تسنيم_ يا روحي شنية هالكلام الي حكيتو لداخل ةبهرتني يا طفلة
ملاك_ ههه الحقيقة
تسنيم _ والله بالرسمي لحمي قشعر
ملاك_ اي اي برا نروحو معادش بكري
ايمن خرج مالليسا شاف عزيز قحرلو وتعداه وصل للدار دخل ملقى حد طلب امو _ وينكم امي
_هانا في دار خالتك حسنة استدعاتنا عالفطور
ايمن بدهشة_ في دار ملاك يغني
خديجة_ اي ايجا هانا الكلنا هونيا
هبط ايمن دق الباب حلتلو حسنة
حسنة_ اهلا بوليدي زوز زوز
ايمن تبسملها _ عيشك خالتي حسنة
حسنة_ ماريتش ملاك
ايمن _ لا خليتها ورايا jsp
)قداشو يعرف يحكي مع ام ملاك وقدام ملاك كان السبان والتبريب😂(
ملاك دخلت مبعد تجري لبيتها حطت ساكها نحات الطبلية جات داخلة للصالة _ امي وينو ال...كانت تعيط بعد صوتها تقطع جملة
ايمن كان يحكي مع بو ملاك وانير هز راسو لقاها مقابلتو سمع صوتوها تعيط بعد القريماس الي عملتها ضحكتو
تبسمت ملاك مشات سلمت على الهادي وخديجة
هادي_ اهلا ببنتي شنحوالك
ملاك بتربية وتبسيمة حنينة _ حمدالله عم الهادي ونتي لاباس
هادي _ ا
حمدالله
خديجة _ شهشه مزين بنتي ومسمحها
هيام _ اي ريت تباركالله عليها
ملاك_ عيش اختي الزينة
ايمن _ وانا متسلمش عليا
مدتلو يدها بتردد بعد فيسع مجبدتها
بعد قحرتلو ومشات لامها في الكوجينا
لقاتها تقص في الفراز مشات خذات فرازة وكلاتها ..
ملاك_ شعملو هونيا
حسنة_ وه يا بنيتي جرانا جدد مالي جاو ماستضفناهمش حتى على كاس تاي
هوما هكاك ودخلت خديجة وهيام
هيام_ تاتا خلينا نعاونوك
حسنة _ لا وه ميجيش ضيافنا نتوما
خديجة _ بالله خلينا نعاونو والله ديجا منجموش نقعدو هكا
حسنة _ ههه باهي اقعد حذايا خدوج ونتي هيوم برا مع ملاك حطو الطاولة
ملاك_ هيا هيا هيوم معايا
هيام وهي تحكي مع ملاك_ تقرى مع ايمون
ملاك _ اي
هيام بتنسنيس_ وشعامل بالله
ملاك منغير متشعر _ والله يا واحد خرا وماء وسخون مغيار وحزار ولصقة وكرهني في حياتي
هيام(اخت ايمن الصغيرة اصغر منهم بعام تقرا تروازيام ).._ ههه اي صخيح خويا يعرفوه صعيب برشا والله تي انا نخاف منو كي يتغشش
ملاك _ اي صحيح ياسر معصاب ومعندو وين يدور الريح..
حطو الطاولة تلمو على الطاولة باش يفطرو بالزهر جاو ايمن وملاك مقابلين بعضهم ملاك تاكل وساعات تسرق نظرات احح قداشو زبووور ...هو فايق بيها حاسب روحو حاقرها ياكل مطبس راسو بعد مدت رجليها مفيبالهاش جات في ريجله😂 عفس عليها
ملاك _ آهه بعد بدات تكح خديجة بجنبها طبطب على ظهرها وتمدلها في الماء
حسنة _ سمالله على بنتي
خديجة _ عين وراس بينتي عين
هيام فهمت الحكاية الكل تتمقصص عليهم_ عفسة امي مش عين😂
ايمن ضحك وملاك قعدت تقحرو (ههه رجعو للحرب جو 😋🤣)
ملاك _ احم عم الهادي
الهادي_ وي ملاك بنتي
ملاك _ توا عمي علاه عاطيه موتو ايمن
ايمن كان ياكل شرق باش ترزيه في اكثر حاجة يحبها
الهادي_ هو قال يستحقو
ملاك_ كان عالليسا عمي الهادي خليه تو يمشي على سقيه ديجا ينجمو يسرقوهولو ولا يتكسر
الهادي_ بالرسمي ايمن اليسا هاو في الدورة مش بعيد يعني والموتو خليها جيست كان باش تخرج لبلايص بعيدة ....
ايمن يقحرلها نرفزتو برشا ملاك تضحك بشماتة
كملو فطورهم قعد شوية مع خرج بطبيعتو منرفز ملاك وصلتو للباب
ملاك_ ايمون شبيك يا تحفون
ايمن _ كان مازلت ندور بيك سميني ميبون
ملاك_ هههه نتي الي بديت
ايمن _ اه تحبنا نرجعو للخنن مالا
ملاك _ اي كنا 3-4 وتوا تعادل
ايمن _ اوك عس على روحك
بارت قصير mais مازلت البارتات نشالله كالعادة فوت وكمنتار ❤
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
