❤ولد كلاسي❤

💋💋حلقة26💋💋

طلعت ملاك لبيتها لبست

قعدت عالبيرو تقرى وهي تقرى سرحت بخيالها للمستقبل ...
ملاك _ اوففف ايمن هكاك يشدوه البيبي
ايمن_ امم قلك عليا كليوم ندوش لزغزغ انا
ملاك_ هههه زايد بالي تكبر توقعد كيف ما نتي والله
ايمن _ ولدي قول لماما تسكت باش نلعج عليها بزوز كفوف
ملاك قحرتلو بعد خزرت للبيبي الي في يدها _ روح ماما قول تفوه لبوك هيا ولدي الشايط هيا قل  ماكش متربي تتهدد على ماما
ايمن قربلها يتنفس في وذنها _ نن ميقولهاش خاطرو خواف كيفك
ملاك دارتلو _ شكون الخواف ؟؟
ايمن_ وحدة اسمها ملاك
ملاك وهي خارجة مالسالدو _ براس امك لا عاد تعبدلي راسي كي نجي ندوش للطفل
ايمن_ علاه ولدك وحدك ومافيباليش
ملاك _اي ولدي وحدي
ايمن حط شفتو على رقبتها _ اممم وانا معندي حتى دور في جيبانو
ملاك_ ههه لا نتي ساس جيبانو ماك متركحش ..
ايمن _ ايا نوريك كيفاه منركحش توة
ملاك_ تي يزي يا ماسط مازلت نافس راو
ايمن _ هههه هاك ادور كالفرس نتي منين نافس
ملاك_ اممم ماني قوية على هاكا
ايمن_ امم قوية مريتش روحك وقت قاعدة تولد كيفاه تعيط وتدعي عليا بعد يمعوق يقلد فيها_ الله لا تربحك يا ايمن يا ولد خديجة قتلك نحب نجيب صغير ...برا لا تباركلك يا ايمن يا طحان قلو راجلي وما راجلي وسنة الحياة تفيههه عليك ...والطبة يضحكو ويتسككو
ملاط وجها تقلب بالحشمة _ امم ماني طلبت السماح عاد اش تكبش
ايمن_ توا فما مرا تسب راجلها وهي تولد
بالطريقة هاكي تي حتى كان مش ماخذين بعضهم عن حب متعملش هكاك
ملاك_ وشكون قلك انا ماخذتك عن حب ...
ايمن _ 4 سنين راو قبل الخطبة ماليسا ونظرتك وغزرتك يا مزيانتي تلمع كي تراني وتقلي ما خذيتنيش عن حب ...
ملاك وهي تلبس في الصغير _ اي نحبك ونحبك ونحبك باهي هكا
ايمن _ وانا نعشقك صغرونتي
ملاك_ قداش نحبها صغرونتي من فمك ❤
ايمن_ قداش نحبك كي تولي تقهملها في ال romance
رجعت للواقع على صوت التالفون لقاتو ايمن تبسمت
ايمن ياكل في التفاح في البركون _ ملوكتي
_ روحي
_ شتعمل
_ ههه كنت ندوش لولدنا
ايمن متفاجأ _ ازبي 😳وقداش جبناه هاذا
_ هههه لا جبناه لا شي اما سرحت تخيلت الي انا وياك ندوشو لولدنا ونتناقرو 😂 ونتي كالعادة متركحش تبوس وتتدحنس 😂 وانا نسب فيك
_ ههه حلوة الحلمة ❤
_ امم عاللخر
ايمن_ اخرجلي للبركون
ملاك اوك
خرجتلو هكاك ايمن قعد يهز فيها من فوق للوطة محلاها وقداشي كيوت شعرها كعكة عفوية وشعرات هابطين على وجها شفايفها روز منغير شي وديماكيا قعد يثبت في ساقيها
ايمن _ برا ادخل البس سروال
ملاك_ نعم ترا فيا عريانة ملا
ايمن _ والله نعملك كالمرا ليفاتت
ملاك _ اوفف باهي
دخلت لبست calson نوار ...
ايمن _ هاه اهون
ملاك _ ههه ارمي تفاحة يا هامل تاكل وحدك
ايمن رمالها كعبة
ملاك_ ههه عندكم خوخ 😅😂
ايمن_ ترا فيا حال خضار الفصول الاربعة لنا
ملاك _ هههه باهي باهي بلع برم
ايمن _ توحشتك
ملاك_ تي مامبا ساعة كنت حذاك
ايمن _ ههه اي اما توحشتك ونتي توحشتنيش
ملاك _ لا 😂
ايمن _ راي رومنتيك رومنتيك لدرجة متتصوروش
ملاك _ هيا بونوي جاني نوم بيزواتت
ايمن _ علاخيرر
بارت قصير صحيح اما برشا بارتات وانبليس نتسماو في الهدوء تع الكرونيك مازالت الاثارة والتشويق 🖤❤