بالشركه
غيث سلم الاوراق ليوسف : بندر وين !
يوسف رفع راسه : طالع جوله
غيث : اها
يوسف : بغيته بشي ؟
غيث : لا بس طلب مني اسوي له اوراق عن الشركه الجديده
يوسف : هاته
غيث سلم الورق ليوسف وراح لمكتبه
يوسف اتصل على احمد
احمد : هلا
يوسف : وينه ؟
احمد : بكوفي ياخذ لنا قهوه
يوسف: ادري انه بيسوي شي بس وينه
احمد تنهد مايقدر يخبي عن يوسف : موجود بمكتب محمد
يوسف شهق : وش يسوي هناك
احمد: محمد طالب انه يقابله
يوسف: تمام علمني وش بيسوي
بشركه
تحديدا بمكتب محمد
محمد : عرفت انك التقيت بغيث
بندر: اي حصلته بعد ماخذتوه
محمد: وايش ناوي عليه
بندر ببتسامه: امم يمكن اقلب عليك الطاوله واخليك تدفع سنوات اللي قضاها غيث بالميتم !
محمد : شتقصد وبعدين وش السر باهتمامك فيه هالقد
بندر بعيون مليانه شر : ابو غيث اهتم فيني وترك اسمي يصير من اقوى الاسماء بعالم الشركات ورجال الاعمال ساعدني وساعد ابوي وقت حاجتنا لما كان بيجي غيث كان كل يوم يحكي عن تفاصيل اللي رح يسويها مع ولده
وصار قضاء ربي لما جيتكم ابيه واخفف شوي من الحمل اللي بداخلي منعتوني وقلتو ماعندنا ولد واختنا ماجابت ولد ظل طلال يلاحقني باحلامي ويطلب مني اهتم بولده
محمد ببتسامه: وانا ايش يخصني ؟
بندر بادله الابتسامه بستفزاز لمحمد: بتشوف بعدين ايش ممكن يصير ورح تخسر كل شي شي وراء شي رح تندم صدقني بتجي تترجاني علشان اساعدك وبوقتها بتعرف كلامي صدق او لا
محمد بغضب: اطلع برا
بندر ضحك: بطلع اصلا مو مستواي
محمد ضرب الطاوله بقوه وطيح اللي عليها
دخل السكرتير بصدمه: استاذ محمد
محمد: اطلع برا ولاتسمح لاحد يدخل
بعد ثواني
بندر : اوه اسف نسيت اسالك !
قرب من المكتب وسند يدينه عليها ببتسامه : ماتقول لي شركه وموظفين واخر شي ولدك متوظف عندي !
محمد رجفت يده : شعرفك انه ولدي
بندر: حسام محمد ال***
محمد اخذ نفس : شتبي ؟
بندر: غيث
محمد نظراته كلها شر : شفيه بعد ؟
بندر: لايعرف شي ولا يعرف عنكم فاهم بس اسمع خبر رح تروح وراء الشمس
محمد بعصبيه : وانا شدخلني فيه اذا ماجاني هو مارح اجيه تطمن مو ميت عليه
بندر بداء يمشي ويقرب منه : خله يبعد عن غيث لانه ماخذ طباع ابوه
محمد : مارح يقرب منه ورح يطلع من الشركه
بندر التفت : امم كذا ماحبيت كلامك تخسرنا موظف مهم فا بيكون من ضمن القائمه اذا طلع حسام من الشركه ودع كل شي تملكه مو بس املاك غيث
محمد انصدم من جرئه بندر وطبعه الحاد
بندر جلس على الكرسي : بتستغرب بندر الضغيف اللي كان ماينسمع له كلمه بندر اللي ماله شخصيه بهالفتره الطويله بنيت نفسي من جديد
بندر وقف : المهم انا طولت والحين بطلع بس ياليت تحط كلامي براسك املاك غيث ترجع باسمه اليوم ولدك مايطلع من الشركه غيث ماتقربه ابد يكفي اللي خليتوه يعيشه بهالفتره
محمد : املاكه مستحيل ارجعها لو ايش ماصار
بندر: اجل تحمل نتايج كلامك
طلع بندر اما محمد اخذ الستاند من طاولته وضرب الباب بقوه
محمد: تهددني ؟ انا اتهدد يابندر اوعدك رح اخلي غيث يكرهك ويكره الساعه اللي شافك فيها او ليه اخليه يكرهك * ابتسم* ! بتنصدم بنقلابه عليك
نرجع لقبل يوم
اجتماع بندر واحمد وعبد العزيز
عبد العزيز : يعني !
بندر: يعني ابي اخذ املاك غيث من محمد وودي لو اروح اتكلم معه قبل ينقلب الوضع قانوني
احمد: واحنا ايش وضعنا؟
بندر بجديه : انت اللي بتستلم القضيه مثل ماقلت لكم محمد اخذ كل املاك غيث وسجلها باسمه
احمد: بس مافي شي يثبت
بندر: بجيب لك الدليل بس اصبر علي
احمد: بندر شناوي عليه فصل لنا الوضع او رح ننسحب من كل السالفه
بندر تنهد: السالفه بختصار مابغى غيث يلتقي باهل امه الا جدته لانها الوحيده اللي ساعدتني من وفاه طلال وزوجته لليوم وهي كل يوم تتطمن وتسال عن غيث وهي اللي كانت تطبخ له باحيان كثيره ووصتني عليه كثير وودي يعرف عن وجودها ويعيشون سوا علشان كذا رجعت له بيت ابوه اللي مسجله باسمي
عبد العزيز بتفكير : طيب كم مقدار املاك طلال !
بندر سكت فتره : قبل كانت مليون بس بعد ما توسعت و شغلها محمد اكيد فوق ال ١٠٠ مليون
احمد ناظر بعزيز بصدمه: شلوووون وغيث يعرف ؟
بندر: لا ابي اجمع كل املاكه وافلوسه قبل اقول له
احمد: طيب وبعدين !
بندر: ولا قبلين افكر اتكلم مع محمد واقول له يرجعها بطيب قبل اتخذ اجراءات ثانيه وبعدين صدق السوال هل ممكن ارجع فلوس غيث
عبد العزيز : تقدر بحاول اطلع التوقيعات وعمرغيث بنفس الوقت لان عمر غيث بيكون هو الحجه الاساسيه
بندر: وانت يا احمد !
احمد: ايش ؟
بندر: اقدر اسوي اللي قلت لك
احمد: من الناحيه القانونيه عادي بس اهدى لاتنفعل كثير
بندر : تمام
الوقت الحالي
بشركه يوسف
غيث كان بالمكتب جالس يكمل مهامه انتبه للتويتر رساله من نفس البنت اللي لمده٥ سنوات تراسله وتتطمن عليه من فتره لفتره
السلام عليكم
كيف حالك
غريبه مختفي عسى خير!
غيث ابتسم قبل يرد : وعليكم السلام بخير وانتي! انا بخير بس اني انشغلت بدوامي
ردت عليه على طول : تمام اهم شي انت بخير
قاطعه صوت ندى: غيث بس ممكن تشيك على الايميل
غيث اومئ ورجع يراسل البنت : اي انا بخير وانتي !
البنت : بخير توني رجعت من دوامي
غيث : اوه تداومين ؟
البنت: اي جامعه
غيث : الله يوفقك يلا اعذريني الحين بروح اكمل شغلي
البنت: الله معك
انتهت محادثتهم
دق الباب
هتان ببتسامه: هاه نطلع اليوم ولا مالك مزاج!
غيث : نطلع ليه لا بس متى
هتان: مدري بعد الدوام كذا
غيث : تمام
نقله زمنيه لبعد يومين
السكرتير بخوف : استاذ محمد فيه شرطه برا
محمد وقف بستغراب: اتركهم يدخلون
الضابط دخل : محمد ال** مطلوب القبض عليك والحجز على كل املاكك
محمد بصدمه: ليه !
الضابط : تقدر تتصل بمحامي الخاص فيك غير كذا ماقدر افيدك
محمد مشى معهم وهو يتوعد بداخله اوعدك رح ادفعك الثمن يا بندر
بندر اللي كان بمكتب يوسف وابتسامته الغريبه
يوسف : بديت احس انك سايكو !
بندر: وليه مايكون احساسك شي اكيد ؟
يوسف : انت مجنون شارب شي بندر !
بندر: لا انا بكامل قواي العقليه بس عاجبني وضع الجنون
يوسف : اشك بانك طبيعي
سكتو لفتره
دق الباب قبل يدخل
غيث : اقدر استئذن لوقت !
يوسف : ليه !
غيث : عندي موعد
بندر عقد حواجبه: وين ؟
غيث ارتبك : ماينفع اقول لك !
بندر: اها تمام
غيث طلع مستعجل وقف عند هتان
هتان: هاه ايش جابك عندنا
غيث : امم ابي اطلب منك طلب
هتان : ايش ؟
غيث : ابي سيارتك
هتان: بس ؟
غيث : اي بس
هتان طلع مفتاح السياره وعطاه غيث
غيث : مارح اسوي فيها شي
هتان ضحك: خذ راحتك
غيث طلع بحماس لاول مره بيجرب يلتقي بمتابعه له من اصل ٢٠٠ الف متابع هي كانت معه من سنوات
وقف السياره ونزل
انتبه للكوفي اللي هي قالت انها صاحبته
دخل وانتبه لها واقفه قرب برتباك وهي ماكانت اقل منه ارتباك
تكلمت بتردد: امم غيث ؟
غيث ابتسم: اي
اما بشركه يوسف
يوسف : وين تتوقع رايح
بندر: شعرفني !
يوسف : طيب يعني شلون ماقال لك
بندر : يوسف اتوقع انتقلت لك العدوى حقتي ؟
يوسف : لا
بندر: وش له تسال كثير اجل !
أنت تقرأ
مُهمل
Roman d'amourكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
