❤ولد كلاسي❤

❤حلقة4❤

جات ماذساعة ونص خرجو تسنيم وملاك مالدار بعد تقرير ابوي حول حادثة شلان الصبع من عند بوها 😂(قلتلكم راو يحبها اكثر من اي حاجة في الدنيا ) يتمشاو في الحومة تعداو بحذا زوز ولاد _ وا قطوس نجم نبوس
ملاك بسخرية _ متاعك اعملو كبوس 😑😂(كارثة زايد )
شاخ صاحبو عليه و تغاض عاللخر الطفل تعداو وحقروهم ايمن كان بالموتو تاعو وراهم يمشي فيه سمع كيفاش رجعت عليه ضحك دخلاني _ مقوى عقارها هالطفلة يا لطيف بعد ركب الموتو شافتو ملاك بالmecanique تاعو حست بالقحرة تاعو من تحت الكاسك اما هو كان يضحك مش يقحر حلوة هاذي فازت متاعك اعملو كبوس 😂😂 ملاك سرحت بخيالها طول عمرها تحلم باش تكسب كعيبة كيما متع ايمن شافت روحها في حلمة حلو لابسة كاسك راكبة على موطور وتفنتفن بين الكراهب .....وصل ايمن لليسا مشا لمنية
_ مدام بيا
منية _ ايمن ؟؟
ايمن_ هيه انا
منية _ مش صباح بركا خذيت بيا
ايمن _ تي البروف نسا قيد ملاك وانا لا ماشي فيبالو لواحد برك قعدت ابصون(يا حليليف يا ايمون عرف كيفاش يتصرف الوحيد 😂)
منية _ باهي باهي يحرزلك نحبك ونعتبرك كي ولدي بالضبط
ايمن _ يعز مقدارك مدام هي مشيلنا بيا عاد معادش وقت
منية _ شد هاك واخر مرة الجمعة هاذي كانش تليفون سالهادي عندي راو
ايمن _ باهي باهي مدام ..
خرج ظحكة الانتصار على وجهو شاف ملاك داخلة لليسا قعد يتمشى بالشوية لين ملاك وتسنيم خلطو
ملاك_ ياهي فيسع ماخذا بيا كيفاه
تسنيم _ نعرش والله يظهرلي مازال ممشاش جملة لمدام منية
ملاك_ باهي وشتعمل الورقة الصغيرة في يدو يا بقرة
تسنيم_ اه بالحق مركزتش😅 ....مشا ايمن للبيفات لقى عبير
عبير تبوس فيه من خدودو _ ايمون هاك هنا عنا برشا ريناكش
ايمن _ هههه اي ريت الله غالب
هوما هكاك ودخلت ملاك(ملاك ماكنش عينها تدخل اما كي شافتو يحكي مع طفلة وخاصة عبير الي تكرها قصدت تمشي باش تشوف فاش يحكيو .)
شافها ايمن رما علاها المعنى_ اوكا الي نحبوهم منراوهمش برشا والي تكرهو منين تقبل تراه 😑
ملاك فهمتو يحكي علاها غزرت لسامي الي يخدم في البيفات _ سمسوم يا غالي مش قتلك معاش تخلي الطحانة والقحاب تقعدلك في البيفات سامي طرشق بالضحكة _ الله غالب عاد منجم نمنع حد انا صباب ماء عالي يدين
ملاك حسبت روحها تاخو في فلوريدا وايت😂 وهو تغاض عالخر جات خارجة واوب يعكلها بساقيه طاحت جا وجها في الطين الناس الكل تضحك 😂 ملاك فامت وجها طبعة قربتلو نرفزهل كيفاش يضحك بلستهزاء حسبت روحها باش تقضي وقربت وجها مسحتو بمريولو لبيض ولا كلو مطين ايمن يستخايلها شتشري ماء ولا حاجة ستغسل باها وجها ماجاش لبالو باش تعمل الفازة هاكي تنرفز عاللخر
_ علاه ر** هكا المريول
ملاك طفاتو وتعدات للتواليت مع تسنيم غسلت وجها وطلعت للسالا لقاتو قدام السال مريولو مصخ بالطين ظحكت على جنب وجات داخلة
ايمن _ وقف ر**
ملاك بقحرة _ معادش تكفر
ايمن شد من يدها _ شنيا هاذا الي عملتو اه نورمال نتي
ملاك باستفزاز _ههههه نغار اه هيك 2 واحد اكيد انا اثنين مع عملة الصباح هه 😉
دخلت للسال دخل البروف بعد بدرج وهو عاطيه بالظهر جا ايمن شيدخل كلاس كامل يغزر لحالتو ويضحك .
بروف الفلسلفة _ يا ولد شنية هالحالة كنت تفلح ولا شنية
كلهم ضحكو
ايمن حب يقلب الصحن لصالحو قلتلكم زوز حلالف جاو مع بعضهم 😂😂 _ لا ميسيو لقيت العساس ينظف قلت نعونو مسكين راجل كبير ظهرو تو يوجعو ياخي هاو تمسخت مش مشكل كلهم ثلاثة سوايع ونروح
بروف الفلسفة بتبسيمة _ يعطيك الصحة ولدي هاي التلامذة الي لازم نتقيدو باهم ولا لوح ..
دخل كاينو منتصر تعدى غزر لملاك غمزها وهي منرفزة (قلبها لصالحو الحكاية الطحان) قعد وراها هاذيكا هيا البلاصة الوحيدة الفارغة وهيا ماي لتالي 😂 كيف التلامذة الكل ووه 😂
ملاك منرفزة وهو قرب شوية شم ريحتها خدرتو شد روحو ووشوشلها في وذنها _ هوكا 2- 2عاد😉
ملاك سمعتو دارتلو _ مازلت ماريت شي يا ماسط والله منوريك النجزم في القايلة
ضحك ورجع عليها _ ونتي يا فرخة مازال العب تعرفنيش 😉
تسنيم تضحك ملا حالة بيناتهم الزوز حرب اصل 😂
دارو الزوز ركزو مع الدرس الماسط الي يقراو فيه الخصوصية والكونية ملاك نعست سايي عينيها تسكرو رقدت 😂 ايمن حط يدو على خدو اما مركز مع كل حركة تعملها ملاك شافها تشخر حب يعنل فازة تحشمها ماكنتش باينة هيا للبروف اما حب يفضحها
ايمن _ مسيو نسمع في حس خنتوش يشخر بحذايا 😂😅
بروف الفلسفة _ نعم !!
ايمن يفسر ويضحك _ كاينو الطفلة الي قدامي تشخر 😅
تعدى البروف بجنبها شافها راقدة كلاس كامل يضحك عليها تسنيم كانت مركزة مافقتش بيها كيفاه راقدة خاولت تفيقها اما منجمتش ملاك سمعت حس كلاس كامل يضحك بعد سمعت حس البروف يعيط _ ملاك
قامت بفجعة قشعت راسها لتالي بقوة لين ضربت راسها في الحيط
شطر الكلاس _ احيت
ضربة قوية فاقت الي هيا كانت راقدة وتفضحت في الكلاس
ملاك_ امم ميسيو سامحني مريضة والله فيحالة
البروف_ ماك مريضة قعد في داركم حال سبيطار انا هونيا تحبش صحيفة شربة ولا تيزانة
ملاك_ باهي سامحني ميسيو
البروف حقرها ورجع يقري ايمن كتبلها ورقة ولوحهالها فوق طاولتها _ 3-2 ومازال اللعب 😉
ملاك دارتلو لقاتو مكتف يديه وحاط راسو على الطاولة (كيوت برشا❤😂) ..
قعدت تخمم شباش تعمل بعد خذات الورقه الي بعثهالها كمشتها عباتها بالبزاق وخذات الواحد تع السيتيلو دارتلو وضربتو في وجهو بالبلفة جات في عينو .....
شد عينو يحك فاها ملاك _3-3 توة😉
ايمن_ اعمي نمي نتي
ملاك بتوشويش _ وشوية فيك يا هامل 😏
دارت سمعت حس النقوز تع روكرا الاربعة
خرجت تكركر في ساقيها وهو وراها تاليفونو ينوقز ملاك قعدت تسمع فيه فاش يحكي
_ aa mahdouch cv winek hani habetlek ay win nal9ak ok ok ani jey ..
هبطت ملاك للكور شافتها مخلطة بالعباد هي هكاك وجاتها عبير _ ملاك عسلامة
ملاك فوق من قلبها _ سلام😑
عبير _ شنيا متقلناش 😉
ملاك _ على شنية نشالله خير
عبير _ على ايمون وهه
ملاك_ شبي عزاه
عبير _ تي يزينا يزينا فيبالك ماناش شالقين بيك كيفته مضروبة فيه وزيد قبيلا في البيفات وقت عنقتو وفازات
ملاك_ انا عنقتو وقتاش 🤨
عبير _ شنيا نسيت ولا تتبهلل
ملاك _ يظهرلي ريتني شعمتلو مسحت خليفتي في مربولو باش نرجلو الفازة تاعو لا اكثر لا اقل وسامحني مريتش روحك كاش تتقوحب وترمي في روحك عليه تي عايفك الطفل يحكي معاك بالسيف تي قول شكون يحمل منظرك نتي
_ هههه عزيزتي تعرف حاجة وجهك بالطبعة قبيلة ازين وافين ببرشا من توة والله
_انا عالقل حتة كي مسحت وجهي في مريولو قعدت كان الطبعة اما نتي وخيتي كان مسحت وجهك راو لسق الماكياج في مريولو وخرجتلنا كي عم صالح البناي😂
تغاضت عاللخر خلاتها ومشات ملاك كان قاعدة في التورتوار كبتات ايمن يحكي مع طفل (هاذا جاي كالمصفار ولا كيفاش عينيه مارون وشعرو شاتان مسكل كيف ايمن اما ايمن جذاب اكثر بصراحة ...)
تنساوش عاد فوت وكومنتارتكم❤