❤ولد كلاسي❤

❤حلقة6❤

في الصباح ..
.كل واحد من ملاك وايمن تفيق فيه امو كل واحد فيهم منجمش يقوم تاعبين عاالخر معينهومش بالقراية ...قامت ملاك غزرت للمنقالا لقاتها ونص اوهه شاات باش تخلط روتار لقات روحها تلبس على بعضو لقات سروال دجين لبستو وغزرت عالليسار لقات مريول خوها الاكحل دخلتو في السروال ملقاتش الوقت باش تلم شعرها خلاتو مسيب لبست السبادري الي لقاتو قدامها هزت ساكها وخرجت تجري كالعادة في الحومة وقفت تنقز تربط في خيوط سباطها ايمن لمحها من بعيد قعد يثبت كاش تعمل 😂 ركب في الموتو وتعدى حذاها ..
ملاك وهي تجري وتلهث تسمع في صوت شكون_ اي نوصلك
ملاك باستغراب _ شنوا شكون ؟؟
دارت لقاتو ايمن بالفاست كوير تاعو والكاسك
ملاك بعنطزية _نتي
ايمن_ هيا اركب معادش وقت
ملاك _ مهاه معاك نتي منحبش
ايمن _ يزي بلا كسوحية راس ولا تحب بوك ينحيلك الكارت والتاليفون
ملاك بصدمة_ نعم منين تعرفها الحكاية هاذي ؟؟
ايمن_ نسنس عليك 🙄
ملاك_ اكا القحبة عبير ماو 😑
ايمن_ اي 😂هيا اطلع والله لاك باش تخلط وكان تولي القمودي😂
ملاك كالصغار_ مهاه باش تذلني خاطرك
ايمن بهدور ونظرة هبلت ملاك _ اطلع ومنذلكش اني نلعب بشرف وانبليس توة مازالت ما بداتش الحرب تاعنا تبدا في الليسا مع الثمنية غزر لمونقالتو _ وتوة غير درجين
قععدت تخمم بعد قتلو
ملاك_ يحرزلك صبعي تحت الزرسة
ايمن مدلها كاسك وتبسملها _ البس لا نتخذو فيك😂 وكبش فيا مليح
ملاك بفدة _ فماش علاش نكبش فيك🙄
ايمن _ اوموروك انا نصحتك
ايمن دمارا بالقوي لين ملاك لا اراديا كبشت فيه ضحك وبدا يسوق يجري بينات الكراهب ملاك شعرها يتطاير ومغمضة عينيها خافت (تكذب عجبتها ريحتو والركشة 😂) وصلو قدام اليسا حبس ايمن وملاك مازالت مكبش فيه بايدها الزوز ومسكرة عينيها
ايمن يضحك ويبعد في يديها _ ملاك كهو سيب وصلنا راو😂
ملاك حلت عين برك تغزر 😂 _ صار وصلنا 😅
هبطت ريقلت شعرها وعطاتو الكاسك غزرت للمونقالا لقاتها الثمنية غير درج خارج تبسمت بانتصار موصلتش روتار اليون 😂 تحمد في ربي وتشكر ...ايمن حط موطورو في الباركينق ودخل ....
قدام القهوة الي مقابلة الليسا كانت تغزرلهم من بعيد كيفاش ملاك كانت معنقتو ومغمضة عينيها كيفاه هو يضحك وهي كيفاه شايخة كمشت قوبلا القهوة بايديها تغششت ودخلت لليسا باش تبدا يقرا .....في وسط السال بعد ما سلمت ملاك على البنات وقعدت
جا ايمن قعد حذاها في الطاولة
ملاك يحركة غريبة _ تفضل شبي بابا
ايمن_ اغزر تره فما طاولة فارغة بخلاف هاذي
ملاك_ لا ......
ايمن غمزها وعوج فمو _ مالا هاني قعدت 😉
ملاك _ اوفف منك
دخل البروف ساعتين عربية عالصباح 😑..
ايمن يتمنيك عليها _ هلاك
ملاك بقحرة_ شبي بوك
ايمن بظحكة خفيفة _ مش كاينو نسالك مرسي
ملاك تبسمت بسخرية_ قتلكش الي نتي باش تذلني علاها الركبة زايد الي فيه طبة متتخبى
ايمن يضحك_ مااني قتلك مانيش شنذلك اما نورمالمون تقول مرسي عاللقل من باب التربية
ملاك _ ونتي على اساس تفهم في التربية😑
قعد يقحرلها
ملاك حولت عينيها بقلق _اوف باهي برك مرسي ... ايا بلع توة لا ترصيلنا البرة
ايمن _ 3-3 تنساش عاد😉
ملاك _ منسيتش 😉.
بدات ساعتين العربية فدة مش نورمال
...ايمن كان قاعد عاليمين وملاك عالليسار قعدت تثبت في ملامحو عندو حاجة تشبه لعزيز فيه(لاكس تاعها ) يمكن عينيه العسلية حاجة هكا دار على غفلة لقاها تغزرلو
ايمن يضحك وهو يحك في لحيتو غمض عينيه وهوحرك راسو كمكوا يسأل فيها شبيك _ شبيك تبحلقلي 😂 ولا شنية عجبتك
ملاك تحاول تنحي في التوتر تاعها بعد ظحكتلو ضحكة اشتفزازية_ انا نتضرب فيك ؟؟تحلم وقيلا😏
ايمن_ يزينا عاد عينيك فاضحتك
ملاك قحرتلو _ برا برا داوي عيش خويا
ايمن يحب ينرفزها_ باهي سافا اما شبيك دخلت بعضك
هوما هكاك والبروف _ ايمن
ايمن بتملح _ نعم
البروف _ فاش كنت نحكي
ايمن يغزر لملاك المتشمتة فيه _ سلكها توة اي يا سي الراجل
ايمن تبسملها ببونتو ودار البروف_ كنت تحكيلنا عالحضارة البيداغوجية كيفاش اثرت في المغرب العربي وادات لتطور النمذجة الفكرية تاعو ...
البروف رجع يقري عادي بعد تلفت ايمن لملاك غمزها_ شرايك في الراجل 😉
ملاك بتبهنيس_ ووين ترا فيه الراجل ...
ايمن _ احم ايا قيد قيد 3-4
ملاك اكتفات بقحرة وسكتت لازمها ترجعلو فازة قوية ....
نقز نقوز العشرة مشات ملاك لتسنيم باش يخرجو مع بعضهم
تسنيم_ شنيا يا حلوفة جايا مع ايمن ومحملتو وفازات
ملاك_ ماو ماللزز
تسنيم_ زعما😉
ملاك_ سكتش توة والله كيما قتلك هبطلي مالسما وانا جايا روتار ليوم 😑
تسنيم_ امم باهي باهي اخرج نشريو حاجة ناكلوها
في الثنية شافت ملاك ايمن يحكي مع طفلة شعرها اصفر وعينيها زرق وزيد عندها برشا ماتريال 😈...قعدت تغزرلو غارت عاللخر زيد شافتو يمسحلها على شعرها ويمشي معاها (زعما صاحبتو هكا كانت تقول ) .. ايمن كان يحكي مع الطفلة عادي بحكم صحاب عادي اما كي را ملاك خسب روحو يمسح على شعرها ويعامل فيها على اساس هي صاحبتو....
مشات شرات ملاوي وقعدت هيا وتسنيم في الكور عندهم heure creuse ...