خرج ايمن ركب في الموتو تاعو دخل للدار لقاوهم يفطرو _ صحة ليكم
العايلة_ يعطيك الصحة
ام ايمن _ كي سبة روحت بكري
ايمن_ اي هاني جيت
سرباتو امو في صحن قعد ياكل
الهادي(بوه)_ شعامل في القراية
ايمن من غير نفس_ لاباس حمدالله
الهادي _ تو نطلب المدير نسإلو عليك لا تعمل كارثة اخرى
ايمن بتجاهل _ اومورك تصرف
هيام_ ايمون قلي ياهي تقرا مع ملاك جارتنا
ايمن سمع اسمها تبسم باستهزاء_ أي
هيام_ وصحاب
ايمن وهو يشرب في ااماء _ لا منحكيش معاها 😏علاه
هيام_ هكاك نسإل وبرا
ايمن _باهي ..قام_ ايا سلام
ام ايمن_ وين ماشي خارج
ايمن_ ماشي للعطار تو نجي
خرج مالدار خزر لدار ملاك بعد كمل في ثنيتو منرفز ..
في دار ملاك في طاولة الفطور
يوسف_ ملاك لاباس وجيهك اصفر وداخلة بعضك
ملاك تتمالك في حالتها_ احم حمدالله بابا مالسخانة هذاك وزيد تاعبة
حسنة_ ياليلا سملا على بنتي عين هذيكا والله اسمع افطر وبرا ارتاح في بيتك تو نجيبلط فيتامين c
ملاك_ باهي باهي mama
امير_ ملاك حاشتي بيك في قضية بعديكا
ملاك تغزرلو_ اوك نفطرو اطلع لبيتي قلي شحاشتك
امير تبسملها ..
ايمن رجع مالعطار يسف في الدخان سفان هو هكاك يتمشى وطلبتو عبير
ايمن_ اهلا عبير
عبير_ وينك ايموني فاش تعمل (يا زحي ملا تنوفيق 😑)
ايمن_ هاني نتمشى في الحومة
عبير_ ايا باهي
ايمن _ شحاشتك
عبير_ لا شي اما خممت قلت لعشية امان تعملي توصيلة بالموتو تاعك
ايمن من غير خلوق _ منجمش
عبير بغش _ علاه هيكا كالفقصة ملاك ركبتها معاك
ايمن_ واش دخلك في امها نتي ركبتها غلطة معايا اصلا عمري ما ريت انا تركب معايا في الصباح بعد تسبنى وتمشي
عبير تتبسم بانتصار عرفت الي ايمن يكرهم فازات الخقرة_ ماني قتلك راي بسيكوبات تي معقدة الطفلة تي حتى مالاكس تاعها خلاها ومشا فد منها بالرغم كان يحبها برشا
ايمن تنرفز كي سمع عندها اكس اما علاه تقلق زعما_ عندي منعمل تو بعد نتقابلو
...
طلعت ملاك لبيتها تمدت عالفرش وصلها ميساج عبير
_ شقررت
حولت ملاك عينيها بقلق_ مازلت نخمم
_ كيما قتلك ماكش ثلاثة يام متعملش الي قتلك تعرف شيصير
ملاك في قلبها_ ينعن ز****** يا قحبة
خلاتلها vu ورجعت تخمم عنقت مخدتها وقعدت تتخيل كان تعمل العملة هاذي يطردو يمن مالليسا ومينجمش ينجح بالاسعاف بعد في الباك بعد خاطر يولي معندوش سلوك ومواظبة وكل ..هي هكاك ودخل امير
ملاك _ اه امير زوز
امير_ حاشتي بيك بقضية عيش اختي
ملاك ضحكت_ اوهوه مانا نعرفوهم قضياتك
امير_ تي والله لا حبيتك جيست تحكيلي مع تسنيم تشوف اختها الصغيرة تعاركت معاها اليوم في الليسا وندمت هيا تتجلطم وريت فهمتها قدرها
ملاك كانت تسمع ضحكت وتفكرت هي وايمن كيفاه 😂_ ههههه ذكرتني في عبد 😂
امير _ ههه شكون
ملاك_ تي لاعلينا باهي تو نكلمهالك بعد
امير باسها_ عيش اختي
ملاك_ هههه اي تير نحب نرتاح
امير _ هه اوك سايس روحك..
ملاك تنهدت قامت من بلاصتها غزرت للمونقالا ماذيساعة ونص وهي تقرا مذيكلاثة حلت الشباك تتنسم شافت ايمن يخرج في السكوتور تاعو ابارامون خارج يدور يا صحة ليه والله شاهية دورة زحح ..هكا كانت تقول في داخلها بعد جاتها لحظات الهبال هزت ساكها فيه دبش لعشية مشات للقاراج وخرجت بيسكلات تاعها ركبت علاها وبدات تسوق وتخمم : ملاك اغزر ايمن كيفاه معاك صحيح هو متعجرف وكل معاك اما شوف صباح مرضالكش تبهديلة ووصلك .....وقت شدك باش مطيحش اكيد كان عملولو تهديد هكا ماكانش باش يتسبب بتدميرة مستقبلي انا زادة منيش باش نكون سبب عادي يوصلو التصاور لبابا نهار نهارين ويبردو ....(ملاك صحيت والله عجبتني في هاذا كان جيت في بلاصتك نخمم كيفك هونا هكا ولا هكا بخصتين ونعارين ويبردو ) ....قطع تفكيرها ايمن الي قاص عليها طريقها ..
ملاك بصدمة _ ايمن ؟؟
ايمن وهو يحك في رقبتو _ اهبط مالبسكلات
ملاك _ علاه 😑
ايمن _ قتلك اهبط
ملاك _ منحبش نحكي معاك اصلا
ايمن منغير ميشاور مشا هزها حملها بكلها تقول شكارة سميد 😂_ باش نحكيو بالسيف عليك
ملاك طبطب على ظهرو _ سيبني يا هم ااهه ملا حالة عندك دودة زاهرلي تبعبص فيك
ايمن يضحك_ كانش نتي هي الدودة 😂
ايجا هاي قهوة ادخل نحكيو كالعباد
ملاك _ منحبش نعمل قهوة هبطني خليني نكمل دورتي
ايمن _ نتي الي حبيت هكا كمل بيها دخل للقهوة وهو محلمها ناس الكل تغزرلهم وتضحك
،ملاك_ هبطني اخخ فضحتني ينعن بوك
ايمن قعدها في الكورسي وقعد مقابلها
ايمن بعينيه الناعسين وبحدة_ احكي
ملاك_.....
ايمن بصوت يخوف_ احكي شبيك يا زبي تي الصباح كنا لاباس انطق
ملاك_ لاها الدرجة نهمك 😑
ايمن_ نتي متهمنيش اما حديثك يهمني
ملاك قررت تقولو على كلشي_ احمم عبي
ايمن بصوت خشين _ عبير ؟شبيها
ملاك بخوف _ امم لا لا مش عبير
ايمن ضرب الطاولة _ انطق ر*** شبيك
ملاك كالصغار _ متكفرش عليا نخاف منك كي تولي هكا
ايمن بصوت حنين_ باهي شبيك تبدلت عمتلك حاجة انا
ملاك_ نتي عمتلي برشا حاجات مش حاجة برك
ايمن_ حتنتي زادة عمتلي برشا فازات كرزتني
ملاك قامت_ باش نروح
ايمن جبدها بالقوي _ اقعد احكي لنمي شبيك
ملاك_ ايمن خيرلك ماعادش لا تكلمني لا دور بيا نحب ننسا الي نتي اصلا موجود في الدنيا
ايمن _ هكا؟؟
ملاك_ اي هكا
ايمن _ باهي كيما تحب انا هو الميبون الي متقلق عليك ونرخص في روحي لقحبة كيفك ...
جات باش ترجع عليخ تلقاه ركب في الموتو تاعو وطار ...
لعشية في اليسا ..
ايمن منرفز برشا شبيه متقلق شمدخلني فاها انا علاش نحس هكا ...
كان يخمم وهو حاط يدو على كرايمو ويغزر للشباك درس كامل ماهوش مركز معاه
ملاك :ملاك تحس بتوتر كبير تحس الي تعمل فيه غالط باش تدمر انسان تفكرت الفازات الكل الي صارت بيناتهم صحيح الوقت القليل الي عرفتو فيه اما فازاتهم برشا ...في نص تخمامهم دارو الزوزجات العين في العين هو ذاب في عينيها الغريبة وهي ذابت في عينه الي ضاربة فيهم الشمس قعدو يغزرو لبغضهم ملاك حست بالذنب وهو منرفز منها دور وجهو للشباك..نقز النقوز خرجت ملاك للبيفات مع تسنيم دخلت لقات عبير تحكي مع ايمن وتضحك قحرتلها خذات دبوز ماء بعد مشات لكالتوسة وقعدت تحتها
تسنيم_ شقررت ملاك
ملاك_ منيش باش نسمع كلامها
تسنيم_ وبوك؟؟
ملاك_ عادي نهارين من زمان يتنرفز عليا بعد تو يبرد نعرفو يحبني وتو يسامخني
تسنيم عنقتها_ قداش قلبك باهي وطيب مترضاش للمضرة الغيرك (لحكاية الكل عبير حبت تتفاهم مع ملاك باش تسرق كارني البيا وتحطو في ساك ايمن (كلنا نعرفو اذا كان سرقت الروجيستر برك يطردوك خلي كان تسرق كارني البيا( ملاك عرفتو باش يتضر برشا ضحات بروحها في خاطرو ...نقز النقوز دخلت ساعتين فرونسي تغزرلو يحكي مع عبير وفرحان تنهدت بالقوي حطت راسها عالطاولة وغمضت عينيها
فوت كومنتار❤
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
