي
يوسف : لا ماعليك واذا على غيث المفروض تتعودين على وجوده بكل مكان لان من اليوم ورايح بيكون بالشركه ورح تتعاملون بكثير اشياء سوا
ندى: اها ماعليه يبه نقدر نتصرف بوقتها
بشقه بندر
بندر: ابيك تتجهز بكرا بنروح للشركه انا وياك
غيث انصدم: لا !
بندر عقد حواجبه : وش لا !
غيث : مابغى اروح الشركه من جديد
بندر: وليه ؟
غيث : بس
بندر بجديه : الحين انت صرت شريك معنا انا ويوسف ولازم تداوم وتتعلم الشغل علشان تستلم شركه ابوك
غيث بصدمه : شركه ابوي !
بندر: اي شركه ابوك لازم تمسكها وتبدا تتعلم الشغل بكل تفاصيله
انتهى البارت 🤍🥺 انتظر حماسكم وتعليقاتكم و>> توقعاتكم للجاي
احبببببببببببببكم 🤍🤍🤍
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
