❤ولد كلاسي❤

🖤🖤حلقة18🖤🖤

سلمت عليهم بعد قعدت بجذا بوها_ يوسوفي
يوسف_ ههه ملوكتي
ملاك_ توحشتك تعرف عنا قداش قعدناش مع بعضنا
يوسف _ الله غالب الخدمة ونتي هاك نهار وطولو تقرا
ملاك _ ههه صحيح
يوسف_ قلي شبيك ماكش على بعضك
ملاك _ لا شي
يوسف_ قلي شبي بنتي
ملاك_ لا شي تعب
يوسف وهو معنق ملاك_ ههه نعرفك تحب الماكلة هاي امك اطيب تو تفطر ويتنحى التعب
ملاك_ لا بابا والله ماعيني
امير_ شنوا diprime 😂
ملاك_ امم ماكش ضامر
امير _ حقا علاش مشيت الصباح مع عبدو لبيرو فخري
ملاك غزرت لبوها الي يغزرلها بنظرة شفما تبلع في ريقها_ اممم شي قلي عيطلي لعبدو ولد كلاسك
يوسف_ شكون عبدو
ملاك_ تي عبد الرحيم ولد عم محمد
يوسف_ اه عرفتو شبيه
ملاك_ تي شي غالطينلو في اسمو في شهادة حضور مشا يصلح فيها
يوسف_ ونتي شتعمل لبرة
ملاك _ ااممم شي مشيت للتواليت
حسنة _ ايا اخطى الطفلة ايجاو افطرو
ملاك _ صحة ليكم انا معينيش
حسنة تمسح على شعر ملاك _ شبي بنتي مستانسة تقول لا عالماكلة
ملاك _ والله ماعيني ما اني في بيتي
طلعت لبيتها فادة عاللخر نفس الشعور الي حستو قبل بخمسة سنين ولا ستة رجعلها تو اي نفس الفازة اما مع حد اخر الي فال نحارب الكل ونحميك ومنخليكش اي عادي تقالتلها قبل اما هي ماصار بيناتها شي هي وايمن مانو ينجمو يكونو يحكيو جيست صحاب اما هي سرحت بمخها اما علاش نظراتو عينه غيرتو كلشي يقول العكس ...تفكرت وقتلي عنقها كي لقاها تبكي كي شدها باش مطحيش ووجها جا في وجهو برشا فازات برشا نظرات برشا حب وبرشا وجيعة هي تحبو وماستعرفت كان نهارت الي صوحب ملا زهر ..
ايمن يفطر ...
الهادي_ مريقلة القرايا
ايمن_ اي
خديجة _ شبيك منرفز
ايمن_ فادد
هيام فهمت باز فما حكاية بينو وبين ملاك ..
قام ايمن دخل البيتو لبس الفاست الكوير وخرج الموطور ملاك في نفس الوقت خرجت دور فدت في الدار قلبها يوجع فيها ضياقت بيها الدنيا خرجت حاطة الكيت شافتو يخرج في موطورو شعرو الاكحل التالي عينه الي تعشقهم ترسمو عليها تغزر للحيتو الي هبلتها قلبها دق وكرشها تنغصت حقرت الاحساس المشهد جا مع غناية براني تع جنجون ....(لحمي قشعر البناويت حطوها واقراو تو تشوفو😂😂) هو غزر لعينها نظرتها حزينة باينة كانت تبكي ركز فيها محلاها في حالاتها الكل بالرغم خارجة بسيرفاتمون تع دار وشعرها مشدود بعفوية اما محلاها .... ركب عالموتو فاتها ركز معاها كاش تمشي بالشوية باينة تخمم ...
عند ملاك _ يا ربي علاه صاير معايا هكا انا علاه نذوق منفس الوجيعة مرتين باهي المرة لولة نقزتها وتوة يا ربي علاش خليتني توة نستعرف بحبي ليه اما لا منيش باش نضعف خاطر نعرفو باش يزيد يعفس فيا ....قادتها ساقيها للبحر (تفكرتوه هاك الكرسي الي قعد عليها ايمن كالمرة قعدت غادي هيا شافت كتيبة when you find the true love A&H
تبسمت بسخرية _ ههه باز صارت حكاية فرقتهوم على بعضهم هاذم زادا الدنيا هكا بطبيعتها .. جبدت كتاب تاعها(هذا كتاب الاسرار ولا كيما تقول كتاب العشق 💔( وكتبت ".... لماذا انا ....لماذا كل هذا العذاب لي لما الحياة السعيدة للاخرين والقدر السيئ لي ...اوليس من المؤلم تجرع الم نفس الكأس مرتين ....اوليس من حق من تعرض لكل هذه الخيانات والالم ان يدفن مشاعره تحت اعماق البحار ...اوليس من الصعب التظاهر بالقوة في فترات الضعف الخانقة ....اوليس من الضروري البكاء ...الوم نفسي حقا ....اثق بسرعة لدرجة ان اهلك قلبي ...احببت مرة ليقابل ذاك الحب بالم وليس اي الم ....الم الخيانة ....رؤية انسان تحبه مع شخص اخر يؤلم القلب ويؤذي الروح ....نسمة البحر الهادئ....اعشق هذه الرائحة ...اوليس العلم يأكد ان ماء البحر مفيد للاجراح ....هل تراه يمكنه مداوات جرحي ....لا اعلم قط فانا اؤمن فقط بان جرحي لا يداويه سوى ذاك الانسان الذي عشقته في غفلة مني ... اخبروه بانه كان مداواة لجرح الاول ولكنه المتسبب في جرحي الثاني ....اهبروه فقط ان تلك الطفلة المشاكسة اضحت تحبه .....اخبروه انها تغار ...وبشدة .... انا فقط احبه💔..
كومنتار وفوت عاد😂🖤🖤