اهليييييين احبكككككككككم مره مره لتفاعلكم الحلو 🥺🤍 يالله محظوظه فيكم يا الطف واغلى متابعين وقراء واصحاب وعائلتي الصغيره 🖤🖤🖤 استمتعو بالبارت واهم شي لاتنسون > رايكم بالبارت و > توقعاتكم
غيث ارتبك: تفضلو داخل
يوسف : انت مين وش تقرب لبندر ؟
غيث فتح الباب : تفضل ونتكلم داخل !
هتان تنهد لان الوضع كان متوتر بشكل كبير
ببيت يوسف
ندى: يمه وين ابوي كان هنا من شووي ؟
ريتاج: راح مع هتان جاه هنا وتكلمو ان غيث جاته الشرطه تاخذه
ندى عقدت حواجبها: ايش ؟ الشرطه خذته معقول ابوي بلغ عليه
ريتاج : لا اللي فهمته انهم راحو يشوفونه
ندى جلست وفتحت جوالها تكلم صاحبتها لمار وتحكي لها كل اللي صار
ببيت غيث
اول مادخلو انصدم يوسف من منظر البيت بندر مستحيل يعيش هنا ! اكيد اني اتخيل
غيث ابتسم بالم: كل اللي يدور ببالك الحين هل صدق بندر عاش هنا او لا صح !
يوسف سكت فتره : انت ماتعرف !
غيث : ايش ؟
يوسف ؛ بندر اخوي من ام
غيث وهتان انصدمو ....
يوسف تنهد: هذا الشي كنا مخبينه عن الناس بحيث مانقول لهم
غيث : شلون !
يوسف : اترك شلون بعدين وقول لي الحين متى عرفت بندر !
غيث كان متوتر مره من ردات الفعل اللي ممكن تجيه : بحكي لكم قصتي
انتبهو له بتركيز
غيث كمل : تعرفت على بندر بالميتم كان يزور الميتم كل شهر وكالعاده كنت الطفل المنبوذ وبنفس الوقت تعودت على الوحده كثير عانيت من الاشخاص المسوولين بالميتم واول شخص تكلم معي كان سلمان وعرفني على بندر بداء يتكلم معي كنت مو متقبله بس شفته يجي اكثر من مره بالاسبوع ويجلس معي بدينا نسولف وتعودنا على بعض بعد ماصار عمري ١٩ تكلم معي مدير الميتم بان فيه شخص طلب يعتني فيني رفضت بس اول ماشفت انه بندر انبسطت كثير لاني حسيته اب لي اخذني معه لهالشقه وكانت بالنسبه لي قصر ماكان يبين لي انه يشتغل او له وظيفته دايم كان معي بالبيت ويجيب لنا اشياء ويطبخ ماحسسني بيوم اننا نحتاج شي مع ان اللي يشوف وضع المكان يقول اننا فقراء مره عشت معه افضل ايام حياتي ماحسسني بالاهمال باي يوم كان من اصحى لما انام وهو يعتني ويهتم فيني بشكل مبالغ لدرجه اذا طلع صرت اخاف لتاخره لو دقايق وصار الحادث مدري من اللي دفنه او وين لاني دورت عليه بكل مكان حبست نفسي لمده اسبوعين وتذكرت كلامه باني لازم ادور وظيفه واعيل نفسي مر شهرين وانا ابحث عن وظيفه ماحصلت لما قدمت على شركتك وانقبلت وبعدها صار اللي صار بس ممكن افهم كيف صار الوضع ان بندر اخوك !
يوسف : بندر اخوي من ام بس يعني حتى انا ماكنت اعرف الا لما قررنا ندخل شراكه امي معنا وكانت تحكي لي ان لي اخ بس ماتدري وين اراضيه من اخذه ابوه منها وانحرمت منه كانت صدمه لما عرفت اسمه وتعرفنا على بعض ورجعنا مثل قبل
غيث طلع الورقه: تفضل هذي ورقه ال وصيه انا للحين ماوافقت على اي شي لان الورث من حقكم ورح اروح اغير كل شي باسمك بس ياليت تجي معي
يوسف بغضب: بندر ترك كل امواله لك يعني مالك كلمه وانك تغير ورثك بسببنا اكيد الرساله هذي فيها الكلام اللي رح يثبت صحت كلامي
فتح الرساله وعم الصمت عليهم قراها يوسف بصوت عالي :
يوسف اخوي
اعتذر لارسال مثل هالرساله لك بس اتمنى انك تقابلت مع غيث وتعرفتو على بعض لاتحمله فوق طاقته وصح انا مامت !
وقف عند هالنقطه وعم الصمت والصدمه والتوتر بينهم
كمل :
انا حولكم بس مارح ارجع الا بعد فتره اللي اتمناه انك تعتني بغيث وابغاه يتكلم مع عبد العزيز ويخلص معه كل الاوراق القانونيه وصح ياليت تقول له عن كل اللي بالشركه وممكن يصير لاني ابغاه يستلم الشغل عني > انتبهو لنفسكم وانتبه لغيث يايوسف
يوسف جلس فتره يناظر بالرساله ورفع راسه لغيث : بندر ؟
غيث كمل جملته: مامات !
هتان: ومارح يرجع !
يوسف بعثر شعره وتنهد : يالله يابندر مو وقتك تسوي كذا
غيث وقف برتباك وخوف : انا مستحيل اقبل هذا هو عايش ويبغاني اوافق على اختياراته مستحيل
يوسف لاحظ رجفت غيث وقف ومسك كتف غيث: اهدى خذ نفس بندر بيتضايق منك اذا ماسويت اللي طلبه منك تذكر انه اهتم فيك ٥ سنوات وظل بجنبك واعتنى فيك
غيث لمعت عيونه من دموعه وناظر بهتان يبيه يتكلم بس كانت ردت فعل هتان الصمت ..
غيث ظل ساكت لفتره طويله: برتاح وافكر
هتان : اظل معك !
غيث ابتسم بالم : عادي ؟
يوسف تنهد قبل يتكلم: بجيك بالليل اتطمن عليك اهتم بنفسك لوقتها ولاتحمل نفسك فوق طاقتها لو بندر مايبي هالشي ماقال لك ترا
غيث اكتفى بالصمت
يوسف قبل مايطلع وتذكر: انت لك اعداء بالشركه؟
غيث : لا ليه !
يوسف حكى له موضوع الايميل : وهذا السبب في طردي لك عارف اني تسرعت بس امم اسف ياغيث
غيث ابتسم : لاتحاتي ماصار شي
طلع يوسف بعد ماودعهم
غيث : اختفى ؟ وكاتب ورث لي ليه طيب هتان يعني حط نفسك بمكاني
هتان كان متضايق لوضع غيث صح مايعرفون بعض الا من يومين بس يحس انه قريب له بشكل كبير : شوف يا غيث انا لو مكانك وتبي الصدق رح اسمع كلام بندر واسوي اللي قال لي عليه لان هذا اللي بيتركه يرجع ويكون معك
غيث سند راسه على الكنب : اووه احس نفسي تعبان مره
هتان لعب بشعره: ارتاح ونام لك شوي اللي صار مو قليل
ببيت يوسف
يوسف : عمك بندر عايش
ندى اللي كانت ماسكه كوب مويه طاح من يدها: وش؟ شلون عمي عايش بس احنا استلمنا
يوسف : استلمنا جثه صح بس ماندري لمن
ندى: كيف يبه يعني استلمنا جثه مانعرف من له
يوسف : شكله هذا اللي صار لان رساله عمك تدل على كذا واتوقع السر هذا عند شخص واحد بس
ندى: من ؟
يوسف: المحامي عبد العزيز
ندى: ماتكلمت معه !
يوسف : مانقدر نوصل له الا اذا هو جاء عندنا لاني حاولت ودورت عنه كثير ماحصلته ولا اقدر اوصل له
ندى: وايش صله غيث !
يوسف: غيث هو الشخص اللي تبناه عمك وجلس يحكي لنا عليه لمده طويله بانه التقى بالولد اللي رح يكون من بعده
ندى : اي وبعدين ؟
يوسف : ولا قبلين طلع غيث هو الشخص اللي عمك طالب مني اهتم فيه
ندى : امم طيب !
يوسف : وبس الحين رجوع عمك مرتبط ب موافقه غيث وانا ماقدر اجبره على شي هو يمكن مو متقبله
ندى : بس يبه واللي صار اليوم !
يوسف : انا اعتذرت له وطلبت من الامن يرسلون لي كميرات قسمنا كامل لل٣ ايام لاني فاقد كم شي وبيرسلونها بعد شوي فاضيه نشوفها سوا
تقدمت ريتاج منهم باكواب عصير بارد : اي فاضيه ورح تساعدك اكيد لاتحاتي
يوسف ابتسم : ريتاج اتركي البنت تتكلم عن نفسها !
ندى : جاهزه يبه وفاضيه
بعد ماشربو وخلصو انتقلو لغرفه المكتب وفتحو التسجيلات بدا اول يوم عادي وصلو لنقطه دخول شخص غريب للمكتب بعد خروجهم
يوسف : وقفي الكميرا هنا وكبريها .
ندى كبرت الشاشه واتضح الشخص : مو هذا سعد ؟
يوسف : سعدد ؟؟ ليه ! معقول هو يسوي كذا
ندى: يبه شصاير؟
يوسف : والله مدري يابنتي علشان كذا لازم التقي فيه طيب كملي خلينا نشوف
بعيد عنهم
عبد العزيز : طيب وبعدين اذا رفض ؟
بندر: هو بيجيك وبيرفض واعرض عليه انك تقول له مكاني بس على شرط توقيعه وموافقته
عبد العزيز : والله انت غريب يابندر ليه كل هذا السالفه والقصه علشان شخص غريب مايقرب لك ولاتقرب له
ابتسم بندر : لا غيث ولد الشخص اللي توفى وتركني بحالتي هذي انا ماوصلت للي وصلت له الا بفضله ومساعدته وتشجيعه لي وانه استمر معي لما بنيت نفسي لما شفت انه توفى استغربت وين راح ولده صح عنده املاك موقفه وهذي بحد ذاتها قضيه ثانيه ابيك تمسكها بس بنفس الوقت بس يوافق ويريح قلبي هذيك الساعه بقول له كل شي
ببيت غيث اللي كان نايم وهتان جالس بجنبه دق جواله
هتان: هلا استاذ يوسف
يوسف : يوسف يكفي يا هتان مابينا انا تابعت كل التسجيلات
هتان: طيب ؟ وايش طلع معك !
يوسف : سعد الشخص الوحيد اللي دخل بعد خروجنا بساعه
هتان بصدمه: سعد ليه وش مصلحته
يوسف : غيث وين ؟
هتان: نايم
يوسف : تجي بكرا بدري ونسوي اجتماع مغلق بعدها نعرف وش رح نسوي وايش السبب
هتان تنهد: تمام
التفت لغيث بنظرات كلها عطف وحزن وضيق لحاله: ليه كل شي يمشي عكس بالنسبه لك
انتهى البارت رايكم وتوقعاتكم للجاي ؟؟ 😍🤍🫶🏻 ولاتنسون اني احبكم مرررره 🤍🤍
أنت تقرأ
مُهمل
Roman d'amourكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
