❤ولد كلاسي❤

🖤🖤حلقة24❤❤

روحو الاربعة دوشو وفطرو وبدلو دبشهم
ملاك 

تسنيم

ايمن لبس سروال نوار مقطع مالركبة وبيل ابيض مفصل على بدنو كاسكات نوار لينات نوار زادتو زين ووهر وباسكات ابيض بارفانتو تتشم من وراء ليكرون😂😜😜
مهدي لابس شوميز بيضة مخلي قفاليها محلولة وسروال دجين فيها تقطيعات وكاسكات بيضة وباسكات بيضة ولينات سولار (ايمن ومهدي اللينات والكاسكات اهم حاجة في اللبسة 😂😂) ...
ايمن طلب ملاك _ وينكم حبي
ملاك_ ايا هانا هابطين شوية روج ونخرج
ايمن_ شقتلك عالماكياج انا
ملاك _ تي طرف برك
ايمن _ لا وكان تكسح راسك تشوف شيصيرلك علق عليها
ملاك كالعادة كسحت راسها عملت روج احمر غامق طلعت فتوق عنيها الموف يلمعو بالضحك تحبو تشوف شيعمل كالعادة ديما تهبل فيه وتسنيم عملت نفس الروج 😜😂
في اخر النهج
مهدي منحي السقف يتكيف في سيقارو حاط يدو عالفولون وايمن مقاري الموتو تاعو بحذا كرهبة مهدي (نتصوركم تتساألو شنوة لون كرهبة مهدي لونها روج والروج في الكراهب حاجة واو اما بالنسبة لموتو ايمن هو كبير  نوار وفيه البلو ملاك قتلو تحبهم يمشيو على الموتو
شافها جاية هي وتسنيم تتبختر وتضحك ركز هبل علاها روج زايد فاها الشطر شعرها الاكحل الي يطير فيه الريح عينيها الموف الي يلمعو من بعيد قربتلو وهو تبسم _ محلاك
_ احم عيشك
_ اطلع اطلع وحسابي معاك باش يبدى ديما تكسح في راسك
ملاك_ افف لازم تنكدها علينا
ايمن قحرلها _اطلع
مهدي _ اطلع تسنيم
تسنيم _ مهاه منطلعش معاك وحدي
مهدي _ تي اختي سمر تستنى فينا قدام دارهم(هي اختو مالام يعني تعيش مع امها)
تسنيم _ اوفف الصبر من ملاك ديما مخليتني وحدي
مهدي بغزرتو تع العادة _ فاش تمتم
تسنيم _ اممم شي
عند ايمن وملاك يسوق وملاك مكبشة فيه بايدها الزوز هه خايفو لاطيح وهي لابسة روب قاعدة بالمعوج الريح يطيرلها في شعرها
ايمن حبس الموتو _ اهبط
ملاك _ اما
ايمن_ اهبط قتلك هاني هادي
ملاك هبطت
ايمن زادة هبط نحا الكاسك حطها تحت ضبوطو 😂
ملاك هبطت تتمشى يا بلاصة تفتق البحر من غادي العجلة تع المناج باينة وقفين في بلاصة عالية
ملاك _ واو محلاها البلاصة
ايمن يغزرلها _ تقلب في الموضوع
ملاك_ اممم انا موضوع
ايمن يقحرلها
ملاك اوفف باهي هات بابيا
ايمن _ معنديش بابيا
ملاك_ مالا باش باشنحيه انا
ايمن وهو يغزرلها في عينيها _ اقرب
ملاك قربت شوية
ايمن شدلها رقبتها وقربها ليه نفسو السخون في وجها حط باسها  مصهم كلاهم اصل 😜 بعد غزرلها في عينها تجبد في النفس بالسيف
ايمن بصوت مبحاح _هوك تنحى
ملاك مبهمة ..قالت منغير ماتغزرلو _ الجماعة رام يستناو
ايمن_ اممم مرا جاية متعمل شي في وجهك هوك المرة هاذي جيتك بالحسنى مرا حاية تشوف شيصيرلك
ملاك _ اممم باهي خرا نعاني فيه
ايمن _ يا قبيحة😑
ركبو فيالموتو ...
عند مهدي وتسنيم
مهدي _ عندك خوات
تسنيم دارتلو _ عندي كان اختي لينا
مهدي _ اصغر منك
تسنيم_ عمرها 16 اصغر مني بعام تقرا مع خو ملاك
مهدي_ خوها امير
تسنيم _ ههه اي
مهدي_ سلعة الطفل هاذاك
تسنيم_ كيما اختو بالضبط
مهدي _ وكيما صاحبة اختو زادة 😜
تسنيم _ احم هيكا سمر غادي تستنى
سمر _ عسلامةة
مهدي سلم عليها وتسنيم زادة
سمر _ محلاك اممم اسمك تسنيم مش هكا
تسنيم _ هههه اي سمورة
سمر _ ههه هاك تعرف اسمك
تسنيم_ ايمن قاليي
سمر _ اهه
تسنيم _ وي
سمر _ شنية صاحبت مهدوش
تسنيم تلبكت ومهدي ضحك
تسنيم_ لا
مهدي _ اي
)قالوها فرد وقت )
تسنيم غزرتلو على جنب
سمر _ اوهوه فهموني اي ولا لا
تسنيم_ لا
مهدي _ اي
سمر _ اوففف مش لازم نفجهم الي يحكي معاكم يتخلوض
سكتو الثلاثة
تسنيم_ زعمة ملاك وايمن وينهم
سمر _ ملا ملاك وايمن مصوحبين بعضهم
تسنيم_ اي عزيزتي
سمر بغيرة _ اممم اوك
مهدي_ صاحبي ونعرفو تلقاه هزها لبلاصة اخرى بعد باش يخلطو
تسنيم _ امم اوك
وصلو تسنيم ومهدي وسمر للمناج وقفو قدام الباب يستناو في ملاك وايمن
مهدي _ اه سي الزبي وينكم
ايمن_ دقيقة نكونو غادي وينكم نتم
مهدي_ هانا قدام الباب
ايمن_ اوك
بعد بدرجين😂😂 وصلو لقاوهم غادي
هبطو
مهدي_ دقيقة ونكون بحذاك سي الطحان
ايمن_ تي هانا جينا بلع
تسنيم_ يا هيا ندخلو نلعبو والله excitee عاللخر
مهدي _ هههههيا
ايمن _ هيا سمر ونتي حبي مازلت واقفة
ملاك شدتو من يدو ودخلو ...
وسمر تبع فيهم باش تموت بالغيرة (اكيد راكم تقولو شبيها هههه مخبوطة في ايمن 😂😂)..
تسنيم _ يا نلعبو في العجلة
ملاك_ ييي هيا هيا بالرسمي
طلعو في العجلة الكبيرة بعد في التران الي يجري بالقوي بعد الطونبوناج ❤
ملاك وايمن في كرهبة وتسنيم في كرهبة ومهدي في كرهبة وسمر في كرهبة ايمن وملاك يتعاركو شكون يسوق 😂 ومهدي يضرب في تسنيم وهي تسب فيه
مهدي_ هههه
تسنيم _ اي يا خرا تي برا بعدني شاللصقة
مهدي مشا يضرب في ملاك وايمن
ملاك ضربت في ايمن _ اي
مهدي _ اقعدو تعاركو لين تجيكم ضربة طيركم
ايمن_ زايد ميبون والله منتلهى بيك سيب ملاك الفولون  عطاتو ملاك الفولون _ اضربو اضربو
بعد عطا ايمن الفولون لملاك قعدت مركزة مع سمر ومهدي تضرب فيه وتعاود ...خرجو يضحكو
تسنيم _ سي الخرا ديما عابدني
مهدي_ ايهه فرغت الغل الي عندي عليك
ايمن_ ا تفرهدنا والله😂
ملاك_ هههه ما شخت كان على سمر انا
سمر _ هههه اوه ايمون كان حا معايا راكم رينا شعملنا
ملاك حست بحاجة _ ههه نن عزيزتي ايموني ديما معايا تهنى عمرو ماشيكون معاك
تسنيم حست بدات تلحم _ شرايكم ناكلو لحية جدي
ملاك لابمن_ امم بالرسمي حنطويلتي اشريلي
ايمن _ ههه باهي صغرونتي هيا معايا
مهدي _ هزنا معاك عاد
وقفو باش يشريو
ايمن بعد ماشرا لملاك وتسنيم _ امم سمر تحب نشريلك
سمر وهي تغزل على ملاك _ امم عيشك ايمون تحبني نسمن ونولي كيف البقرة السوري(تقصد في ملاك 😒)
ملاك تغزر للحية جدي في يدها قصت منها ووكلت ايمن بصوابعها_ والله عزيزتي البنات المسبوعين كالسحلية ميحكيوش عالبقر راو
مهدي _ ايا فكونا شنعملو تو
ملاك_ نمشيو نقهوجو بعد نروحو غدوة نقراو 😒
ايمن _ هيا حبي نمشيو احنا وهوما تو يخلطو
تسنيم _ اممم مهدي ستانني ناخذ دبوزة ماء
مهدي _ اوك برا هاني معاك