عند ملاك وتسنيم
ملاك_ شنحوال رجلك
تسنيم_ سافا اهون
ملاك_ احمد ربي جاتك زلعة مش حاجة اخطر
تسنيم_ ملاك
_ نعم
تسنيم_ مش قتلي الي نتي تخاف من ايمن
ملاك_ لحقيقة اي وبرشا زادة خاطرو نرفوزي متنجمش تعرف فاش يخمم ولا شنوا ينجم يعمل
تسنيم_ زعما مهدي يطلع كيفو
ملاك _ نعرش وراس اختي
تسنيم_ ايا نكملو الاكسرسيس هاذا وبعد نرقدو ..
ملاك _ اوك ..
حسنة دخلت _ تبركالله على بناتي يقراو هوما وباش يقلعولنا الباك عام السنا
ملاك_ ههه اي امي شنوا قراية
حسنة_هههه .. لاباس تسنيم رجلك
تسنيم_ اي سافا
حسنة _ على كلي حال هوك قلت السنية انا الي نتي بايتة حذا ملاك
تسنيم_ ههه خير والله ..
بعد بنص ساعة قراية قامت ملاك لبست بيجاما وعطات بيجاما لتسنيم فرشو ...
تسنيم تاكل في التفاح وملاك تغزر مالشباك تستنى في ايمن يخرجشي (تقنع في روحها الي هي تغزر نورمال اما بالرسمي تحب تشوفو متعرش عاه ليوم ماهوش نورمال معاها يزيد يخوفها كي يولي هكا
هو كان في بيتو مغمض عينيه يسرح في مخو حل القجر باش يجبد سيقارو لقا تصاورو مع ملاك (الي كانت عبير تهدد بيها في ملاك تفكرتوهم نسا معطاهوملهاش ...) قعد يغزر ضحك بعد لوحهم عالكوميدينا وحل الشباك باش يخرج للبركون على طلتو يرا في ملاك تغزرلو شافها لابسة كابيش كبيرة عليها في الروز فوشيا مع شعرها الكحل طالعة كعبة هي قصيرة كي الروبة فخاظها باينة قعد مركز معاها كاش تربثت وبعدت عينيها جبد نفس اخر بعد طفا السيقارو لوحو بطول يديو سكر الشباك بنطرة ودخل
ملاك_ شبيه زك امو هاذا ملا اصلا مش منك مني انا الي متحيرة عليك
تسنيم_ تحكي معايا
ملاك_ لا نحكي مع روحي اي برا نرقدو
تسنيم_ هيا
فرشو ورقدو وايمن زادة رقد ...
عند مهدي كان مع طفلة جديدة كالعادة (معرفتكمش عليه مهدي المجاهد بوه هو عم ايمن يخدم في شركة العايلة وعندهم برشا شركات مهمة كيف ايمن بالضبط خاطرهم شركة في الاملاك قلبو كاسح وراسو صحيح اما من طفلة لطفلة يحب كي يلعب بمشاعر العباد ويشيخ كي يهنتل العباد ....يكره شكون يناقشو ولا يحكي معاه بقوة هو كي شاف ايمن رجع لاستيتك حب يونسو ولا نقل معاه مهدي مدوبل عامين العام لول خاطر بوه مات مركزش جملا والعام الثاني خاطرو يلعب ..اما ايمن يبقى اكبر منو بعام خاطرو داخل روتار للمكتب يعني توة تحديدا ايمن عمرو 21 ومهدي 20 وتسنيم وملاك الثمنتاش غلقوهاش (داخلين ملحق 😂😂) ..كيما قلتلكم مهدي صعيب وايمن اصعب هوما هكاك في السلالة تاعهم دمهم حار رجولية طاغية اما كي تشوفو ايمن ومهدي مع بعضهم كيفاه متقولوش جملا الكاركتار هاذا ....ايمن يبانلكم هكا اهون من مهدي اما لحقيقة العكس تو تشوفوه ديجا عندو هو كي تساهل مع ملاك شويا يتسمى طيح من روحو دونك باش يرجع معاها حاجة اخرى جملا ...ومهدي حط تسنيم في راسو مش هو الي طفلة طول معاه لسانها ...
أنت تقرأ
❤ولد كلاسي❤
Roman d'amourحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
