سامحوني على الروتار 😂😊...
ساعتين مات تعداو بالسيف ملاك هزت راسها مع الستة ظاهرة كانت تبكي هزت راسها شافت ايمن يقحرلها غزرتلو منجمتش تحرم دمعة باش تهبط هزت ساكها حطت كيتها نزلت عالفاست متاعها بردانة برشا اما قلبها ابرد ...حطت الكابيش على راسها تسمع بالكيت ودموعها هابطة
ايمن وتسنيم ومهدي في الكرهبة
تسنيم _ لولاد حاسة بالذنب
ايمن_ ....
مهدي_ اخطاك بربي قلو حاسة بالذنب
تسنيم_ خايفة عليها اول مرة نراها في الحالة هاذي
مهدي_ تتبهنس هاكي
تسنيم _ .....
وصلت ملاك للدار
حسنة _ جيت عزيزتي
ملاك بصوت مبحاح _ اي جيت يا ...
حسنة _ شبيك
ملاك_ شي شي يظهرلي باش ناخو قريب
يوسف _ لطف على بنت بوها
ملاك ترمات عند بوها عنقها
حسنة _ هياو تعشاو
ملاك_ معينيش امي باش نطلع نرقد تاعبة ...
حسنة _ اقرى شويا سع عيش بنتي
ملاك هزت راسها بباهي ...
طلعت لبيتها بدلت دبشها جبدت باش تقرى (تعرف روحها ماهيش شتقرى )
جبدت كراسة حلتها عينها تقرى ومخها سارح عند ايمن كلشي صار بيناتهم تعدا قدامها كالفيلم تقول كانت في حلمة وفاقت ...حطت يدها على خدها مسحت دمعتها بعد حطت راسها عالكراسة وغمضتهم فيبالها باش تنسى ياخي صورتو ترسمت بكبرها في مخها ....خشمها يجري جات باش تمسحو ياخي تقكرت ريحتو الي مخلطة بالدخان ...
تفكرت فازة قامت تزرب حلت القاردروب لقات الفاست تع ايمن(تفكرتوها الفاست الحمرا الي لبسهالها عشية الي صوحبو بعضهم وقت حزر على لبستها ) خرجتها غزرتلها بعد قربتها لخشمها غمضت عينيها ....
عند ايمن فد تخنق روحو طلعت دنيا باردة البرا تقربع في راسو مالي صار هو بيدو دموعو خاينتو اي متصدقوش كان نقلكم ايمن يبكي يحس في روحو ضعيف (احساس انك تعشق شكون ويخونك مع غيرك الله لا يوريه لحبيب💔) خذا تالفونو حلو شاف ميساجاتهم قعد يقرا ..
ملاك في بيتها دخل ايمن عليها (راكم متفاجإين قال لدار ملاك حاشتو بكراسة من عندها ...)
دخل والي شافو حاجة غريبة ...ملاك لابسة الفاست تاعو حطا راسها عالبيرو ومغمضة عينيها
ملاك عاطية بالظهر للباب
ملاك _ امير اخرج منيش لاباس ابعدني
_ ......
_اخرججج
دورت راسها لقات ايمن قدامها ولات تفرك في عينها
ملاك_ اوهوه كخورت انا
تحرك في رموشها بالسيف بعد ركحت التصويرة بالرسمي هاو ايمن لنا ...
ملاك _ ايمن؟؟!
ايمن مغير نفس _ حاشتي بالفاست تاعي
ملاك _ اما فاست
ايمن_ ......
ملاك غزرت لروحها لابستها نحاتها وعطاتهالو
ملاك _ هكا معاد يربطنا شي
ايمن _ لا مازالت حاجة نعطيهالك ...
عطاها تصاور (التصاور الي كانت عبير تهدد بيهم في ملاك تفكرتوهم؟؟)
ملاك خذاتهم ...
ايمن هز الفاست غزرلها لعينيها بقوة وخرج .... حلت الماصو وبدات تشوف فيهم وحدة وحدة وتتفكر .. ايمن خرج مسح دمعة تمنى يحضنها تمنى يوبس شفايفها جا مش على حاجة جا خاطرو توحشها خاطر حب يشوفها خاطر حب يحويها ويضمها كي شافها لابسة الكابيش تاعو حب يمشيلها ويمسحلهادمعتها خاطر صوتها مبحاح تع واحد كان يبكي كي دارت تفكر الي عملتو تفكر الي صار تمنى يقتلها ويشرب من دمها .....
فوت تعبت في لكتيبة وانبليس قلبي ولا يوجع والله نكتب ونبكي مع الاربعة تع الصباح وصلت نكتب 💔❤💜
أنت تقرأ
❤ولد كلاسي❤
Romanceحكاية حلوة برشا تجمع البطلة تاعنا ملاك بايمن في ظروف غادي مالاستثنائية وين باش يبداو في حرب ومعارك مضحكة في الليسا توفى بيهم بقصة حب لا مثيل لها شبعة ضحك وطرايف حب هبال غيرة انحراف(نعرف مخاخكم خامجة😂😂( ..كرونيك نار وزيد قصة واقعية ..🖤نشالله ت...
