❤ولد كلاسي❤

❤❤😍حلقة 3😍❤❤

نرجعو لملاك 😂
قاعدة تقرا لا لا مش تقرا العين مركزة اما المخ هايم تفكرت الغش الي قراتو  في عينين ايمن قبيلا اما فازة تضحك عملتهالو يستاهل هوا الي بدا اما زعما باش يعديهالي بالساهل  تي يمشي ينيك محسوب معندو ميعملي وكي يوصل الحكاية لبابا لا لا مستحيل معندوش الشجاعة يعملها 😏 ..
دارت وراها لتسنيم الي عيطتلها _
ملاك شكونو الطفل الي جا معاك قبيلا
ملاك_ تي طحان جا من la une نقل الصباح لكلاسنا
تسنيم باعجاب _ ام مزبرو يا ملاك وخيتي
ملاك_ معفط😑
تسنيم_ اي اي مانا نعرفوك نتي ميعجبكش العجب
بروف الفيزيك _ نقص مالحس غادي 😡
سكتو الزوز وقعدو يتبعو جات نصنهار فيسع ...
خرجو ماليسا كانت تتمشا مع تسنيم يحكيو ويضحكو حتى تعدى لاكس تع ملاك مع صاحبتو او بالاحرى (قحبتو😏)يضحك هو وياها معنقها
قعدو ملاك وتسنيم يغزرولهم بنفس ملامح السخرية
بعد ما تعدى وفاتهم
تسنيم_ هه t'as vu qu'est ce que j'ai vu😂
ملاك_ ريت ريت ملا تقوعير
تسنيم_ تي ساعة نتي ازين منها مفهمتوش انا
ملاك_ ماو خاطرو يلوج على عندها المتريال ميهموش بالزين سيادتو
تسنيم_ صارو على هاكا مصوحبها هو على ال.....
ملاك_ مالا شفيبالك فيبالك يحبها ...
كملو مشيتهم  لقاو راوحهم في حومتهم يراو في واحد لابس كاسك على موتو كبير متعدي عجاجا بحذاهم وقف قدام الفيلا الي مقابلا دار ملاك هبط مالموتو نحى الكاسك صاوب شعرو بايدو وشاف ملاك متعدية مع صاحبتها عقلتو ملاك طول قعد يقحرلها قحرة خوفتها لدرج بلعة ريقها تستخايلو جا لدارهم باش يشكي باها لبوها 😂 مصغر عقلها )
قعد يستنى في الغساس يحل وهو يقحرلها دخلت ملاك تتزيلف للدار ..وسكرت الباب بالقوي .. ايمن في قلبو  _ طلعت جارتي القحبة باهي برشا😏
دخلت ملاك للصالة شافت بوها وامها قاعدين ومعاهم خوها امير(عمرو صتاش عندو شبه لملاك اما هو عينه كحل طالع شلهب مزيان يفتق ) باست امها وبوها وسلمت على خوها اكا الفازة تع الصغار الي يعملوها .. اله غالب بالي كبرو منجموش ينحيوها 😂
ام ملاك_ ايا الحمدالله كي جيت شنيا  روتار كالعادة الصباح
ملاك بحركة طفولية حركت راسها بلا_ لا ماما حمداللة ليوم خلط في الوقت
بو ملاك يغزرلها في عينيها _ هز راسك واغزرلي في عنيا تره
ملاك حاولت تبرأ عينيها باش مايشكش فاها
بو ملاك_ امم باهي صدقتك
امير حب يوحلها _ ريتها الصباح في بيرو البيا (اي خاترهم فرد ليسا جيست هو يقرا دوزيام )
ملاك تتوعد فيه وتحاول تسلك في روحها _ امم ماو البروف بعثني نجيب في الفوي دابال
امير _ زعما 😏
ملاك بتشناف_ مستانسة نكذب عليك 😑
بو ملاك _ باهي باهي اسكتو صرعتولي راسي ..
)بو ملاك تو تشوفوه قداشو حنين ومحلاه ويحب ملاك برشا اما مع قرايتها ميفهم شي يحبها اكثر حتى من خوها امير مام ديما يقولو الطفلة بنت بوها اكهو ..)
حطو يفطرو يحكيو ويضحكو حتى لين نوقز ناقوز الباب ملاك تخلعت بالخوف تستخايلو ايمن جاي شيحكي لبوها 😂
ام ملاك_ ملاك عيش بنتي قوم شوف الباب
ملاك بلعت ريقها_ امم حاظر ماما
هبطت حلت الباب لقاتها تسنيم تنفست بالقوي _ خرى فجعتني نستخايلو هاك الهم ايمن جا يشكي بيا لبابا
تسنيم_ علاه شيشكي بيك شعمتلو نتي
ملاك_ ادخل تو بعد نحكيلك
تسنيم _ باهي دخلنا ..(تسنيم وملاك صحبات لا لا مش صحبات اخوات عندهم مع بعضهم فوقالخمسطاش سنا صحبة برشا ماو😂 الله غالب جاو لدنيا لقاو راوحهم لاسقين في بعضهم كالتنبري 😂) دخلت تسنيم سلمت عالجماعة
بو ملاك يوسف _ تفضل بنتي ... حسنة حط للطفلة كرسي
حسنة _ هههه او جبتلها صحن وكرسي
تسنيم _ هه يعطيكم الصحة والله اما فطرت
امير _ اهوه تسنيم تعرش ماكلت حسوني تتكل فوق الشبع
حسنة تضحك بفخر  _ وهو كذالك وهو كذالك
حطو يفطرو الكل ..
عند ايمن . في طاولت الفطور
بو ايمن الهادي _ ها شعملت ليوم نقلوك للكلاس الي حبيت علاها
ايمن يتفكر في الفازة الي عملتهالو ملاك عاود مكنو الغش _ امم اي اي بابا نقلوني
هادي _ عجبك اليسا
ايمن يحرك في الماكلة معينوش برشا _ يعدي روحك
هيام اختو _ كان مش عمايلك راو مرجعكش بابا استيتيك
ايمن وهو يقص في السكالوب بالسكينة _ نتي تلها فالpfe تاعك وسكر
هادي_ سنا تاخذو الباك فهمتني رد بالك تعاود دوبل عاد (مقلتلكمش انا ماو ايمن دوبل في الباك عمناول سنا يعاود فيه)
ايمن_ باهي باهي بابا
هادي _ اي وتعملش الشغب كانش عاد نرجعوك للروضة مش لاستيتيك برك
ايمن خلا صحنو وقام
صفية _ ايمن اقعد كمل فطورك
ايمن _ معينيش شبعت حمدالله
طلع لبيتو فاد مخنوق هو متغشش ماكالفرخة خرجتو كالطرطور كمل لازمو ياخو بيا لعشية زيد كلام بوه ليه خنقو يعرف الي عملو ماهوش ساهل اما شيطان حظر (اكيد تتسالألو تقولو شعمل ... تعارك مع طفل ظربو بكرسي حلو غرزتين 😂😂 غشو خايب ..نورمالمون يطردوه اما بحكم بوه واصل خففلو الغقوبة ورجعو للاستيتيك صحيح عمل برشا صحاب اما جوو في السكول الي كان فيها ...) كان سارح من شباك بيتو هز راسو شاف ملاك تحكي وتتموعق شكلها يضحك تشرب في الجي قدام الاورديناتور ملاك حست بروحها سخنت قامت حلت الشباك دوب ماهزت وجها لقات ايمن يقحرلها بقحرتو الي تخوف بحركة غير ارادية جات شتسكر الشباك ياخي تسكر على صبعها شاف ايمن ردت فعلها قام يضحك كمل كاش تنقز كالهنود الحمر يتخيل فاها شتقول توة راي تسب وتلعن فيا باز😂😂 مارك طيحني باهم ربي هكا كان يقول بينو وبين روحو .. وخر عالشباك واتكا عالفرش وقعد يكنكتي يتذكر في عينيها الي لتوا يستتخايلهم اونتي 😏..
عند ملاك _ اخخ ينعن زبور امك يا ايمن تفيه عليك يا خامج
تسنيم وهي تاكل في التفتح مفهمت شي _ ههه شدخل ايمن في صبعك
ملاك_ لقيتو يقحرلي مالشباك
تسنيم باستغراب _ ياخي علاه يقحرلك شعمتلو
حكاتلها ملاك كلشي
_ هههه اي صحبتي ولا لوح اما مسكين وانا نقول شبيه قعد كالطرطور برا اش باش يسلكو من منية توة😂
ملاك_ يستاهل باش يتعلم يحكي مع العباد بتربية
تسنيم _ صبعك تنفخ ايجا نعملولو فاصمة وشوية الكول
ملاك اي عندك الحق (ملاك تضربت على صبعها الوسطاني مع الالفاصمة ولا تحفة 😂😂)
"بارت الثالث وفا نشالله يكون عجبكم فما فازات في حياتي صارولي مع العبد الي في راسي (علاش تنسنيس 😂)لصقتهم كيما قلتلكم كلشي واقعي في الحكاية هاذي تنساوش كومنتاتكم وفوت❤"