❤ولد كلاسي❤

حلقة10

من غدوة الصباح الريفاي تع ملاك وايمن يسونيو قامو الزوز دخلو للتواليت لبسو دبشهم(زوز سرفيتمونات ملاك لابسة سرفاتمون سارا عالبدن ابيض وروج بوردو
(كنت شنحط تصويرة اما الكونكسون رزينة )
شدت شعرها الكحل الطويل كوتشوفال بعد لبست كاسكات بيضا (عرفتوها متع التنس البيضا ؟؟ كيف هكاك بالضبط ) ..هو لبس سروال سرفاتمون اكحل ومريول نص بلون transparent serre علي بدنو مفري عاللخر 😈😂(مخي خامج الله غالب ) كانو يعملو كلشي كي بعضهم حتى حلو الباب في نفس الوقت تفاجأو الزوز قعدو يغزرولبعضهم ايمن قعد يغزر لملاك باعجاب كبير ملا زين وملا عين وملا بدن وخاصة لخرة 😂.ملاك باهتة فيه هو حتى مالاكس تاعها مزيان اما مش سكسي وجذاب لها الدرجة تبسمت لا ارادي تلقاها ب نفس التبسيمة غار خاطرو شاف الي لعباد باش تشوفها هكا خرجت مالدار تمشي بزربة ايمن خلى موتو تاعو في الدار يحب يمشي مع ملاك😂 هشا تمشي وال يغزرلها يقعد يكحل علاها تنرفز عاللهر حك حاجبو بغيرة ملاك شافت عزيز لاكس تاعها قعد يغزرلها باعجاب كبير ايمن شافو يغزر من بعيد وهي تغزرلو غزل قعد يزرب لين وصللها
وشوشلها ريحت بارفانتو دوختها عزيز مازال يغزر
ايمن بصوت كومكوا هاذي_ سكر الطبلية
ملاك_ نعم ياخي شمدخلك نتي
ايمن بتنرفيز _ بلع ر** وكي نقلك سكر الطبلية يعني سكر
ملاك_ ممدخلكش وباش نخليها محلولة وكان عجبك
ايمن _ نتي الي لزيتني
جا قدامها سكرلها الطبلية بالسيف ملاك كتنت تغزر لوجهو هدات باسها فيسع من خدها
_ تحلها تشوف شنعملك
ملاك جيست ساكتة عزيز شافو كي باسها تنرفز عاللخر مشا وخلاهم ....
فاتها ايمن وملاك قعدت تخمم وتتبسم وحدها وصلو لليسا دخلو ديراكت للتيران لقات البنات في الفستيار
تسنيم_ اوهوه ماهاذا ياهذا شنيا هالزين الكل
ملاك_ هههه نتي ازين عزيزتي
عبير تغزل محلاها ملاك اليوم _ قررت شباش تعمل(مسكينة ماشي فيبالها التصاور مازالو عندها😂😂)
ملاك_ ماتقوليش ايمن مقلكش
عبير _ لا مقليش
ملاك_ ماني حكيتلو كلشي بالب والت وتوة اقلب منظرك وكان عندك ريح ذري عشرة
عبير _ التصاور عندي ليوم يوص....
جات شتكمل ملاك قصت عليها_ والله هذيكا امور ايمن ناهيش اوموري انا
خلاتها وخرجت مع تسنيم ملاك نحات الطبلية ايمن غزرلها من بعيد ركبو العصب
يازيد_ شوف شوف مزبرها اححح
ايمن يقحرلو _ سكرتش نيك
يازيد_ ياخي شقلت انا وشبيك متقليش صاحبتك
ايمن_ لا اما تابعتني
يازيد _ مازلت نرا ...
ملاك الي في التيران الكل باهتين فيها غيرة البنات والولاد عينيهم طايحين قلوب 😂
مشالها ايمن شدها من يدها بالقوي _ شقلت لر** انا
ملاك_ احيت سيبني وجعتني
ايمن _ ويني زك ام الطبلية
ملاك_ نورمال ياخي تحبني نلعب بطبلية
ايمن _ اي نحبك تلعب بيها سافا هكا
ملاك _ مفهمتش شقلقك انا
ايمن_ نورمال ياخي الولاد من قبيلا يتفرجو فيك الي يعض في شفتو والي يبزنس وانتي ماكش معبرة حد
ملاك حست بالرسمي بعينيهم الي كلاتلها بدنها _ باهي تو نلبسها الطبلية وكي ميخلينيش البروف
ايمن منغير ميغزرلها بغش_ وقتها نتصرف😒
ملاك لبست الطبلية البروف _ ملاك نحي الطبلية
ملاك غزرت لايمن الي لقاتو يقحرلها
ملاك بلعت ريقها تعرفو صعيب برشا وتخاف منو كي يتنرفز _ امم شي مسيو ....ترددت بعد لقاتو مازال يقحرلها
امم يظهرلي منيش شنلعب
البروف _ نقيد ابسون
ملاك_ امم لازم الابسون ميسيو اعمل عليا مزية ومتقيدنيش والله مريضة وملقيتش وقت باش نمشي للطبيب ...
البروف_ اخر مرة عام سنا فهمتني
هزت راسها بباهي ايمن تبسم على جنب 😂 ملاك قعدت تقحرلو اما فرحانة ههه مغيار😂 طلع ... كانت تغزرلو كاش يلعب في الباسكات حنطويلة متع وذني 😂 هي هكاك وجا عزيز قعد حذاها ...
ملاك دارت بصدمة
_ شتحب شمجيبك
عزيز _ ملاك
_ بلع اسمي مطنطقوش على فمك
عزيز_ توحشتك
ملاك بضحكة استهزاء_ وصاحبتك الحنونة ويني
عزيز_ تعرفني نحبك نتي
ملاك_ ههههه ضحكتني والله بعد شنية جاي تقلي تعرفني نحبك نتي ...الي يحب يمشي ..الي يحب يهين ويبكي حبيبو ....يضر حبيبو
عزيز ساكت وحاط راسو عالخيط ويغزرلها _ معرفنش علاه عملت فيك هكا
ملاك قامت من بحذاه_ مالا كي تعرف علاه وقت احكي معايا
عزيز_ ملاك نحبك راني
ايمن بغش _ ملاك عندها شكون توة ..
عزيز يضحك بسخرية يغطي في الغيرة الي شدتو_ هههه وشكونو نتي مثلا
ايمن_ حاول تتقبل الوضع ملاك لا حبتك ولاهي باش تحبك
ملاك شدت في يد ايمن _ ايمن بعد ترددت وقتلو حبي فكك منو هيا نمشيو ماهمناش فيه
عزيز_ ههه مالا صحيحة الحكاية وليت قحبتو
ايمن سمع هكاك تنرفز ضربو ببونيا لين خشمو رعف
ملاك_ ايمن سيبو ايمن تو يشوفوك وتتعدى على الكونساي
ايمن _ شفعت فيك ملاك يا طحان
مشا وخلاه يمسح في الدم
عزيز_ والله مانوريكم النجوم في القايلة
ايمن _يوكان نشدك مرة اخرة ماني**
ايمن يكركر في ملاك قدامو بغش خرجو قدام الليسا
ايمن كابسلها على يدها بالقوي _ شمقعدك معاه ؟؟
ملاك وهي تتوجع _اهه سيبني هبلت ياخي شمدخلك
ايمن_ شمدخلني مالا ...انا الي نهار وطولو نحمي فيك مالعباد ومالولاد بالاخص
ملاك بتحدي _ لا نجم نحمي روحي وحدي
ايمن يعيط_ علاهاكا حميت روحك بالقدا معاه مالا
ملاك_ ......
ايمن_ شبيك سكتت حل ر* فمك
ملاك دموعها هبطو _ قتلك معادش تكفر عليا ولا تعيط تولي تخوف
ايمن يحاول يهدي في روحو_ باهي منغير نواح امشي ادخل معادش وقت
سمعت كلامو ودخلت حست روحها ياسر تعلقت بيه علاش تدخل بعضها كي يقربلها علاش تفرح كي يغار وتحس بالأمان معاه لها الدرجة (متعرش ) دخلت للتواليت لقات صاحبة لاكس تاعها تبكي غاديك (ملاك قلبها سخف عليها)
ملاك_ شبيك تبكي
هي_ ابعدني كلو منك اصلا
ملاك_ شدخلني انا هو طحان باش تتعلم شكون تحب مرة جاية
هي_ قداش نكرهك
ملاك باستهزاء_ اني هيا الي نحبك على أساس ..
خرجت ملاك ماتوالات دخلت ساعتين فرونسي ...دخل ايمن وراها في ايدو اكسبراس دخل بالو٧رة تاعو وسدرو المكبوس الي داز القدام وشعرو الي قالبو بكاسكات لتالي ...ملاك كانت تغزر مالشباك لعزيز الي لوطة شمت ريحت ايمن (ههه بارجي ولات😂😂)
قعد حذاها وهي دارت لقاتو مقابلها دورت عينيها بقلق
ايمن يضحك و وهو يحك في حاجبو بالسبابة تاعو ..
ملاك _ شبيك تضحك
ايمن_ شيي😅
ملاك_ اسمعني يا سي ايمن اخر مرة تقلي مع شكون نحكي وشنوة نلبس فهمت
ايمن بدا يرجعلو لعصب _ لتو ما فهمت يا زبي الي انا نغير وبرشا زادة
ملاك_ تي شمدخلك فيا نتي
ايمن_ منعرش انا شمدخلني فيك اما انا نتنرفز تخبنا نقعدو خبيبات اسمع كلامي
ملاك_ لا واصلا احنا توة ماناش حبيبات باش نقعدو 😑
ايمن يقحرلها _ اني ماشي نقعد بحذا اميرة ونتي اقعد ر** تتعنطز
غزرت ملاك لاميرة لقاتها لابسة احزق منها والشي مفرت على برة هي ماهيش مزيانة برشا اما عندها الاخلاق 🍑
شدتلو يدو تبسم ودارلها
ملاك بصوت حنين مبحاح_ اقعد
ايمن غمزها _ حتنتي تغير ريت
ملاك_ لا نغير لاشي سخفتني شطر الطاولة ماكلو الماترايل تاعها ماكش شتقعد مرتاح
ايمن_ ويهمك فيا برشا نقعد مرتاح ولا لا
ملاك سكتت
ايمن_ باهي اني قعدت حقا عندي ليك سيربريز بعد
ملاك كالصغار_ سيربريز؟
ايمن_ ههه اي
ملاك_ باهي مالا
دخلت البروفة بداو في محور جديد (😂l'amour )
كانت ملاك سارحة حتى غزرلتها البروفة
_ ملاك
_ نعم مدام
_ شنوة l'amour بالنسبة ليك احكيلي كلشي يخصو واطلعلي لتابلو اورال ..
ملاك_ انا
ايمن يضحك_ ههه اي لا تفهم برشا على اساس مطلعتك
ملاك تقحرلو _ تو نشوفو ..
طلعت للتابلو ملاك الفرونسي تاعها باهي برشا (كان شنقعد نكتب بالفرونسي شنعبيها غلاط دونك شنكتب بالدارجة واحسبوه بالفرونسي😂)
البروف_ شنية تعريف الحب بالنسبة ليك ...
ملاك هزت عينيها لقاتو يغزرلها ويضحك عملتلو غريماس لاتفهمها قحرة ولا تلف فيه
ملاك_ الحب ....الحب مدام بالنسبة للي نشوف فيه مهوش حب جملا....تنحى وتلاشا وخذات بلاصتو المصالح ....تنحى هاكالشعور بالفرحة والاطمئنان ...باش يولي حاجة تكميلية لا اكثر لا اقل ...حاجة مصتنعة وماهيش عفوية كلام كلو كذب ونفاق كلام كلام كلام والافعال عكسو بالضبط .....الحب يا مدام توة هو شعندك فلوس ...شعندك زين شعندك بدن وخاصة الcote sexuelle كلها ولات تخمم بنصها اللوطاني وحتى كان قلك نحبك اعرف راو حاجتو بحاجة منك وينو الحب الي قلتولنا عليه موجود ومالي دنيا ...قاعدين نراو كان في العباد تكره في بعضها ...تحقد على بعضها ....سينون الحب حاجة مزيانة برشا ...حاجة تخليك تحب روحك اكثر
.تفررح اكثر .....تسيب هبلتك اكثر(تغزر لايمن وهو يغزرلها) الحب الreel يا مدام هو وقت تعطي ومتستنى تاخذ شي ...وقت تبدا على نيتك وتتصرف على نيتك ..تخبي الشيطان الي في جيبيك وتستعمل cote الملايكة الي عندك .... الحب يا مدام هو الماء الي يسقى العبد باش يقويه ويصبرو ويفرحو في الدنيا وكان معرفناش نحبو باش يغرقنا اكثر.... الحب في كلمة هو حاجة بايديك ونتي الي تقرر يطلعك ولا يهبطك
كملت كلامها وقفتلها البروفة وسفقتلها ايمن كان مركز على كل كلمة تقولها كلاس كامل مركز معاها بعد ماس فقت البروفة ايمن زادة صفقلها باش منبعد كلاس كامل يصفقلها ..
رجعت لبلاصتها بفخر واعتزاز والله سؤال مواتي حالتها النفسية على هاكا جاوبت بالقدا 😂
بروفة الفرونسي _ tu as une bonne note pour l'orale bravo melek
ملاك تبسمتلها ووشوشت لايمن_ مالا شنفهم منو
ايمن_ اوه ابهرتني فارامون حاجة روعة من انا site جبدتو هالكلام
ملاك_ لا من تجاربي الدنياوية قلتو الكلام هاذا
ايمن _ تحكي على هاك الطحان
ملاك_ لا نحكي عالتجربة بصيفة عامة
ايمن _ امم اوك
ملاك_ ايمن نتي مصوحب ؟
ايمن_ pour le moment لا mais صوخبت بنات قد شعر الراس البيضة والسمرة المشبشبة والي شعرها حرير ...
ملاك بغيرة _ وعلاه قصيتها معاهم
ايمن_ خاطرهم كلهم بصيفة عامة يكذبو ويتصنعو
ملاك بتبهليل _ هههه ونتي زعما لا كذبت لل تصنعت
ايمن بغرور_ فماش علاش نكذب ولا نتصنع يمشيو يجيو اربعينالف طفلة بعدهم
ملاك هزت حاجب_ يعني كان انا نمشي عادي عندك
ايمن ضحك_ ههه نتي ؟؟
ملاك هزت راسها بطفولية
ايمن _ لا نتي لا اصلا في الكلاس هاذا نتي اكثر عبدة تعجبني هونيا اونبليس هكا عامل عليك جو خاطرك بوهالية 😂
ملاك بغش _ اممم عامل جو برشا
عبير تغزرلهم وتغزل
امل بجنبها _ ريت ايمن البوقوص ظربتو ملاك على قلبها
عبير قحرت لامل_ ايمن ربي كتبو ليا انا مالصغرة دونك معادش تعاودها الحكاية
اميل_ والله شوف غزرتهم لبعضهم كيفاه منظنش الي عندك بلاصة عندو
عبير وهي تخمم بخبث _ حتى وكان معنديش نخلق بلاصة عندو
نقز النقوز خرجو التلامذة الكل ..