❤ولد كلاسي❤

❤😂😂حلقة5😂😂❤

تسنيم_ ملوكتي فاش سارحة
ملاك _ شي شي ...
عند ايمن ومهدي
مهدي_ وا برو
ايمن_ اهلا بيك
مهدي _ هاه شعامل خليتك الصباح تسب وتلعن في هاك الطفلة
ايمن_ تي قايمة بناتنا حرب لا فهمت كيفاش بدات ولا كيفاش وصلنا للحالة المنيكة هاذي
مهدي_ اوهوه عقارها قوي هيا الطفلة هاكي اما مزيانة برشا بصراحة زبورة
ايمن _ امم باين مالاونتي الموف الي لابستو
مهدي_ لا ماهوش اونتي انا خبرة عاد صوحبتهم انواع واشكال ونعرف نفرق
ايمن_ فما واحد لون عينيه موف بربي مش نورمال🙄
مهدي_ هههه هيا الطفلة هاكي كلشي فيعا مهوش نورمال تي متناكة في مخها اللطف.
عند ملاك كانت تلعوك في الوبانة غظت لسانها لين جرى الدم _ احيت....
تسنيم _ شبيك سملا عليك
_ يظهرلي اكا ايمن الميبون يقطع فيا ويريش
تسنيم تضحك _ لا نتوما مفيكمش دوا لا نتي لاهوا
ملاك_ زحح حبش يوفا هو نهار ليوم مطولو
تسنيم_ تي ساعتين سيونص نقراوهم بعد نروحو ..
ملاك_ اوف شباش يعديه عام سنا وانا فرد كلاس معاه
تسنيم _ برجولية حاولو تهديو الوضع بيناتكم شنية هالحرب الي دخلتو فاها
قص على كلامهم السونوري مشاو للسال تع السيونص حطت ملاك دبشها في اخر طاولة جبدت الكيت وجبدت ماكلة قدامها وقعدت تاكل ..
دخل ايمن بالوهرة تاعو شمت ريحة بارفانتو القوية الي وحلت في شعرها قبيلا كي كان قاعد وراها ... قعد مقابلها في الصفة لخرى تكات راسها عالطاولة سارحة فيه يستناو في البروف يجي دخلت عبير شافت ايمن قاعد مقابل ملاك غارت عليه مشات قعدت بحذاه تتقوحب وتضحك معاه ...ملاك طفاتهم جملة اما عندها حاجة غيرة مندا خل ولا كيفاه (الله غالب احنا البنات اي حاجة نغيرو علاها حتى وكان نكرهوها) .... حصة كاملة وملاك تقحرلهم بعد تنرفزت كيفاه حطت عبير يدعا ها على يدو وهو يغزرلها ويضحك
ملاكمنغير متشعر _ يعطك كسرة ه
في هاك اليد
عاودت حطت الكيت سون فيل ماهوش ضاهر حطت راسها عالشباك سارحة مع السما الي بدات تضلام تفكرت اكا النهار الي خرج فيها الاكس تاعها مع صاحبتو الجديدة .....كيفاش كان يضحك معاها .... نحات الحب من قلبها هيا جملة ...زعما مازالت باش تعيش قصة حب اخرى ...هكا كانت تسأل في روحها تنهدت بالقوي لقات روحها لا اراديا تغزر لايمن وعبير شلقت الي عندو فوسات وشارم عندو جاذبية غير عادية سنيه بيض عاللهر بكلامو بفازاتو محلاه ككركتار (اوف فاش نخمم انا توة هكا كانت تقول هيا ) هي هكاك ودارولها الزوز عبير وايمن يكيو ويضحكو باينين يحكيو علاها ...
ايمن يحكي توة _ ملاك اوهوه على ملاك ملا مريضة بسيكوبات والله الصباح عاونتها ريتها شطيح ياهي شدتها ردة فعل محسبتلهاش حساب فيبلاصت متشكرني قاتلي لازمني نمشي وطارت تجري ...نهار كامل انا وياها من عملة لعملة ربي يصبرني واكهو اما تلعب بتكتيك الكلبة اما حتانة زادة عندي منقول في روحي قاعد نطبخلها في طبخة باش نخلص فاها القديم والجديد ....
نقز ناقوز الستة خرجو التلامذة الكل ..
تسنيم وهي تمشي مع ملاك_ محكيتلكش ملاك انا
ملاك_ لا
تسنيم_ ماو جاني مكبوب السعد قبيلا
ملاك _ عزيز؟؟
تسنيم _ لا المنيك تاعي
ملاك_ هههه محجوب شبيه
تسنيم _ قالي شرايك نرجعو
ملاك بصدمة _ تكذب😐
تسنيم _ والله كيما نحكيلك
ملاك تضحك_ هي وشعمتلو
تسنيم _ هه هزيتو للبيفات شريتلو دبوزة ماء قتلو مضمض بيها وانسى كان نرجعلك
ملاك تعنق في تسنيم_ اي صاحبتي الي نعرفها هكاك نحبك تي طز فاهم ميدوم حد كان احنا ندومو لبعضنا صدقني
ايمن ركب عالموتو تاعو فاد روحو طالعة معينوش يروح للدار وهو يسوق شاف ملاك واقفة تحكي وتعنق في صاحبتها
ايمن يضحك وهو يغزرلها _ تفرج المعاقة ربي يصبرني باين فيه عام الطف باش يتعدى 🙄😂
وصل قدام الدار تاعو هبط مالموتو ودخل ..
عند ملاك وصلت زادة للدار ..باست تسنيم ودعتها ودخلت ..
قابلها بوها _ ملوكة شبي وجهك اصفر
ملاك وهي تنعس وتضحك_ ههه ناقصة نوم
يوسف يربت على كتف بنتو _ ارقد بكري عيش بنتي اقرى على روحك وقلعلي الباك السنا عيش ملوكتي
ملاك_ نشالله بابا نشالله
يوسف_ عيشلي بنتي 😘
ملاك دخلت للكوجينا لقات امها باستها من خدها عاونتها في تطييب العشا بعد دخلت لبيتها تمدت عالفرش بتعب جبدت تاليفونها تكونكتي ..
عند ايمن كان هو بيدو قدام البيسي حال فيسبوكو عرضو الكونط تاعها بالزهر تصاورها الكل غريبة هاي محولة عينيها هاي تضحك هاي مخرجة لسانها وتغمز تعكس تصرفاتها المهبولة ضحك عمل زوم وقعد يثبت في وجها قداشو بريئ ..
بعثلها انفيت ....ملاك وصلتها نوتيفيكسيون دخلت تلقاه ايمن بعثلها انفيت
ملاك_ اوفف اش يحب هالخرى زعما نقبلو تي برا تو نقبلو محسوب
دخلت لبروفيلو احيت محلا زينو ملا لحية وملا شعر شوافرو طوال برشا ووكيوت عالاخر بالفوسات الي عندو باين فيه لاباس عليه لبستو وموتورو الكبير ماينجم يكسبها كان عبد عندو فلوس .... وصلتو نوتيفكسيون حل يلقىmallek a accepté votre invitation ....
تبسم بعد سيب البيسي حظر روحو باش يخرج يعمل قهوة مع مهدي ...
ملاك حست بروحها تاعبة هزها النوم ديراكت مع حكاية الثمنية 😂 ...
امها جات شتعيطلها تتعشى لقاتها راقدة وعارقة ولات مشات حلت الشباك والفايوز تعرف بنتها تخاف مالظلمة .... باستها من راسها وخرجت ... مع التسعة هكاك روح ايمن للدار دخل لبيتو قرى شوية بالرغم معينوش تلفت للتاليفون لقاها عبير تطلب ... حار زعما يهز ولا لا
هز عبير بتجعوين_ اهلا ايموني
ايمن _ امم عسلامة كالسبة شبيك
عبير _ شي حبيت نسأل على احوالك
ايمن _ حمدالله لاباس اسمع لازمني شنعلق عندي منعمل...
عبير _ اوكي بونوي ايموني تو غدوة نتقابلو
علق منغير ما يجاوبها في قلبو_ نشالله معاد نتقابل معاك كان نهار القيامة يا ربي ( عبير كانت هي وايمن سامبل اما عاشو قصة حب في المدرسة عي كبرت بيها اما ايمن لا عافها عاللخر مالفازات الي تعمل فاهم مع العباد منجمش يجبد روحو منها )
خرج للشباك سيعمل سيقارو ومنو يطل على جارتو فاش تعمل😂
طل يلقى شباكها محلول الفيوز محلولة وهي ملوحة راقدة كالفرس 😂 حاطة مخدة بين رجليها شعرها مفروت على وجها وراقدة بسروال كروات يضحك... ضحك على حالتها يضهرلي فيها تعبت لدرجة رقدت بكري .. مشا هو بيدو تمد عالفرش منجمش يرقد وهو يخمم في السر الي في عينيها تحسهم يضحكو ويحزنو فرد وقت ولا حواجبها الي تعبر على اي احساس تنجم تحس بيه ... هزو تخمام لينوم ديراكت...