❤ولد كلاسي❤

حلقة 41 الاخيرة💖

تعدا شهر ..
مهدي وتسنيم حب ماكل الدنيا ..اما يمحرثوا ليل ونهار ...
ملاك كيفكيف رجعت شويا كالعادة معاش تحب تحكي مع ايمن قررت باش تنساه وتركز في الباك ..
ايمن قرب من حنين ومالطفلة خذا الخصلة وهزها للسبيطار شيعمل التحليل ومازال مطلعش
ام ملاك_ اه ملوكة سفا révision
ملاك_نشالله يا ماماتي ننجح مونسيون ونفرحك
بداو ايامات الباك ..
ملاك تعدي وتروح تزيد تريفز ..برشا خوف برشا سستراس ..سيرتو ايمن الي وين تمشي تراه وحتى في الباك يعدي في الطاولة وراها وفرد قاعة ..ملاك ماعاش عينها بيه طايرتلها منو ..حاول قداه من مرة يعاود يحكي معاها وشي ..
ايمن ماعاش يتحمل يستنى في الadn   ويقرى ويخمم ..
حاسيلو مامسلكينها كان تسنيم ومهدي يريفزو مع بعضهم يهزوا البعضهم في المورال ..
وفاو ايامات التعدية ..
كل حد شد دارو ..
العشية ..ملاك لبست روب قصيرة  متحفنة عملت ماكياج خرجت تفتق تعدات لتسنيم باش يخرجو
تستنيم_ اوهوه ملا كعبة  شنوا الglowup
ملاك_ ...كهو عاد  وفا الباك وقيت   جو يزينا مالكبي
تسنيم _ والله قلت الحق
هوما يحكيو ومهدي زمرلهم بالكرهبة ..
_ايا يالبنات ..
ركبوا ففي الكرهبة ومشاو الcafee
وصلو هزت راسها ملاك شافت ايمن قاعد وشاد ورقة  في يديه ويتكيف
ملاك غزرت لمهدي_ هاذا الجو متاعك ايا نخليك فيها انستك بسي ايمن
مهدي _ يزي بلا بلادة واسمعو اخر مرة وكان شتبععثو ابعثو امورك اما نتصور لازمك تسمع الي شيقولو

قدمت ملاك لقاتو قاعد دوب ماراها قعد سارح ..قدا عندو مشمش ريحتها ولا راها ولا حتى سمع صوتها.
ملاك ببرود_ احكي نسمع
فاق وقتها من شرودو _ عملت تحليل adn وجبتو في يدي ..وكان تحب حل اقرا مهيش بنتي..
ملاك غزرتلو ببرود_ ماشي فيبالك همتني ياسر حكاية الطفلة ..انا الي وجعني وحرقلي قلبي ..كيفا تعديتني بسهولة  وكيفا لقيتك راقد معاها.. في ليلة ونهار طلع كلشي كذبة وسلمت فيا وتبعت وحدةة قحبة باعتك قبل وبعدت ..
ايمن_ حتى شي ماهو كذبة وكلشي شيتصلح .. وحتى حنين وريتتها  لadn وتصدمت وكورت بز* امها وليوم خذات طيارة وسافرت ..والطفلة طلعت بنت اختها المتوفية..فيبالها  عداتها عليا القحبة وباش ترجعني ..اما هي ربحت كي تجي تشوف ..بعدتنا ودمرتنا ..
ملاك_ يزي بلا دراما ما دمرنا حد بخلافك ..
ايمن_ صدقني يا ملاك لا خنتك ولا خزرت حتى بشطر عين لحنين ولا حتى حسيت شي ..تعرف علاه خاطرني نحبك ...وتعبت صدقني فادد ومخنوق حتى الباك منعرش شعملت فيه..حاس بخوف ...بقلق مش عادي  متزيدش تخليني نتي زادة وترجع غريبة في حياتي ..
ملاك حست بيه اللمعة الي في عينيه طافية انسان فادد بالرسمي مدبرم مش ايمن لي تعرفوا
حطتت يدها على مرفقو ومسحت عليه_ انا عمري منخليك ..
ايمن مصدقش حياتو رجعتلو ملاك ..رجعت حكاياتهم ومشاعرها ماوفاوش ليه كيما كان فيبالو ..
نطق ماغير ميشعر_ توحشتك يا فرخة
ملاك__ كان ترا انا يا كازي ..
ايمن_ والله كان ما جاوش العباد راني بستك ..
ملاك ضحكت_ جاب ربي مالا فما عباد😂😊
مهدي وتسنيم جاو من تالي يصفقو
مهدي_ هيا حمدالله عليكم bro 😂😂❤
تسنيم _ عرفتكم شترجعوا والله ايا صحة صحة 😂😂❤
ايمن_ ايامات صعاب ووفاو بقدرة ربي
ملاك_ نشالله فرحتنا تكمل بنجاحنا شباب
مهدي_ نشالله ونشنعوها..
ايمن_ ملاك عندي منقلك ..بقدرة ربي تخرج resultat وننجحو نكلم بوك ..
ملاك تاكل في ال كراب مش هنا_ علا شنو
ايمن_ علا شنو عالخطبة!
ملاك كاننت تاكل شرقت
مهدي_ الله لا تربحك يا ايمن قتلتها الطفلة😂😂😂
تسنيم طاحت تزغرت الي في القهوة كل خزرولهم

ملاك__ تحكيو بجدكم!!؟؟🙂😂
ايمن_ هيا الريزلتا الجمعة جايا ..برا نقولو بعد ننهارين نعملو خطبة
ملاك حلت عينيهاا بفرحة مش مصدقة. ..
تعدات جمعة فيسع ..
ليوم  26 جوان ..كل واحد مالرباعي تاعنا في ديارهم يستناو في الميساج ..
في دار ملاك
ملاك تنقز دموع في عينيها _ اععععععععع admis ya mama مونسيون زغرت
في دار تسنيم :
الحس بايت
حس ميسااج..زغرت يا ماما نجحت واااااااييييي مونسيون حمدالله ❤❤
في دار ايمن ..
خايف عالللخر يتكيف جات اختو تنقز_ ايمون مبروك مبروك يا روح اختك admis b13 حمدالله عليك يا روحي..
ايمن مصدقش روحو خرج طول عرضتو ملاك حملتو بالقوي  قععد يدور فيها كالطفلة الصغيرة
ملاك_ مبروك مبروك ايمون  ❤
ايمن_ مبروك علينا  حبيبي اول pas للavenir ❤❤
ملاك _ شعمل مهدوش
ايمن_ جاب قدي😂💖
ملاك حمدالله يا ربيي نجحنا اللكل حمدالله يا ربي❤❤
في الليل  سوارا وشيخة والحفلة في دار ايمن عالبيسين تسنيم ومهدي خربقوها وملاك وايمن كيف كيف ستدعاو صحابهم بروفات وبرشا عباد..
وفات الحفلة .. ايمن شد ايد ملاك__ هيا عنا وين ماشين ..
ملاك_  وين ..
ايمن_ ايا حبي عاد تبعني واسس
دقدق الباب _ حلو بو ملاك الباب
__اه ايمن وفات الحفلة ؟؟
ايمن__ عمي  نجم ننحكي معاك في حاجة ..
_ تففضل ولدي ادخل
دخلو ضيفو حطلو قهوة ملاك فهمت شباش يعمل وخافت ..
ايمن_ عمي انا نحب بنتك ملاك او هي تحبني وانا نحب ندخل مالباب الكبير وعلقل نعمملو خطبة تو ومش مزروبين عالعرس..
بو ملاك_ والله ولدي صدمتني سيرتو مازلتو صغار تيليوم خذيتوه الباك ..شقتلك ملاك ..
ملاك طلت مالباب_ انا موافقة🥺❤
سكت بو ملاك شويةوبعد قلو_ ايمن نتي ولدي وعندي فيك ثيقة ولي فيه الخير ربي يسهل فيه❤..
عملو خطبة تفتق لبست ملاك روب قصيرة وهو كوستيم حضروا فيها برشا عباد برشا حب برشا بنة  مهدي وتسنيم يشطحو وفرحانين النناس كل فرحانة وبالاخص ملاك وايمن في نهير كيما ليوم ..ملاك وايمن قراو في الفاك ملاك عملت medecin dentaire ايمن 3mal comptabilité  وشد. شركات بوه .. تسنيم ومهدي كتبو صداق بعد ثلاثة سنين وسافرو ...وايمن وملاك عملو عرس كبير تلمت فيه الناس للكل وجابو ثلاثة صغيرات جود وايهاب وعشق❤
...fin