روحو عايلت ايمن لدارهم بدل. ايمن دبشو باش يمشي يقرا اكد عليه بوه باش يولي يمشي لليسا على ساقيه كرز منها هالطفلة كان يلقى يقتلها غزر للكوميدينا لقا التصاور نسا باش يهزهم لملاك مع ماسعتين ..
تسنيم هدت كالبقرة لبيت ملاك لقاتها تريقل في شعرها ..عملت ثلاثة ضفرات على جنب لابسة سروال تاي اوت نوار ومريول ابيض وسبادي ابيض
تسنيم_ شنيا هالحلاوة يا حلاوة
ملاك_ ونتي شنية هالزين يا زين
ضحكو الزوز
تسنيم_ شنية تركح في شكون
ملاك _ نركحك نتي يزي😂
تسنيم _ههههه ريفزت للدوفوار
ملاك_ اي سافا ساهلين الدروس
تسنيم_ ايا برا ربي معاناخرجو مالدار نفس الوقت الي خرج فيه ايمن ..
ايمن يحكي في التالفون _ اه مهدوش اني جاي اي ربع ساعة نكون حذاك ...موطوري؟؟ غزر لملاك الي تضحك ومتشمتة فيه ضربوهولي الصحاح لا لا مسرقوهوش غارولي عليه ...تي تو كي نجي نحكيلك ...
ملاك تمشي وايمن يتبع فيها بعينيه ولى يمشي بجنبها
ملاك_ شبيك لاسق فيا
ايمن _ لا نمشي عادي
تسنيم تضحك_ اهلا ايمن
ايمن_ اهلا تسنيم وينك
تسنيم_ ههه هاني
ايمن_ ماشية وتزيان اهه
تسنيم_ ههه عيشك
ايمن_ نتي عالقل تضحك اما صاحبتك اللطف لا ضحكة لا تبسيمة
ملاك_ هاه تحبني نضحك مع واحد كيفك وزيد شمجيبك م نتي شكون قلك امشي معانا
ايمن_ والله مادامك قلت لبابا عالموطور باش جيست توصل تردني نمشي على ساقي يعني تحب تولي تمشي معايا ياخي خذيت بخاطرك وباش نولي نمشي معاك ونرجع معاك
ملاك طلعلها القاز للراس_ نعم بابا انا؟؟ والله تضحك عملت هكاك جيست باش نرزيك في موطورك يا كلب
ايمن_ احسن ماعملت حتانة قلت جارتي الحلوة حقهاش تمشي وحدها ..
ملاك _ افففففف بلع بلع
تسنيم _ ههههه ايمن حظرت للدوفوار
ايمن _ عنا دفوار😮
ملاك _ مرقد مرقد
ايمن _ ميسالش تو جارتي تعاوني
تسنيم_ اه انا نعاون خويا اما لخرى متعاونش
ملاك_ لا كان حبلي ربي ونعاونو 😒
وصلو لليسا
ايمن_ اه بنت الحومة تحبشي حاجة قبل الدوفوار
ملاك بدلال(اغراء😂😂(_ اي ايمون نحب
ايمن بلع ريقو ونطق بالسيف_ شتحب ملاك
ملاك بعنطزية _ نحب منظر ك ميجيش في خليقتي في الدوفوار
ايمن كرزتو خلاها ومشا للبيفات
لقا عزيز غادي قعد يقحرلو ..
ايمن حقرو ودار لسامي_ سمسوم بربي هات اكسبريس(يبيعو قهاوي غادي هوما)
عزيز يحكي مع طفلة _ اه حبي برا تو نخلط عليك
خرجة الطفلة مالبيفات وايمن جا خارج يسمع في عزيز يعيطلو ،_ وريت عظلاتك قبيلا قدام للات الحسن
كبس على يدو ودارلو _ يظهرلي فيك ماتربيتش يا طحان
عزيز قدملو يحكي معاه في وجهو _ نقلك حاجة ملاك تحبني انا ومهيش باش تنساني وانا زادة نحبها دونك مدخلش روحك
ايمن_ نتي تحبها ؟؟ ههه ضحكتني تحبها بالطفلة الي كنت توة معاها وتعيطلها حبي ولا بالطفلة الي صوحبتها بعدها وبكيتها
عزيز _ انا كي نحب نعمل هكاك
ايمن _ كلمتين ابعد علاها وسيبها برا ارجع لصاحبتك صوحب طفلة جديدة تصرف الحاسيلو اما ملاك ابعدها كرهتها في عشتها متستاهلش الي تعمل فيه
عزيز بضحكة سخرية_ جيت البارح باش تعملني كيفاه نتصرف
ايمن_ جرب اقربلها برك وشوف شيصيرلك يا ميبون
خرج منرفز دخل للسال لقاهم مازالو مبداوش في الدوفوار ...
بروفة المات_ ادخل ايمن
ايمن جا داخل حتى سمع بروفة المات _ تسنيم قوم ايجا حذا منتصر ونتي ايمن برا حذا ملاك
ملاك_ نعم😳
بروفة المات_ تحرك خنبداو
مشا قعد حذاها
ايمن بتمقعير_ ههههه شنيا جارتي الحلوة باش تعاوني والا لا
ملاك تبسمتلو بعد فيسع مكشرت_ لا
البروفة وزعت الدوفوارات ملاك دوب ماخذات الورقة عينيها وساعو
ايمن كيف كيف _ ازبي 😳
ملاك _ يعطاها سخطة مصعبو
ايمن_ شوف مافيهاش لازمنا نتعاونو
ملاك_ اي بالرسمي والله كان نخدمو وحدي حتى اربعة منجيبهاش ..
بداو في الدوفوار دوفوار بو ساعتين اش باش يكملو كانو يكتبو في نفس الbruillon والبروفة ماهيش مشلقة😂😂
خدمو كلشي كي بعضهم براسك وفا وقت الدوفوار عطاو ورقتهم وخرجو .قدام الكلاس
لقاو تسنيم مكشبرة
ملاك_ هههههه تي شبيك
تسنيم_ برا فوتني
ملاك_ يا بنتي تكلم شبيك
ايمن_ خربتو الدوفوار هاكا
تسنيم _ تي نكتلو امو الله لا تربحك سي الطحان ديما في جرتي تي انا بالعاني قعدت حذا ملاك شتعاوني ونتي سماك ديما لاسق كالقرادة
ايمن_ ايا تطيحش القدر عاد
هو هكاك ومهدي جا حط يدو على كتف ايمن_ اهه لاباس شبيك
تسنيم مهيش في وعيها (ههه منرفزة) _ نتي صاحبو
مهدي يضحك_ هه اي
تسنيم_ برا هزو من قدامي لا نعملو احيا
مهدي _ شباش تعملو 😅
تسنيم_ والله نتي زادة توا متبعدش وتهز معاك هاذا نشد شعرك هاك المستصفر نقلعهولك شعرة شعرة ونوكلهولك طير نتي وياه هذا القرادة تع وذني
مهدي قحرلها قحرة ترعب _ نعم؟!
ملاك _ سامحني خويا متقصدش
تسنيم _ مهاه نقصد ونص وتو يخرالي فيه
ملاك تكركر في تسنيم قدامها _ نورمال ياخي شبي عزاك
تسنيم _ باش ندوبلل😓
ملاك_ يا بنتي الفايدة في الباك هاذا اول دوفوار تعديه
تسنيم عنقت ملاك _ i'm in depression😓
ملاك _ لطف على روحي يا ربي ايجا تبعني تو نحيلك الدبريسيون
هبطت ملاك مع تسنيم للبيفات _ اي اشري الي تحب عليه تو نخلص
تسنيم ضحكت_ بالرسمي
ملاك _ اي
شرات تسنيم زوز ملاوي ثلاثة طبليات شكلاطة وزوز دبابز عصير وملاك خلصت كالعادة مشاو قعدو تحت الكالتوسة ياكلو في زوز ... ملاك تاكل ومركزة مع ايمن الي قاعد مع مهدي يحكي معاه في التركينة ...
مهدي _ اي حقا قتليش موطورك علاه فكوهلك
ايمن _ تتقوحب مهدي ماني قتلك هاكاللفعة حربتهالي مع بابا واقنعتو باش ينحيهولي
مهدي _ ههه تعرف تكور بىجولية تلعب عالوتر الخساس
ايمن _ نتي معايا ولا معاهم
مهدي_ كلام تو تقول يا سي الزبي بالطبيعة معاك اما قلي شكوني هكي الزبورة الي معاها
ايمن _ تسنيم هاكي لانتيم متع ملاك
مهدي _ باز عندها اسرارها الكل
ايمن بنظرة ندرا كيفاه _ هيه باز اما شتقصد
مهدي _ شي شي
هوما هكاك وعبير جات لايمن
ملاك شافتها تنرفزت غارت برشا متعرش علاه وتسنيم _ شوف القحبة نمشي نقطعها تو بطبيعتي العصب ياكل فيا
ملاك _ قوم قوم
قامت ملاك مشات لايمن _ ايمن
ايمن يتبسم_ وي
ملاك تغزر لعبير وتغزل _ امان حاشتي بيك
مشا ايمن مع ملاك وخلا عبير تفرفط حتى هي مشات ترحي ..
مهدي _ اوهوه هاك نتي
تسنيم_ امم حبيت نقلك سامحني على قبيلا
مهدي _ لا منسامحش
تسنيم تنرفزت _ هي برا زمر ملا عبد
مهدي _ ايو ايا بلع تخلينيش نغلط معاك
تسنيم _ اوهوه خوفتني شش
مهدي دزها للحيط ويحكي باستفزاز في وجها_ رد بالك مع شكون تلعب عيش بنتي مرة جاية
تسنيم سكتت طريقة الي حكا باها ريحت دخانو الي ضربتو وعينيه القوية الي جات في عينيها خوفتها ...
ايمن _ شبيك شحاشتك
ملاك_ امم شي حبيت نقلك مرسي عالدوفوار هاكا عاونتني في فازات
ايمن _ هاذا علاش جايبتني
ملاك_ علاه مزروب نتي على عبير
ايمن بنظرة قوية _ علاه شدخلك نتي ولا غيرة
ملاك بتلعثم _ لا لا تحلم باز مش على حاجة اما قلت اكيد راك منرفز منها ومتحبش تحكي معاها وليت جيت رتحتك منها ...
ايمت يغزرلها في عينها حط يدو على دقنونتها _ هههه هاني صدقتك
ملاك قعدت باهتة قلبها دق بالقوي مع هزت يديه ريحت بارفانتو دوختها متعرش كيفاه جاتها القوة ونطقت اما بتلعثم زادة_ احم منيش صغرونة اولا ثانيا يدك معادش تحطها عليا
ايمن يضحك باستفزاز_ ههه اي ماكش صغرونة جملة
ملاك ماي قصيرة تتشعبط باش تنجم تخزر لعينيه _ عجبتك روحك يا حنطويلة خرا مطولك ...
ايمن بنظرة قوية _ اركح اي مش فذلكت معاك شوي باش تتحل بعد مشا وخلاها
ملاك قعدت واقفة باهتة شبيه ولا صعيب هكا ياخي شقتلو انا ...
مشات لتسنيم الي تحت الكلتوسة
تسنيم_ شبيك منرفزة
ملاك_ تي هاك الخرية
تسنيم _ ايمن شبيه
ملاك _ قتلو حنطويلة ياهي تنرفز وعيط عليا
تسنيم_ زايد نتي وياه عمركم ماكم شتتفاهمو
ملاك_ ونتي كنت تحكي مع مهدي تقليش تعاركتو
تسنيم _ الهم قداشو ضاربو في روحو
ملاك _ ههه سي نورمال ضاربو في روحو نسيت الي هو صاحب ايمن
تسنيم _ اما هو مزينو زح
ملاك طرشقت بالضحك
تسنيم_ شبيك تضحك😑
ملاك_ ههه تسب فيه وتمدح فيه مع بعضو الشي 😂😂
تسنيم بدات تضحك_ وخيتي مادامنا بايرين 😂😂
ملاك _ ههه تقول نتي نكحلو وشوف شوف كان سعدنا يقوم
تسنيم _ هههه اي والله ..هيا قوم قوم عنا ساعتين فيلو ..
ملاك قامت تمشي هيا وتسنيم شافت عزيز مع طفلة جديدة اوخخ كان تلقى تشد تضربو بياجورة تفضحلو باها راسو فماش ميولي راجل (بيان سير كانت تقول هكا (يا ربي انا كنت مصوحبة هاكا ونحبو خيييت ملا قعر 😂😂) حقرتو وتعدات
فوت وكومنتار ❤
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
