رجع غيث للشقه وشاف ان بندر نايم للحين طلع وهو ناوي يتصل عليه جلس باستراحه الفندق وفعلا اول ما اتصل جاه الرد
هتان: هلاا غيث
غيث ببتسامه: اخببارك
هتان: بخير وانت
غيث : بخير
هتان: امم صدق اللي سمعته؟
غيث بستغراب: ايش هو
هتان: ان لك اخ
غيث : اي * حكى له الموضوع *
هتان عدل جلسته وهو يسمع القصه من غيث وبصدمه: رفض يشوف ابوه ؟
غيث : اي وتكلمت معه قال انه يحتاج وقت علشان يستوعب
هتان بنكسار: بس مو حرام لبندر اللي متحمس كثير كون انه عرف عن وجود ولد له
غيث : والله حاولت اتكلم معه بس كان رافض اي نقاش
هتان: ماعليه بيرجع ويلتقي فيه لاتحمل نفسك فوق طاقتها واسمع استمتع بهالرحله
غيث ضحك على تفكير هتان: والله جاي لشغل ياهتان مو جاي اشوف الدنيا مع ان الجو اليوم مررره رهيب
هتان بحلطمه: ولا يصور لصاحبه
غيث ضحك: بصور لك خلاص لاتحاتي اي صح ماتقول لي من اللي قال لكم عن كنان
هتان بستغراب : اخوك اسمه كنان
غيث تفاجى من فهاوه هتان مع انه واثق انه قال له من قبل وهو يحكي له السالفه: هتان وش هالفهاوه
هتان: بدون ازعاج اللي قال لنا خالك محمد تكلم مع يوسف وبعدها طلب يتكلم بشكل خاص معه
غيث بستغراب: غريبه
هتان: هو من ناحيه غريبه فا هو غريب صدق بس مدري
غيث : تمام الحين بتركك بروح اشوف بندر اذا صحى او لا
هتان: طمني تمام !
غيث : اوه صح عندك رقم ندى ؟
هتان استنكر طلب غيث
غيث بتنبيه: هيه لايروح فكرك بعيد بس علشان بتكلم معها ابوها طلب مني اعطيها دروس وبشوف متى بيكون اختبارها
هتان بنغزات: اهااا علينا يعني
غيث سكر بوجهه
هتان ارسل بالمحادثه ضحكه ورسل رقم ندى اما غيث اللي وقف وراح لفوق رمى نفسه على السرير وماحس بنفسه هو الثاني الا وهم بسابع نومه
بمكان بعيد عنهم
بيت باسل
باسل: جاكسن كيف حال كنان !
جاكسن : هو بخير سيدي ولكن
باسل استغرب الكن هذي : ماذا هل جرى شيئ ؟
جاكسن : لقد اتى شخصان وعندها طلب مني ان اخذه لغرفته ثم ذهبو احدهم عاد بعد وقت وكان السيد كنان بنتظاره تحدثا وهو الان بغرفته لم يحرج منها
باسل استغرب وراح لغرفه كنان: كنان !
كنان مسح دموعه: هلا خالي
باسل صح انه مربي كنان وصار نفس ولده بس بنفس الوقت مايقدر يجبره يقول له ابوي : شصاير؟
كنان: غيث وابوي جاو هنا
انصدم باسل !!!!! وكانت ردت فعله غريبه بالنسبه لكنان اللي سمع همس باسل وهو يقول : شلون عرفو ؟
كنان : تكلمت مع غيث وبكرا بروح اقابل ابوي
باسل بصرخه: لااا
كنان فتح عيونه بصدمه: ايش ؟
باسل: لاتقابله
كنان : بس هذا ابوي
باسل بجنون : انا اللي ربيتك وكبرتك واعتنيت فيك مستحيل يجي بعد هالسنوات وياخذك مني انت ولدي انا
كنان: انت اخذتني من ابوي وامي ياخال وبتمنعني الحين اقابل ابوي واكون بجنبه
باسل : انا قلت اللي عندي وانتهى الكلام فاهم ؟
كنان حس بنكسار كبير بداخله بسبب رفض باسل !!
باسل اللي طلع من غرفه كنان ونزل للبواب : هل تعلم مكان الشخصين الذين منذ ساعات !
البواب : نعم سيدي
كتب له العنوان وراح لهم
اول ماوصل
كان غيث طالع من وقت لان على طول جاه اتصال من كنان اللي طلب منه يستعجل
عند باسل اللي صعد للشقه برقمها بعد ماسال عن رقم الغرفه دق الباب
بندر فتح الباب وكانت صدمه له بعد هالسنوات كلها يتقابلون ! : باسل ؟
باسل : ممكن نتكلم
بندر اللي دخل ونسى يتاكد من الباب وراه
باسل : ليه جاي ؟
بندر رفع حاجبه : انت تسالني ؟
باسل: اي اسالك ليه جاي بندر
بندر : مو فاهم سوالك للحين
باسل بصرخه: ليه جيت بعد كل هالسنوات تدمر اللي بنيته
بندر تفاجئ من غضب باسل الغير طبيعي وماله اي تبرير: باسل فيك شي انت انا جاي لولدي ترا
اما هو كان برا ماسك الكرسي المتحرك لكنان وسمعو بدايه الحديث
غيث كان بيبتعد بس كلمه كنان وقفته: اتوقع انه من حقنا نسمع وبالذات انا صح ؟
غيث تنهد ووقف فتح الباب وكان فيه ممر وبعدها يدخل للغرفه
باسل ناظر يدينه وبطريقه جنونيه بدا يتكلم بس بندر ترك باسل يتكلم : انا كبرته وربيته واهتميت فيه علمته ودخلته افضل المدارس صح مو ولدي ومن دمي بس انا اللي كبرته بدا يكبر ويكبر اسمه بانه صاحب البطولات والميداليات والافضل دايم على صفه او سنه ودايم يقولون انه سابق جيله بالمتوسط صارت له الحادثه من اشخاص معه بالمدرسه مافي امل حتى من افضل الاطباء بالعالم دخل بحاله اكتئاب وحزن حاده بعد سنه قدرت ارجعه لنفسه دخل المدرسه بس كانت النظرات تحكي باشياء كثير بدا يخاف من المجتمع والعالم كنت بجنبه وساعدته وكبرته ودخلته شريك معي لانه دايم له اختيارات قويه ولها تاثيرها الكبير بمجال الشركات بدا يرجع لطبيعته * وبصوت عالي * وتبي بعد كل اللي بنيته تهدمه بجيتك له انت عارف اني لما رحت له كيف كان شكله مكسور ومجروح وكانه رجع لنقطه البدايه من جديد اللي بنيته انت بتهدمه
بندر بجديه وبرود : بس قبل كل هذا السبب بانه صار عندك وانك اللي ربيته وكبرته ايش ؟ انك اخفيت حقيقه وجوده هددت امه اني اذا عرفت رح تخسره وتخسر طلال استخدمت اسلوب التهديد والسلطه حرمتني من ولدي وحرمت الولد من ابوه متوقع اني ماكنت بحبه
باسل ظل ساكت بس تكلم وببتسامه: والحين ليه جاي ؟
بندر اللي بدا اسلوب باسل يستفزه قرب منه ومسك ياقته وبغضب : جاي استرجع ولدي
باسل : مو مستثقل ان ولدك مقعد ؟ مو مستثقل فكره انه ولدك وبعد هالسنوات التقيت فيه انك بتاخذه فتره وتطفش منه
غيث اللي قبض على يده بس يد كنان اللي مسكت يده بمحاوله لتهدئته كانت كفيله بانها تهديه
بندر اللي بعد باسل عنه بقوه : ليه ماتقول احافظ عليه اخليه مايحتاج احد ليه ماتقول بحطه فوق راسي ولو طلب دنيتي باللي فيها تفداه ليه ماتقول اني بحافظ عليه بسترجع سعادته اخوه بجنبه انا بجنبه لهفته اللي لاخوه اول ما التقى فيه للحين ماراحت من بالي * وبحزن وضيق* صح ماكان متلهف لي وكان بارد بس انا مستحيل استسلم ورح ارجع اعيد الزيارات ولو تاخذه لمكان بعيد بجي وراكم واسترجع ولدي باسل هذا ولدي الضنى غالي ياباسل محمد كان بيخسر حسام قبل فتره وتغير انت مو ناوي تتغير الا لما تخسر شخص قريب منك ؟ كذا انتو تنبسطون !
بندر رفع راسه والتقت عيونه بعيون باسل : بالعكس قصدك احتويه واكون بجنبه كوني ابوه والشخص اللي المفروض يكون معه من بدايه حياته حرمت امه منه واخذته منها وهو ابو سنه بعد انت افضل من محمد اللي اخذ غيث وتركه بالميتم لسنوات كيف تنامون بالليل وانتو كل هالاشياء مسوينها متوقع ربي يتركم من الحساب !
باسل بعصبيه جنونيه : مستحيل تاخذه مني فاهم لو ارميه بالبيت لسنين مارح تاخذه ولا رح توصل له ابد مستحيل تاخذ الشخص اللي بنيته لسنوات مستحيل
كنان ناظر بغيث اللي دفع العربيه ودخلو اثنينهم لداخل الغرفه
باسل جمد بوقفته وفتح فمه بصدمه لوجود كنان وبخوف : من متى انت هنا ؟
اما بندر اللي تمنى لا غيث ولا كنان يسمع اي شي من اللي انقال كونه خلاف صعب الوصول لحل له بينه وبين باسل
كنان : من البدايه
باسل بجنون بدا يبرر : لا ياكنان لاتفهم غلط انا مستحيل اسوي كذا انت ولدي
كنان بنفي وهدوء : لا ياخال ابوي بندر
بندر رفع راسه بلهفه وشوق مع شعور بالحزن لانه كان متخيل ان كنان مستحيل يقول له هالكلمه
باسل : كنان اكيد انت تعبان تعال نرجع
كان بيمسك العربيه بس يد بندر وقفته : مستحيل اتركك تاخذه بعد مانظقها
باسل بضحكه: بيرميك مثل مارموك ناس كثير بترجع لي بندم رح تخسرني بوقتها مارح تحصلني
كنان : ياخال انا مستحيل اكرهك انت كنت الشخص اللي رباني وكبرني بس ابوي ماقدر ابتعد عنه بعد ماعرفت ان ماله يد بموضوع انه مايعرف عن وجودي
باسل طلع وضرب الباب بقوه
بندر قرب من كنان بس ماتكلم
كنان نزل راسه : انا اسف يبه
بندر بنفي قرب منه نزل لمستواه ومسك وجهه وبنفي : لا ياولدي طول ما انا حي لاتنزل راسك لاي مخلوق
كنان نزلت دموعه مسحها : اسف يبه لرفضي لك بس ماكنت متخيل اكون حمل عليك
بندر هز راسه بنفي : لا ياكنان انت مو حمل انت سعادتي انت وغيث انتو اللي بتعوضوني عن الدنيا ومافيها عن كل اللي مريت فيه عن كل وجع عن كل لحظه تعبت فيها
كنان ابتسم وسط دموعه اللي تنزل
غيث : احمم تراني هنا
بندر وقف وعفس شعره بمزح : مستحيل انساك انت
بعد وقت طلع بندر وكنان يجيبون اغراض كنان كون انه بيرجع معهم اما غيث اللي فتح محادثه ندى
كتب كا اول كلمه
اهلين ..
انتهى البارت رايكم 🤍😍 وتوقعاتكم للجاي
باسل ومحمد اللي كانو ياذون الكل
كنان ورجوعه مع بندر وغيث هل ممكن يمر الموضوع ببساطه ؟ غيث وعلاقته بندى هل ممكن تتطور او بتكون مشاعر ندى لغيث مجرد اخوه
أنت تقرأ
مُهمل
Lãng mạnكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
