❤ولد كلاسي❤

❤🖤حلقة 29😪😥

عند ملاك وايمن نسيناهم جملا بعد ما هز مهدي تسنيم تلفتو لمحجوب الي يمسح في الدم الي هبط من خشمو هوما هكاك وجا عزيز غزر لمحجوب على جنب وضحك بسخرية ملاك قلبها تقبض
عزيز _ اممم كالعادة نتي وصاحبك توريو في عضلاتكم
ايمن يكبس في يدو يضبط في اعصابو _ شتحب
عزيز يغزر لملاك _ والله هكاك السؤال هاذا نسإلو لروح قلبك ملوكة الي طالبتني البارح مع انصاص الليالي امم شحاشتك حبي ...
ايمن يضحك بسخرية _ شنية ملقيت باها وين وليت تتبلى عالطفلة ...
عزيز حل تاليفونو وراه الابال الي مسجل النومرو تاعو باسم عشقي❤ ايمن يغزر مش مستوعب هاو بالرسمي تحكي معاه ومع نص الليل كمل تفكر كي لقاه اوكيبا وكي كذبت عليه مخو طار ...كبس على يدو بالقوي شد التالفون لوحو بطولو ..
عزيز _ نورمال عندي ايفون عرفتك باش تعمل هكا ديجا
دزو بالقوي طاح يضرب بكل غل بعد دار لملاك الي مرعوبة فكلها التالفون يفلفس لقاه نومرو عزيز مسجل باسم حبي الاول والاخير وفوقو نومروه فارغ ... ملاك تغور للغش الي فيعينيه خايفة خايفة لا يفهم بالغالط خايفة عليه وعليها تعرف غشو صعيب صحيح كذبت اما مالتوتر تعرفو صعيب لوح التالفون في وجها وضربها بكف بالقوي
عزيز _ سيبها ...
ايمن دزو من قدامو طيحو ونزل على يد ملاك بالقوي تبع فيه رجليها قريب يرخو وصلها للفستيار من تالي وعاودلها كف اخر _ ميبون انا قدامك يا قحبة يعني تتمعشق معايا في النهار وتتقوحب معاه في الليل زادها كف اخر خشمها رعف ملاك ولات تبكي _ سيبني
ايمن _ وراسك لا تمنع مني حبك الاول والاخير مالا طرطور انا طحان اهه
ملاك تبكي بالشهقة _ لا والله .....لا
شدها من شعرها بالقوي _ شنوة الي لا اه تنكر الي نتي طالبتو مع نص الليل تنكر الي مسميتو حبي الاول والاخير اه لا وهو مسميك عشقي زاد لفها بكف اخر غل في عينيه قلبو مجروح نفس السيناريو تع حنين حنين الي خانتو زادة حنين الي رقدت مع غيرو يهاف لا ملاك زادة تعمل هكاك طاحت من نظرو ظربها وقلبو مازال معبي يسمع في صوت بكاها اما ماعادش يهمو عو زادة يحب يبكي اما لا الرجال متبكيش تفل عليها _ اخر مرة تغزرلي ولا حتى تحكي معايا فهمت ولالا كي تشوف وجهي في الثنية تبدل الطريق منعرش وحدة هاملة خاينة اسمها ملاك كرهتك عفتك .... مشا وخلاها كينو هلى روخو خارج ومش عارف وين خارج منرفز حزين مجروح كرامتو رجوليتو وشهامتو دنيا كاملة تحبو لبنات على شكون يرضى زوز قحاب عملو فيه الي ميتعملش الزوز خانوه الزوز غدرو فيه ..دمعة هبطت من عينه مسحها وكمل بشوموخ خرج مالليسا عرضو مهدي _ شبيك ايمن لاباس ويني ملاك
ايمن يمشي منرفز حقرو وكمل في ثنيتو الغل ياكل فيه
تسنيم _ زعما شصاير ؟؟
عند ملاك تكتم في شهقاتها وجها احمر مالضرب شعرها داخل بعضو ريقلت شعرها وقعدت تبكي بعد بربع ساعة مسحت وجها ومشات للتواليت ترقل بكلها غسلت وجها ثلاثة مرات ماهي فاهمة شي شيقصد بالي مقيدتو خبي الاول والاخير حلت تاليفونها لقات نومرو عزيز مقيد هكاك زادت هبلت ككيفاه شكون قيد مهيش هيا كيفاه راسها باش يتفلق كيفاه باش تبين لايمن الي هيا مخانتوش الي هي تحبو هو الي هي مستحيل تغزر لغيرو هي هكاك وجاتها تسنيم _ شفما ملاك شبيه ايمن شبيكم
ملاك شافتها عنقتها ورجعت تبكي
تسنيم_ يا روحي شبيك تبكي
ملاك _ شي ما بيا شي
تسنيم_ وشبيه وجهك احمر
ملاك _ الشمس ضربتني الشمس ..
تسنيم _ احكي شبيك
ملاك_ اوفف اخطاني اكهو
تسنيم _ باهي يا روحي على خاطرك
ملاك هيا نطلعو نقراو هالساعة ونروحو
تسنيم_ باهي يا روحي نمشيو ناخذو بيا ساعة
ملاك _ هيا
في الثنية للادارة
ملاك_ شعملك مهدي ريتو مغشش برشا
تسنيم تعاركنا بعد قلي الي هو يغار خاطرو يحبني
ملاك_ امبو
تسنيم _ والله
ملاك_ ايه واش قلت نتي
تسنيم _ منحمتش نقول
ملاك_ علاه
تسنيم_ ....
ملاك فرحت لصاحبتها _ نشالله يدوم حبكم 😪
تسنيم_ هه والله نحبو
دخلو خذاو بيا وطلعو للسال دخلت ملاك طول قعدت في الطاولة لخرة تستنى في ايمن يجي يدخل كلامو قبيلا محفور في وذنها كرهتك عفتك خاينة ...دموعها هبطت منغير متشعر حتى الضرب الي كلاتو ميجي شي قدام كلمت كرهتك من فم ايمن اي هي تعشقو تحبو كلشي مش مفهوم اما هو مسمعهاش حكم طول ...
تسنيم تغزر لصاحبتها مشغوبة شبيها يا ربي شصار في غيابها دخلو التلامذة الكل كان ايمن ... مهدي يحكي مع تسنيم _ ملقيتش ايمن مالي عرضنا قبيلا ماجاش
ملاك سكتت
مهدي_ صارت حاجة
ملاك_ عيش خويا راسي باش يتفلق منجم لا نفسر ولا نحكي قلبي يوجع ونتنفس بالسيف ..
ساعة كاملة ملاك سارحة تغزر مالشباك تخمم فيالي صار قلبها واجعها نفس يدخل ويخرح بالسيف ...
كملت الساعة خرجت مالليسا مروحة مع تسنيم
تسنيم _ ايمن فماش ريحتو
ملاك _ فكنا من ايمن عاد
تسنيم _ شصار مفهمتش شبيكم
ملاك بهيستيريا _ تحب تعرف شصار ضربني سبني بزق عليا قلي نكرهك وعلاش على خاطر حكاية معندها حتى علاقة بالصحة ذنبي الوحيد اني هزيت على نونرو منعرفوش وطلع عبد نعفو بالقدا ذنبي الوحيد اني ماني فاهمة شي هاذاكا ذنبي ذنبي الي عنديش زهر ...
تسنيم حالة عينها بصدمة بالي تعرف ايمن صعيب اما مش لاها الدرجة حست بصاحبتها عاللخر
ملاك ركحت روحها ودخلت لدارهم سلمت على عايلتها بالسيف تبسمت بالسيف بعد دخلت لبيتها قالتلهم تاعبة٧ باش ترقد دخلت سكرت البلب وتلوحت عالمخدة تبكي ....
عند ايمن ...ايمن هزتو ساقيه للبحر البلاصة تاعو وقف عالحافة مخنوق فاد تغدر مرتين مش ساهلة ... قاعد يخمم لازمو ينساها لازمو يبعد علاها ويكرها اما قبل لازمو يكرها ويكرهو في روحو ايمن توة الوحش الي فيه باش يخرج اي ديجا يتسمى ما عمل شي ....
عند تسنيم طلبت ايمن مهزش طلبت مهدي حكاتلو لقالتهولها ملاك..
مهدي_ قول لملاك معادش تقابلو جملة توا حتى يهدى خاطرو ينجم يعمل فيها الي ميتعملش تو نمشي نلوج عليه نحكي معاه ونشوفو ..
تسنيم انا بيدي هاني ماشية لدار ملاك تو لعشيو نمشيو نقراو جيب ايمن وايجا كان هكا تو نوريك فيه يضرب فيها مالا
مهدي_ اسمع اخرج منها لحكاية
تسنيم_ لا مانيش خارجة منها الحكاية وتو تشوف شنعملو ...
مهدي علق ومشا بالكرهبة يلوج عليه في البلايص الكل ملقاهش بعد مشا للبحر لقاه غادي محطم قاعد فوق الكرسي..
مهدي قعد بحذاها ايمن غزرلو بعد عاود غزر للبحر _ شمجيبك
مهدي _ شبي خويا شعملتلك ملاك باش توصل تضربها الطفلة خالتها حليلة سارحة وتبكي ....
ايمن _ ابعثها تنيك تمثلل ...
مهدي_ شصار
ايمن بهيستيريا _ تحب تعرف شصار الي صار الي هي تخرج معايا في النهار وتتمعشق مع لاكس تاعها في اليل الي صار الي هي تخون فيا تمثل وتنافق الي صار الي هي بكرطوارطها كيما القحبة حنين هاو الي صار ...
مهدي مصدوم _ بكشي غالطة لحكاية سمعتها نتي
ايمن_ شعندي نسمع بالله شعندي نسمع كلشي ظاهر نقيد في تالفونها حبي الاول والاخير وهو مقيدخا عشقي وطالبتو مع نص الليل نكذب عينيا ونصدقها هيا
مهدي_ والله حكاية حولة ملاك طلعت هكا ملا نفاق وملا قحب ...
ايمن _ مازلت دافع عليها 😏
مهدي_ والله عندك الحق برو والله نقتلها انا طان حييت في بلاصتك اما تعرف هاك الطحان والله ما نيكو
ايمن _ ذكرتني فيه ...
مهدي _ وين ماشي ماكش جاي لعشية
ايمن _ نعرش عينيش نرا منظرها...
هز ساكو بنطرة ومشا
مهدي طلب تسنيم _ صاحبتك طلعت على مراد الله حاسيلو
تسنيم _ كيفاه
مهدي _ شنية ما حكاتلكش😏
تسنيم _ لل منقبيلا تبكي وكهو
مهدي _ خانت ايمن قاعدة تحكي مع عزيز وهي مع ايمن يعني بالعربي مصوحبة الزوز
تسنيم عينيها وساعت غزرت لملاك ماهيش فاهمة ...
علقت على مهدي
تسنيم _ قوم احكي يزي مالتبهنيس. . شنية مش قتلي عزيز وفا ونحب ا يمن وندرا شنية اه هذي تربيتك نتي صاحبتي ؟؟؟ نتي ملاك؟؟ منصدقش ..شعملك الطفل علاه هكاك
ملاك_ والله خاطيني معملت شي انا ...
تسنيم_ اه يكذبو عليك الكل مهدي وايمن وعزيز يكذبو الثللثة شقتلك انا ...مش قتلك وكان ترجع لعزيز ولا حتى تحكي معاه تنساني وكايني معندكش صاحبة ...
ملاك تبكي بالشهقة _ تسنيم والله خاطيني تعرفني منيش هكاك جملة متزيدش تخليني نتي زادة والله ممدخلني في متظلمونيش
تسنيم سكتت خرجت وخلاتها ...
قعدت ملاك تغزر مالشباك دموعها على خديها
بعد هزت روحها وخرجت بغش ماشية لعزيز باش تفرغ فيه الغش وكلشي
افت عزيز قاعد تحت دارهم جات ماشيتلو وعرضها ايمن جاي من غادي
ايمن شافها ماشية لعزيز زاد حقد ظلامت الدنيا في عينيه مشا يزرب وشد عزيز من مريولو عطاه البونية لولة الثانية الثالثة الرابعة يضرب فيه بغل كبير تلفت لملاك الي تفك فيهم
ايمن هزها من فوق للوطة قام ضحك بسخرية جبد فلوس من جيبو لوحهم في وجها وبدا يصفق _ وتوا وليت قحبة بالطابع ...
مشا وخلاها مصدومة الدنيا مش سايعتها دموعها جرحت خدها البارح كانو لباس شبيه تقلب الطرح علاه صار هكا ماهيش حاسة مالطقس جملا قلبها مجروح من حبيبها تي كان صاحبتها الروح بالروح مصدقهاش شكون مالا باش يصدقها ...
تمشي منغير وعي دموعها نشفو تمشي ببهامة كيفاه وصلت لهاذا الكل تفكرت ايمن زادت قوات في بكاه صوتو يزن في وذنها ... لقات كرسي مالوح في وسط جردة قدام بلدية قعدت فيه غزرت للسماء اه يا ربي قلبي يوجع يا ربي ظهر الحقيقة يا ربي راني نحب ايمن نعشق ايمن متخليهوش يبعد عليا يا ربي راني تعبت ... غمضت عينيها تفكرت نهارت الي استعرفو بحبهم تفكرت اول بوسة بيناتهم تفكرت الغيرة واللعب والمساطة تاعو قامت رجعت للدار حطت دبشها طالعة لليسا طلعت وحدها تسنيم حلفت معادش تحكي معاها ...
وصلت لليسا ستنات الباب يتحل ودخلت للكلاس قعدت وحدها في الطاولة الوسطانية حطت راسها على الطاولة سارحة مالسباك شافت ايمن من بعيد داخل لليسا قعدت تبع فيه بعينيها بعد سكرت عينيها بوجيعة ...
دخل ايمن مامبا غزرلها قعد في اكثر بلاصة بعيدة عليها باين منرفز كشاكشو طالعة ...
بعد دخلت تسنيم مع مهدي قحرولها حقروها وقعدو في الطواول الي بحذا ايمن ..
ايمن فاد مخنوق يشوف فيها مهيش نورمال يشوف فيها مش كالعادة حس احساس قوي حس قلبو مقسوم نصين مينجمش يسامحها 💔💔