بندر : بتطمن انه عند هتان
يوسف: انا بتطمن ريح انت
بندر ناظره لفتره وسند راسه على كتفه
يوسف اتصل على هتان ظل فتره لما شبك الخط
هتان: هلا
يوسف: هلا هتان اخبارك
هتان: بخير الحمدلله
يوسف : هتان غيث عندك !
هتان: لا مو عندي
يوسف عقد حواجبه: اها تمام اسمع انتبه له
هتان استغرب بس توقع ان شي صاير : تمام
سكر منه : يقول نايم
بندر وقف: بروح انام انا شوي واروح لهتان اخذه
يوسف: اتركه اليوم
بندر تنهد وراح لغرفته
بعيد عنهم ببيت محمد
كان جالس بغضب للحين يفكر كيف عرف غيث بالموضوع وكيف وصلته الاوراق
محمد بستغراب: باسل انت فيك شي ترا مو داخله مزاجي انك جاي كذا
باسل رفع نظره له: انت اللي قلت لغيث عن دين ابوه !
محمد: لا ماشفته من اخر مره جاو يسالون عن كنان وبعدين دين ابوه ؟ مو طلال سدد الدين بعد شهر!
باسل: الا علشان كذا ابي اعرف من اللي بلغ غيث بهالكلام
محمد رفع كتفه بستغراب: روح لبندر رجع له الفلوس
باسل ناظر بمحمد لفتره ووقف معه الشنطه : مع اني مو طايقه بس مجبور
محمد راح لغرفه حسام
حسام: راح خالي !
محمد: ليه تكرهه !
حسام: مدري فيه احساس يضايقني تجاهه ادري خالي بس ماقدر اتحكم بهالشعور
محمد: على راحتك
اما باسل اللي وصل لبيت بندر دق الباب بندر كان بيروح
لغرفته وراح يفتح الباب
بندر بشمئزاز: نعم ؟
باسل: غيث موجود
بندر: لا
باسل: طيب ممكن اتكلم معك
بندر: لا مو ممكن
باسل: الامر يخص غيث وطلال
بندر: واذا كنت تكذب
باسل: اتركني ادخل واحكم
بندر فتح الباب
باسل دخل ونزل الشنطه : مدري اذا تعرف عن الدين او قال لك غيث عن اللي بيني وبين طلال بس هذي الاوراق بعد شهر من الدين طلال سدد اللي عليه غيث جاب لي الفلوس وتركها وما تركني اكمل كلامي ورفض يسمعني
يوسف اللي كان جالس: ماتوقع غيث يتصرف كذا الا اذا الموضوع فيه شي
بندر: ولدي وش يسوي عندك يا باسل غير موضوع الدين
باسل ضحك: للحين مصر انه ولدك ياخي اهدى من كذا غيث ماكان ولا بيكون ولدك
بندر: اطلع من بيتي
باسل: بطلع مو من حبي لهالبيت
طلع باسل اما بندر بدا يضرب الجدار بشكل جنوني من غضبه يوسف راح له بخوف وحاول يوقفه لما بندر من نفسه ابتعد من يوسف بعد ماتورمت يدينه بدون مايحس مشى بخطوات منكسره لداخل غرفته
يوسف طلع جواله وحاول يتصل بغيث اللي كان نايم وفتح عيونه بتعب رفع جواله لما شافه يوسف فتح الخط
يوسف بجديه: وينك فيه
غيث: موجود
يوسف : تعال البيت
غيث عرف ان يوسف راح لبندر واكيد تكلمو مع بعض : مو اليوم
يوسف: بندر يحتاج لكم بجنبه
غيث عقد حواجبه ورفع نفسه: صاير شي ؟
يوسف طلع من الفيلا : تعرفون ان بندر مر بفتره تعب صح ؟
غيث : اي
يوسف : تعب بندر بدا يرجع له وكونكم مو حوله يمكن يزيد هالشي معه
غيث تنهد: تمام جاي
يوسف: بسالك وجاوبني بصراحه مارح يوصل الكلام لبندر تطمن بس ممكن اعرف وش الشي اللي صار بينك وبين باسل علشان يتصل ببندر مو معقول انه بسبب الفلوس
غيث تردد كثير : ماقدر اقول سامحني
يوسف تفهم الوضع وانه يمكن شي يخص غيث مايخص اي احد ثاني : تمام براحتك بس لاتترك بندر
غيث رفع الغطا عنه لبس جزمته قبل يطلع من الشقه اللي كان حاجزها وصل للاسقبال ورجعو له نص المبلغ كون انه مانام فيها الا لمده ساعتين
طلع متوجه للبيت بطريقه اتصل هتان
هتان: الو
غيث: هلا
هتان: شصاير انت وينك !
غيث : راجع البيت
هتان: اتصل يوسف وجلس يقول انك عندي ومدري وش
غيث : علشان بندر اكيد قال لك هالكلام
هتان: يعني انت راجع البيت اكيد
غيث: اي
هتان: تمام نلتقي بكرا اجل!
غيث: اوك اشوفك بكرا الظهر
هتان: احسبو لي بالغدا
غيث ضحك: تمام لاتوصي وانت جيب معك القهوه
هتان: ياحبك للقهوه ماتتوب عنها لازم ١٠ اكواب او ماترتاح ؟
غيث وصل للفيلا نزل وراح لغرفه بندر لانه ماشافه بالصاله فتح الباب وقرب منه شافه نايم والسواد حول عيونه التعب واضح بوجهه بس دايم كان يمثل القوه عندنا * كل هذا بسببي ! *
غطاه وطلع لغرفه كنان دق الباب وبعدها دخل
كنان رفع راسه لانه كان واقف يحاول يخطي وراسه نازل ارتبك من فتحه الباب وكان بيطيح ركض غيث وسنده عليه
غيث؛ بشويش ترا لك سنوات كثير فا طبيعي تكون ثقيله بالبدايه
كنان ابتسم وعفس شعر غيث
غيث بحلطمه: يوه ياشعري مدري وش مسوي لكم ! انتو وحركتكم فيه
كنان ابتسم: بتبقى !
غيث : اي ببقى هنا و فيه خير ابوك خل يطردني مره ثانيه
كنان ضحك: ماعليك ابوي مارح يطردك ولا يقدر يستغني عنك
ظلو ساكتين لفتره
كنان: تصدق غيث ايام افكر ان انت الكبير مو انا
غيث ناظره لفتره ومسك يده ربت عليها: انت الكبير والولد الوحيد لبندر واخوي من امي وابوي اللي هو بندر و طلال ابوي بس راح وماعشت بحياته ولا دلاله واللي كان معطيني كل هالاشياء بندر من فتره لفتره
كنان: خلاص ماله داعي نقلب بكل شي شرايك ترتاح وبس يصحى ابوي نروح ناكل بمطعم !
غيث وقف وكانه سرحان: لا عندي مشوار قريب ضروري اروح له وبرجع بسرعه
كنان: تمام انتبه لنفسك
طلع غيث من غرفه كنان ومن الفيلا بكبرها اتصل عليه
غيث : الو
رد عليه : هلا
غيث : فاضي ودي اتكلم معك بموضوع
شاف انه فاضي: اي حياك بنتظرك
غيث سكر منه وغير مساره لبيته بعد ربع ساعه بما ان بيته بعيد عن بيوت بندر ويوسف وصل ودق الباب فتح له الباب
احمد اللي كان شايل غيث الصغير بيده : حياك غيث
غيث ابتسم بحنيه لما شاف غيث بيد احمد: عادي اخذه
احمد ضحك : ندخل واعطيك اياه سنه مو دقايق
غيث دخل واحمد ترك غيث بحضنه وطلع يجيب الضيافه
احمد: زوجتي طالعه مع اهلها تقضي كم شي لغيث وعاد مثل منت شايف
غيث : ماله داعي تبرر
احمد: اي شصاير معك !
غيث بعد تردد : فيه موضوع صار بسفرتي لخالي بس ما ابغى كنان او بندر او اي احد بهالدنيا يعرف عنه
احمد استغرب : وليه جاي لي انا بالذات
غيث تنهد: الموضوع مضايقني كثير واحس ان حمله بداخلي كبير ومو قادر عليه علشان كذا جيت لك
احمد تفهم موقف غيث وانه يبغى يتكلم لاحد او رح يظل يتصرف تصرفات غريبه : قول غيث
غيث تنهد قبل يتكلم وحكى لاحمد عن اللي صار مع الرجل اللي جاه وتكلم معه عن ابوه وعن الحادث
احمد كان يسمع بتركيز وانزعاج بنفس الوقت مو من غيث من اللي جالس يسمعه
احمد: تبي تبلغ عليه !
غيث اللي اخذ قاروره الحليب من يد احمد وبدا يشرب غيث : لا انا قلت له اني ماارح اسوي شي
احمد: وعلشان كذا ماقلت لبندر !
غيث: اي بندر ينفعل عند اي شي يخصني انا وكنان
احمد بتفكير: صح بعد بندر شخص انفعالي في اي شي حوله واشخاص قريبين منه
غيث ظل ساكت
اما احمد ابتسم له : خلاص اهدى وتطمن ترا بندر بعد يخاف عليكم انتو اغلى مايملك ومايبي يمسكم شي مكالمه خالك له بعد وكلامه له
غيث بتذكر: صدق وش صار ؟انا عرفت انه تكلم معه بس ماعرفت عن وش
احمد : خالك اتصل على بندر وتكلم معه بانه يمسك عياله واذا ماربيتهم وكذا مايترككم تسافرون لحالكم
احمد تعمد الجمع علشان مايتحسس غيث بان الكلام له
غيث تنهد ورفع غيث اللي نام وحطه بفرشته اللي بالمجلس : شكرا احمد
احمد: شدعوه مابينا علشان تشكرني ماسويت شي
غيث ابتسم : يكفي انك سمعتني
احمد ربت على كتفه: ابد انا موجود متى ماحبيت احد يسمع لك طبعا بعد بندر لانه لو يعرف بيذبحك
غيث ضحك واحمد ابتسم لضحكته
طلع غيث متوجه لبيت محمد كزياره ويساله اذا محتاج شي للزواج
ماكان يعرف عن وجود باسل عند محمد او انه رجع
انتهى البارت البارت اللي بعده جاهز بس اشوف
رايكممم عن البارت
توقعاتكم للجاي 😍🤍
بندر وغيث والتصادمات اللي صايره بينهم
غيث مع محمد وان باسل عنده
احمد وتصرفه على كلام غيث
كنان وهل ممكن يكتشف بندر قبل وقته ! او بيظل بعد فتره ويعرف ...
أنت تقرأ
مُهمل
Lãng mạnكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
