اهلييييييين احبكم طبعا وبالنسبه للبارتات صح قلت لكم ان الروايه بتنتهي 🥲😂بس تعرفون كاتبتكم دايم تطلع افكار باخر لحظه وعلشان كذا كتبت هالبارت والبارت اللي بعده بنتظر تعليقاتكم ورايكم على البارتين طبعا ❤️❤️❤️❤️❤️❤️❤️❤️❤️ واحبكم من جديد
بعد يوم من احداث روايتنا
غيث رجع للبيت مع بندر وفهم من يوسف ان كنان راح لانه عنده موعد ! اما غيث اللي كان موجود وهادي بنفس الوقت ما ابدى ردت فعل تجاه اللي سواه بندر لانه عارف رح يصلح غلطه
يوسف : بكرا بنطلع للشاليه وكلنا عزوز احمد جيبو زوجاتكم معكم
بندر: انا بروح الحين وقت طيارتي بنجيكم بالشاليه
يوسف : تمام انتبه لك وللطريق
بندر ابتسم له وراح
غيث اللي كان هادي من اليوم بندر استغرب هدوئه وسرحانه بس قرر انه بس يرجع يتكلم معه
يوسف بستغراب: غيث شصاير؟
غيث : ولاشي ياعم
بلندن بعد وقت طويل
تحديدا بيت باسل
باسل: ياكنان احكي لي مارح اعصب او اقول شي جلستك هنا موترتني
كنان حرك كرسيه : انا بروح شكلك ماتبغاني هنا
فتح الباب وواجه قدامه بندر اللي كان ناوي يدق الجرس
كنان ارتبك : يبه ؟
بندر كانت نظراته لكنان تكفى وتزيد عن حزنه وضيقه وكانه ماكان ياكل او يشرب بهالمده
كنان بعد كرسيه
باسل بستغراب كان واقف والبرود اللي بالمكان كان مو عاجبه : تفضل بندر
بندر ناظره نظره اقشعر جسم باسل منها وكانها كانت تحكي حال بندر بانه ليه ياخذ كنان عنده
بندر جلس : انا اسف لاني تركت كنان يجي هنا ويضايقك با ايامك هذي
باسل بنفي : لاتقول كذا كنان ماعمره ولا عمره بيكون مصدر مضايقه او ازعاج بالنسبه لي
بندر: بس ولو شكرا لك
باسل ابتسم له
بندر ممكن اتكلم مع كنان !
باسل فهم عليه وطلع لغرفته
بندر: كنان زعلان !
كنان بنفي : لا يبه انا مستحيل ازعل
بندر: كنان لاتخبي علي قول الصدق
كنان قرر يتكلم مع ابوه باريحيه اكثر من انه يتعامل معه برسميه : يبه * حس بالعبره تخنقه * كنت متخيل اني بنبسط بجيتي عندكم بس كل يوم احس ان مكاني مو هناك يمكن من نفسي اني اقنع نفسي باني مايصلح اجلس عندكم بعد ماصار اللي صار حسيت صدق ان وجودي اذى لكم
بندر رفع يده وسكر فم كنان: انت ولدي روحي ودنيتي غيث اخوك انت مو ولدي صح انا اللي كبرته ومتعلق فيه بس انت اللي من دمي ولحمي انت اللي لو قالو عندك ولد اقول لهم هذا ولدي وهذا سند لي
كنان: حتى لو اني ما امشي وممكن اكون عاله عليك طول عمرك ؟
بندر: انت ماعمرك كنت عاله علي واللي سويته بحقك غلط ويحق لك تسوي او تقول لي اللي ودك انا استاهل كل اللي تبي تسويه كنان مسك يد بندر: انت تدري اني ماقدر اقول لك كذا بس اللي اتمناه اننا نعوض كل اللي راح من السنوات واحنا بعيدين عن بعض !
بندر ابتسم له: انت وغيث عيالي ومن اليوم اوعدك اني اعوضك عن كل شي بس ..'
كنان عقد حواجبه: بس ايش ! غيث فيه شي
بندر : غيث بخير بس انا يمكن بدت ترجع لي حالات الخوف والتوتر اللي صارت لي الفتره اللي راحت قبل ٨ سنوات حتى من قبل اخذ غيث لدرجه اني صحيت قبل امس ومو مستوعب اللي صار مو مستوعب اني سويت معك كذا او قلت لك هالكلام ما استوعبت الا بعدين
كنان: بنتخطى كل شي سوا
ابتسم بندر وسند راسه براس كنان: بما انكم معي واثق اني بتخطى الدنيا كلها
طلعو من بيت باسل بعد ماودعوه وعلى المطار على طول
بندر جلس بعد ما رتب جلست كنان : مرتاح !
كنان : اي
عند العيال
هتان بحلطمه : غيث وش هالبرود عليك !
غيث ناظره لفتره: ممكن تفهمني وش مستعجل عليه
هتان : يعني بتجلس كذا جالس لا انت اللي جهزت ثيابك ولا جهزت نفسك
غيث وقف وراح لدولابه وفتحه سمع شهقته وراه
عبد العزيز : تمزح وش هالثياب غيث ؟ وانا اقول شفيه معلق على الابيض والاسود والرمادي يلا تعالو معي بنطلع نشتري شورتات وبدل للشاليه
غيث : مايحتاج باخذ من هتان
عبد العزيز التفت له : تسمع هذا يصير لبندر صح ؟
احمد ضحك: يلا غيث كلنا بنشتري وبالمره تشتري لكنان وبندر
غيث : كنان ؟
احمد : ناوي تحرمه المتعه كلنا بنكون معه
غيث ابتسم لمجرد الفكره كيف لو صارت وانبسط كنان : يلا نروح
عبد العزيز التفت بصدمه: تستهبل صح !
غيث لبس جزمته وطلع معهم وهو يسمع حلطمه
عبد العزيز على احمد بانه اقنع غيث
بالمول
غيث : شوفو هذا حلو ؟
احمد ناظر الطقم : قلنا اخوان لص عاد لاتتهور وتاخذون نفس اللبس
غيث ضحك: طيب ابي البس نفسه شعليكم !
احمد ناظر عبد العزيز : بس حلو اللون ابيض واخضر رهيب
هتان طلع من غرفه التبديل : ها كيف
كان الطلب ميك ماوس سكتو كلهم بصدمه وانفجرو ضحك
غيث : لايق خذه لك
بالشاليه كانو الكل متواجدين يتبقى كنان وبندر اللي كانو بالطياره
يوسف : غيث فاضي؟
غيث: اي امرني !
يوسف : ندى وصاحبتها فاضين اذا يعني تخلصون الدرس وتستمتعون باليوم !
غيث : اي يلا
راح وبدو الدرس بنص الدرس
سمعو صوت السياره
غيث فز قلبه ووقف وصلو !
راح يركض للبوابه بندر اللي نزل بيتوجه ينزل كنان تفاجئ بغيث يركض ويضمه تراجع بخطواته وهو يضحك: بشويش
غيث : الحمدلله على السلامه
بندر: الله يسلمك اخبارك
غيث ابتسم له : بخير خلاص ادخل انا بساعد كنان
كنان اللي كان مبتسم للمشهد اللي صار
غيث قرب منه وضمه بقوه : اشتقت لك
كنان بادله : ياحبيب اخوك
غيث قرب الكرسي منه وساعده ينزل من السياره للكرسي
كنان : اخبارك الحين
غيث وقف العربيه واجه كنان: اسمع كنان اللي ابيك تعرفه انك مالك ذنب او دخل باللي صار لي زين فا لاتلوم نفسك وتتضايق
كنان ابتسم له : بس انا
غيث : لا بس ولاشي نفتح صفحه جديده ونعيش اليوم تمام
كنان: تمام
دخلو وغيث اعتذر لندى انه بيكنسل الدرس للوقت الحالي
جلسو كلهم يشوون ويطبخون بستمتاع
بندر اللي دخل للغرفه
غيث : جبت لك كم لبسه يارب تكون مقاسك
بندر فتح الدولاب قرب منه غيث وطلع له البدله بندر بعثر شعر غيث
بندر: تعرفني عدل حتى اللوان اللي احبها اشتريتها لي
غيث ابتسم له : بجيب كنان ابدل له
بندر: يلا
غيث طلع لهم وانتبه لكنان اللي مشغول بجواله استغرب اول مره يشوفه كذا
كنان اللي رفع راسه برتباك واول ماشاف غيث ابتسم له : غيث
غيث قرب منه: فيك شي ؟
كنان : ابيك تاخذني لداخل
غيث : يلا
دخلو
كنان : ماجبت الاب توب حقي وعندي مكالمه مهمه
غيث بستغراب : مكالمه وبالاب توب
كنان: لانها فيس تايم
غيث بتذكر: ثواني اتوقع هتان جاب الاب توب حقه لان عمي مستحيل يترك الشغل حتى وهو باجازه
طلع بسرعه من دون مايسمع كنان اللي كان يقول له مو لازم
غيث : هتان باخذ الاب توب حقك
هتان اللي كان يشوي العشاء تحصله بدولابي
بندر طلع من الغرفه : مارح تطلعون !
غيث : شوي يبه عندنا شغله نخلصها ونجي
بندر : تمام براحتكم
غيث فتح الاب توب وفتح الفيس تابم دخل حساب كنان واستقبل المكالمه
طلعت له ببتسامتها
هديل : اهلين كنان الحمدلله على سلامتك
كنان : الله يسلمك
هديل استغربت الشخص اللي وراء كنان واقف
كنان بتدارك للامر : دكتوره هذا اخوي غيث
هديل ابتسمت له : اهلين غيث حكى لي كنان عنك كثير من قبل لاتلقتي فيه
غيث ابتسم لها: هلا فيك من حظي الحلو انه اخوي
هديل : اهتم فيه ماوصيك
غيث همس لكنان : بطلع وانت بس تخلص اتصل علي
ترك عنده جواله وطلع
هديل : اشوفك مبسوط رجعت الامور تمام مع ابوك ؟
كنان: اي الحمدلله تكلمت معه نفس ماقلتي وقلت له اللي بقلبي وبالطياره حكينا اللي بداخلنا ومشاعر كل واحد فينا بهالمده اللي بعدنا عن بعض فيها
هديل : طيب شي حلو الحين ابغى منك طلب صغير
كنان: ايش ؟
هديل : ابيك تجلس مثل هالجلسه مع اخوك
كنان بستغراب : غيث ؟
هديل : اي
كنان: بس يعني ماصار شي بيني وبينه او حتى ماكنا سوا من زمان
هديل اومئت ببتسامه: عارفه وعلشان كذا اقول لك تكلم معه وتعرفو على بعض اكثر
كنان : اها تمام دكتوره شكرا
هديل : العفو
قفل المكالمه وهو يناظر بالشاشه لفتره : اتكلم معه ! صح بداخلي كلام كثير وابغى اتكلم معه بس ايش اقول له او كيف ابدا
تنهد قبل يتصل على غيث اللي جاء عنده وساعده يبدل
احمد بحماس : يلا الحين بنسبح كلنا!
ابتسمو كلهم
احمد: يلا كنان
كنان اللي انصدم : ايش وانا ايش دخلني !
احمد: لاتخاف كلنا بنكون حولك
كنان ناظره بتردد
بندر: اذا مو مرتاح لاتغامر
كنان : بخاطري ادخل الماء
بندر وغيث مسكوه وساعدوه يوقف
بندر: اجل يلا تعال
نزل كنان للماء من بعد مده طويله اخر مره يتذكر انه كان ببطوله وبعدها صار له الحادث نزلت دموعه وهو يحس بملمس الماء على جسمه كان لابس طوق النجاه وغيث وهتان بجنبه
غيث كان مبسوط مره انه قدر يسوي شي لكنان
كنان تمسك بغيث : اصابتك ما تالمك !
غيث ابتسم له : لا لاتحاتي الدكتور فهد قال اني بكون بخير
كنان بعد وقت من دخوله المسبح بدا يحس بالم كبير مسك كتف غيث وهو يحس بالم كبير
غيث اللي انتبه له وضمه له بحيث يقدر يساعده يصعد من المسبح : كنان خلك معي دقايق بتكون بخير لاتحاتي
اما بندر اللي كان برا المسبح انتبه لغيث وكنان وراح يساعد كنان واتصل بفهد اللي ماكان مداوم بحكم شغله بعد نص ساعه وصل فهد بحكم بعد المكان
فهد : شصارله !
بندر: مدري كنا بالمسبح ونزلناه معنا بعد وقت بدا يتالم من رجله
قهد : وينه ؟
بندر: داخل تعال
دخل للغرفه
فهد : هااا كنان شصار معك
كنان كان متوتر من الشعور اللي جاه : مدري
فهد ناظرهم : كلكم اطلعو * ناظر بيوسف لفتره* يوسف ابقى هنا
بندر رفع حاجبه : ليه طيب انا ابوه ؟
فهد : بندر مو فاضي حركات اطفال اطلعو كلكم
طلعو وبقى يوسف
فهد مسك رجل كنان : تحس في يدي ؟
كنان بصدمه اول مره يجيه هالاحساس : اي
فهد : مابي نسبق الاحداث بس بسوي شي وقول لي اذا حسيت بالم او شعور غريب تمام
كنان اومئ فهد طلع الابره من الشنطه اللي كانت معه وبدا ينغز رجل كنان
فهد : تحس فيها
اما كنان اللي كانت عيونه مليانه دموع
يوسف بخوف : كنان شصار لك !
أنت تقرأ
مُهمل
Romansaكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
