تلائم الاقدار ✨الجزء الاول من سلسلة (الصقر الذي عشقني )

الفصل الثامن والثلاثون 💜✨

إن شاء الله دا اخر فصل في الجزء الاول من رواية تلائم الاقدار من (سلسلة الصقر الذي عشقني )
إن شاء الله هكتب في الجزء التاني قريب جدآ لسه في قصص وحكايات متحكتش في الجزء الاول وبصراحه حسيت ان طريقة كتابتي بقت احسن علي الاول وإن شاء الله لو تفاعل الروايه ذاد عن كدا هخليها بدل ما هي جزئين هتبقي تلاته إن شاء الله اتمني انكم تقدرو تعبي في الكتابه ولو في حاجه غلط انا بتقبل الانتقاض عادي واحنا مع بعض ممكن تكونو سبب في اني اتحسن في الكتابه اكتر واكتر شكرآ بجد علي الدعم الجميل اللي بشوفو من بنوته جميله قوي بتدعمني ♥️
&&&&&&&&&&&&&&&&&&&&&

انتهي اليوم وغادر الجميع ودلفت مريم لمنزلها لغرفتها لأستعداد فيما هو قادم ولاكن سمعت صوت اتصال من هاتفها لتجده ادهم قامت بالرد ليأتيها الصوت غاضب

.....انتي ازاي تدخلي من غير ما تقولي انك داخله

نظرت الي الهاتف بغضب لتتحدث ..... سبحان الله وهو انت مكنتش عيزني ادخل من بدري

تحدث بغضب ....انا قاعد في الاستراحه تعالي

اغلق الهاتف ووضعه بجانبه ليضع يده علي مقدمة رأسه ليشعر بها تقف امامه ليشير لها ان تجلس امامه تقدم لتجلس علي ذالك المقعد الذي امامه

......نعم عايز ايه !!!!!؟

نظر إليها نظرة غضب ليتحدث ......انا هحاول مخلكيش تندمي علي اسلوب طريقتك في الكلام معايا واضح انك لسه متعرفيش انتي بتتكلمي مع مين ومش مستوعبه المهم في حاجات كتير لازم تعرفيها قبل ما نروح علي القاهره

نظرت في تسائل ....انت مش قلت اننا هنسافر

تحدث بسخرية ... داا شئ ميخصكيش انتي تسمعي وتنفزي وبس ...ليكمل بغضب وقد احدت نبرة صوته ونظر لها شعرت ان عيناه تضئ ....تاني مره لما اتكلم متقطعنيش دا اول تحزير

كاد ان يكمل حديثه لتدلف ليليان وزين لتبتسم ليليان وتجلس بجانب مريم .....مرات اخويا القمر بجد مش متخيله ان هيكون معايا بنت تانيه في القصر بجد حاجه جميله قوي

ابتسمت لها مريم كذالك لتمسك يدها ...حببتي انا بجد والله اللي حبيتك قوي

تقدم زين ليسلم عليها .....انا زين ....ايه الجمال دا

تحدث ادهم بغضب ....زيييين

زين بخوف ....خلاص خلاص قصدي انك حلوه ..نظر له ادهم بغضب ......يوووووه انا ماشي ....بس كنت جايلك علشان ادم عايزك بره

ذهب ادهم الي ادم وترك ليليان ومريم لحديثهم الانثوي الذي لا ينتهي ...تقدم الي اخيه ادم ليجده يجلس بجانب اسماعيل والد روح

ادم بأبتسامه ....اهو ولي امري جه يا عمي وحضرتك هتوافق طبعآ

اسماعيل بضحك ....هههههههههه اخوك دا رهيب يابني انت مالك مستعجل كدا ليه انا قلتلك هسأل بنتي الاول واللي في الخير يقدمه ربنا