❤ولد كلاسي❤

🔥🔥حلقة 39 🔥🔥

في الصباح ....صباح بارد بامتياز بالرغم اخر ربيع .. لبست ملاك سروال نوار كبوط بونبارس جون موتارد مريول نوار وبوتس جون موتارد ..حطت بوني نوار وكاشكول نوار هزت سحابة وخرجت ..لقات ايمن يستنى فيها
ايمن شافها جاية تبسم _ صباح النور صغرونتي
ملاك _ صباح الخير يا روحي
ايمن_ شنوا هالزين الكل
ملاك _ ههه عيش زيني ونتي شنوا هالحطايط يا بوقوس
ايمن _ هههه كالعادة انا 😂
ملاك _ هيا نمشيو طلبت تسنيم قتلي شتجي مع مهدي بالكرهبة ...
ملاك _ اوفف ساعتين مات شباش يعديهم
ايمن _ واللاه وزيد نهار اربعاء عاد
بدات الشتاء تصب
ايمن حل سحابتو عنق ملاك ويتمشاو ..
ملاك ثبتت في يدو شافت الوشم الي مركزتش معاه المرة ليفات ...
ملاك _ امم ايمونتي
ايمن_ اروح ايمون
ملاك _ شنسألك
ايمن _ احكي حبي
ملاك _ شنوة الوشمة الي في صبعك ...
ايمن تربث ودخل بعضو _ حكاية فارغة حبي
ملاك مكبشتش برشا قالت تو نسإل مهدي ...
ايمن_ فاش سرحت
ملاك _ امم شي حبي
ايمن _ قلي رقدت مليح البارح
ملاك_ امم وحلمت بيك زادة
ايمن _ امم وشحلمت
ملاك _ حلمت الي انا وياك مسافرين فواياج دو نوس ❤
ايمن_ بنينة المنامة🔥
ملاك_ههه اي😂😍
وصلو لليسا
قدام السال
تسنيم_ اهلا ملوكة ..اهلا بنسيبي😂
ايمن_اهلا بنسيبتي 😂
مهدي_ ملوك
ملاك_ مهدوش
تسنيم _ ايا برا عنا ريفزيون مات ليومة ماو
ملاك _ ايي
دخلو للسالا بداو يقراو ..
دق الباب
البروف _ ادخل
_ عسلامة
ايمن مصدوم مهدي كيف كيف ايمن طلعلو الدم وعينيه حمارو
ملاك مفهمت شي قعدت جيست تبع في الحركات تع ايمن الي ولات غريبة
تسنيم تغزر للطفلة مالفوق للوطة
البروف _ تفضل بنتي شحاشتك
_ جيت جديدة ليوم
البروف _ كيفاه جبت جديدة اخر العام ينقلو العباد ؟
_ظروف حكمت
_باهي تفضل حتى نشوفو
ايمن تصدم صدمة عمرو يغزرلها مبهم ملاك قلبها مش مرتاح
ملاك_ ايمن لاباس؟
ايمن _ اي لاباس ..
البروف شسمك بنتي
الطفلة وهي تغزر لايمن_حنين قاسم
ايمن _ نجم نخرج ميسيو
_وين ماشي
_قيدني ابسون ولا تصرف ..
ملاك_ايمن شبيك مهوش معبرها ..هز ساكو وخرج
ملاك_ مسيو نمشي لتواليت
_برا
ايمن يمشي مزروب
ملاك تجري وراه
_ايمن
ايمن_ شي ماشي ماهوش معبرها
_ تجري خلطت عليه
_ايمن
_ابعدني ملاك
_شبيك ياخي شصار
_ اووههه قتلك فكني دزها بالقوي طاحت في القاعة ..
غزرتلو عينيها مدمعة غزرلها بعد كمل في مشيتو ..
قامت ملاك هزت روحها دموعها مهيش منجمة تاقف مشات لالتواليت وقعدت تخمم شصاير شكوني الطفلة شبيه تقلب هكا ..
طلعت للسال
دخلت قعدت
مهدي_وينو ايمن
ملاك _...
تسنيم_ ملاك عيش اختي لاباس ؟
ملاك_ دارت لمهدي صوتها مبحاح _ شكوني الي دخلت هاذي حنين ولا شسمها
مهدي تربث وتلبك_ اوففففف سكت ..بعد تنهد وقلها بعد تو نحكيلك الحكاية الكل ..
مع العشرة .. ايمن قاعد قدام البحر سارح...
ملاك جات قعدت حذاه _ علاه محكيتليش ..
ايمن_ منجمتش نحكي
ملاك_ هز عينيك واغزرلي
ايمن_ اخطاني ملاك بالله
ملاك_ كلشي حكاهولي ايمن حتى حكاية حبالتها منك زادة
ايمن_ مكانتش حبلة مني
ملاك_ امالا من شكون
ايمن_ ملاك او شنحكيلك كلشي ..
انا وحنين كنا نحبو بعضنا برشا عشنا برشا مع بعضنا ..الناس الكل كانت تعلم حكايتي معاها ..صحيح صارت غلطة بيناتنا اما ماهوش ولدي الي كان في كرشها ..خاطر شديتها مع شكون يعني اكيد ولدو هو ..بعد ما صارت الحكاية هاذي بوها هزها ومن وقتها ما عاودش قابلتها ولا ريتها .. كنت نحبها برشا وتعذبت غدرتها ليا وخيانتها ليا وزيد فوق هاذا الكل تجي تقولي راني اونسانت منك اكيد منيش شنصدقها ...
ملاك تسمع دموعها هابطة _ يعني مادامك تصرفت هكا مازلت تحبها ماو
ايمن_ ....
ملاك _ وانا يعني يعني حبيتني جيست تنسي في روحك ..
ايمن _ لا ملول ماشي فيبالي هكا اما بالرسمي نحبك ومنحبش نخسرك ..وتستاهل ما خير مني
ملاك_ اسكت كان نستاهل عبد ماخير راني مشيتلو اما انا نحبك نتي
ايمن عنقها كهو وسكت _ نحب نهرب ملاك من كلشي شمجيبها شمجيبها نحب نفهم
ملاك_ هدي روحك حتى نفهمو قوم نمشيو لليسا
ايمن _ معينيش ..
ملاك_ باهي حبي على راحتك اني معاك ..
مهدي وتسنيم حصرو حنين في الفيستيار
مهدي_ شمرجعك شتحب
حنين تضحك بسخرية_ هههه نحب ايمن ووه
تسنيم _ وراس للي جابك ما نقتل والديك
مهدي شدها من كتفها _ شششت حبي متستاهلش ...يعمل هكا ضرب حنين بكف ..
حنين _ هاها ها وراسك ماتخلصو الي عملتوه الكل فيا وماهيش شتتعدالكم بالساهل ... كان منهبلوش ايمن مجاهد وندخلو للرازي منتسماش انا ..
مهدي _ اعمل الي تحب اما ريت تسنيم وملاك خاصة خط احمر هاني قتلك اعمل الي تحب اخطا هاذم الزوز
هو خارج هو وتسنيم
حنين _ وكي نقلك بنتي انا وايمن موجودة ..
تسنيم تصعقت بنت شكون ايمن؟ ..
مهدي تكونسا ودار قربلها يهدد فيها _ يزي بلا كذب وقحب حنين
حنين تضحك باستفزاز_ هاهاها اوه تصدمتو ..
مهدي والله مانقتل ز***** يا كلبة والله
حنين _ تعمل عملة وبنتي شناخو حقها توا ولا من بعد وتوة خير هو
مهدي_ جرب سعدك تقرب لايمن ولا ملاك هاني نبهتك قحاب تع وذني .
مهدي خرج وجبد معاه تسنيم
تسنيم مازالت مصدومة_ بنت شكون مهدي ؟
مهدي _ امشي توا نقلك
عند ملاك وايمن
_شباش تعمل تو
_ منعرف
_ ايمن ما نعرف قلبي ما قيلي خير
_ تهنى حبي حكاية تو نفضها ..
هو هكاك ونقز التاليفون..
لقاه مهدي
_ تسيب الي في يديك الكل وتجيني مصيبة ..
_ ايجا نتي
_ وينك نتي
_ وين البحر
_ معاك ملاك؟
_ اي باهي هاني جاي
ملاك _ شفما ايمن
ايمن_ لا شي حبي مهدي طلبني هاو جاي ..
بعد درجين
مهدي شد فران قوي بجنبو تسنيم هبط يزرب لايمن
مهدي جبد ايمن بالقوي يحكي معاه _ كنت مع حنين توة
ايمن_ قاتلكش لوا جات
مهدي_ جات شتكرهك في حياتك لا لا جات شتكرهنا في حياتنا
ايمن_ علاش زادة
مهدي_ قالت الي بنتك نتي وياها موجودة يعني هي كي مشات مطيحتوش الصغير يعني حسب كلامها بنتكم عمرها 3 سنين ..
ايمن_ شنوة هههههههه مظمرك مهدي اما طفلة تي شعمرها هيا باش تجيب طفلة ولا عمرها ثلاثة سنين ولا شعمري انا
ملاك وتسنيم يغزرو ماهم فاهمين شي
مهدي _ هي كي سافرت عامت التروازيام اخر العام ماو
ايمن_ اي
رجعت وتقرا باك ليوم يعني حسب مافهمت دوبلت ثلاثة سنين في الباك يعني كارثة كان تطلع لحكاية صحيحة ..
ايمن شد راسو مصدوم ....
فوت وكومنتار بطيت برشا نعرف اما تسعة اجزاء توفى الكرو 😂❤ يوصل البارت 15 vote نكمل الباقي