❤ولد كلاسي❤

😘❤حلقة38❤😘

الستة قدام اليسا خارجين ملاك وايمن وتسنيم ومهدي
ايمن_ايا حبي هاو الكاسك🤘
ملاك_ امم حبي وكان نروحو على ساقينا
ايمن_اوك مشات معاك كعبورتي
تسنيم _ باردة
مهدي قرست حبي
تسنيم _اي برشا
نحا الفاست تاعو وعطاهالها
ايا اركب اركب نوصلك ..
تسنيم_ اوك
عند ملاك وايمن
يتمشاو بالشوية ملاك_ حبي شو محلاه الطقس
ايمن_ريض ريض لا تمرضلي ترصيلي نعاني فيك 😂
ملاك كصغار الثانية ابتدائي _امان باهي برا اخطاني وبدات تمشي بزربة
ايمن خلط عليها _ يزي يا مهبولة يراني ديما نعاني فيك❤
ملاك_هههه صحيت
ايمن_طلع شتفكرت توا😂
ملاك_شنوا حبي ..
ايمن_تفطرت اكا الحرب الي حليناها اول العام
ملاك_هههه اي حقا وين وصلنا فاها احنا المجزرة هاكي
ايمن عنقها _وصلنا لحبنا هاذا❤
ملاك_ اي صحيح🥰
ايمن_جيعانة حبي
ملاك_اي
ايمن_اللطف يا ربي متشبعش ياخي 😂😕
ملاك_ نقلك حاجة ايمونتي انا جوعي كيما حبي ليك منجمش نشبع منكم وكان نهار شبعت اعرف راني معاش نحبك ❤
ايمن_ههه هيا نمشيو للريستو نتعشاو ونروحو 🤍
ملاك_ يا بالحق ايمونتي
ايمن_وراس حبي ايا اركب اركب
ملاك ركبت وكبشت فيه
ايا اهبط حبي وصلنا
ملاك _ واو🙈
ايمن_هه هاذا من برة راو
الريستو باللوح وفيه اضاءة خافتة وكلو كوبلوات ❤
ايمن جبد كرسي لملاك _ايا حبوبتي 😘
ملاك _عيشلي حبي
كمنداو بيتزا
ملاك وهي تاكل تشوف في زوز بنات يغزر لايمن وخابطين فيه
ايمن شافها كيفاه تغزر دور وجهو للبنات
ملاك بتهديد _ رد بالك ..دور لتالي.. مرةاخرى لا نفسدلك وجهك
ايمن _ هههه علاه
ملاك_ تقوحيب تع بنات
غزرتلهم وشدت يد ايمن وعملتلهم بصوابها بمعني هبط عينيك ..
ايمن في قلبو _ ملا كارثة شتصير تو 😂
هوما هكاك وجات طفلة منهم لابشة قصير وكلشي على برة
الطفلة مشات لايمن_ cc اول مرة نراك هنا
ملاك قامتلها _ هه وانا اول مرة شنضرب طفلة هنا
ايمن عرفها شتلحم قام شد ملاك
الطفلة _ شبيك عزيزتي تي ظاهر يلعب بيك راو وغمزت لايمن
ملاك وهي تحب تضربها وايمن شادها _ تي عاجبتك روحك حاطة زوز كيلو مكياح يززيوني عام ملهط تع وذني
ايمن _ هدي روحك حبي هيا سيب عليك
الطفلة تتجعون _هاو نومرويا كان تحب
ملاك باش تمشي تضربها بعد شافت كاس معبي بالقازوز هزتو وصبتو عليها ..
ملاك تكركر في ايمن وراها
ابمن شاد ضحكتو بالسيف
ملاك قدام الموطور _ ملا قلة حيا
ايمن يضحك من تحت لتحت _ عصابك حبي عاد
ملاك_ ونتي عجبتك اه
ايمن عامل عليها _ اه عندها بدن مش عادي
ملاك قحرتلو _ باههههي اقعد فيها هاني ماشية
ايمن_ لا والله ما صارها ايجا نفذلك عليك
ملاك تمشي ماي قصيرة تضحك وشعرها يطير فيه الريح دارت _ برا ابعدي سي ايمن ومعاش تحكي معايا
ايمن_ يزي يا مهبولة تي تعرف قلبي شفيه
ملاك_ شفيه قلبك منك نسمع
ايمن_ فيه وحدة بهيمة قصيرة اما عسلة وزينة قلبي هي..🔥
ملاك يغيرة _ شكوني الطفلة هاذي
ايمن عنقها وقعد يمشي فيها ...يا ربي هالبهيمة الي نعاني فيها وحدة اسمها ملاك
ملاك _ ههه ماو قول نتي الي في قلبي لواه تصعب فيها
ايمن _ شد الكاسك اي نروح بيك لا ترصيلي ناكل طريحة من عند يوسف ليلة 😂
ملاك_ قول عم يوسف لخرة ...
ايمن _ اي حقا ماو مستدعينا للعشا ليلة حتى عمك هادي وهيام الكل مستدعين
ملاك_ ههه ملا جو
ايمن_ تي بربي وين ترا فيه الجو
ملاك_ باش نتعشاو مع بعضنا
ايمن_ علاه فاش كنا نعملو تو
ملاك _ اي اما انا مكملتش البيتزا تاعي راو
ايمن_ هاو راسي كولو
ملاك_ شخص كان نكلك راسك فيه لحمة تشهي 😂
ايمن_ ههه نولي نخاف على راسي منك مالا 😂 اي هيا نمشيو هيا ..
ركبو عالموتو
قدام دار ملاك
ايمن _ اي اهبط عجبتك الركشة 😂
ملاك _ هههه اي والله
دقو الباب ودخلو لقاو العايلة كلها تتعشا
يوسف _ وينكم لتوا نتم
ملاك _ كنا نعملو في فيدونج للموتو تع ايمن حبس بينا في الثنية
يوسف _ اه باهي
امير ياكل سارح مش هنا
خديجة _ ملوكة وينك شنحوالك
ملاك_ واللهي هاني تتا وينك نتي شنحوالك
خديجة _ لطف يا بنيتي لانهار تجي تعمل طلة عليا
ايمن يتبسم تحت حس مس
ملاك_ ههه باهي خدوج تو نولي نجي نطل عليك تتغشش علينا بركا 😂
حسنة _ ايجاو اقعدو هيا
جاو بجنب بعضهم ..
هيام _ اه شعاملين في الباك شهر اخر عاد يبدا كلشي
الهادي _ اي بالحق سافا القراية
ملاك وهي تاكل _ اي سافا عم الهادي اصلا يوسوفي ماهوش مخلي دقيقة مهوش مفكرني بيه الباك ..
يوسف_ اه كهو كلشي في بلاصتو عاد
حسنة _ اي اخطاوهم مالقراية توة كولو كولو ايمن نزيدك لازانيا
ايمن_ واللهي تعمل مزية
ملاك _ ماما انا زادة زيدني
حسنة _ باهي هاتو صحنكم نصبلكم
ملاك تغزر لعينين ايمن الي تغزرلها ..هيام فايقة بالنظرات والفازات وساعات تغزر لامير من تحت لتحت .. امير مخنوق فادد ماو متعارك مع لينا متوحشها عاللخر الفرخة ..
قامو مالعشا قعدو عايلة ايمن شويا في الصالة بعد روحو ...
في الليل ..ملاك تقرى تاليفونها نقز ..
شافت اسم البوقوص تبسمت _ اهلا بروحي ..
_ روح روحها
_ شتعمل يا هامل
_ هاها طل مالشباك
_ دنيا بارة حبي شباش يقومني
_ هيا عاد يزي مالدلول توحشت صغرونتي انا..
_ اف الصبر حطت الكابيش على راسها حلت البورتفيناتر ..هزت راسها لقاتو قاعد بسيرفيتمون شعرو يطير فيه الريح يتكيف بيد وشاد تالفون بيد ... ملاك لابسة بيجاما كالسون نوار وكابيش حمرة مصور فيها كلب سكوبي دو ... شعرها مسيب ...
ايمن _ محلا زينك
ملاك _ هه ونتي خايب
ايمن _ بالاهي 😒
ملاك _ نفذلك نفذلك يا بوقوص نتي
ايمن _ شكنت تعمل
ملاك _ كنت نخدم في شويةcomplexe
ايمن _ التريميسة ثانية قريب توفا بعد بجمعة الباك بلون زحح
ملاك _ هدي روحك حبيبي نورمال هوا عنا موايان باهية وسط العام
ايمن _ تعرف لتو ماني مصدق الي وليت نجيب في ال13 وال14 moyenne والله
ملاك _ هههه ماو انا وتسنيم جيبناكم للثنية نتي وصاحبك الخامج
ايمن _ ايه الحب يعمل حنين مثلا عمرها لحببتني في الدنيا هكا ..
ملاك _ حنين شكون حنين ؟؟
ايمن عرف الي هو زرف ماغير ما يشعر _ تي لاكس تاعي تيه حكاية ووفات عندها قرون ..
ملاك مكبشتش برشا خاطر عندها ثيقة فيه وتعرفو يحبها _ امم حبي
_ نعم يا روحي
_ عندي احساس غريب
_ ههه شنوا ديما باحاسيسك نتي 😂😂
_ ايمن
_ روح ايمن
_ ماناش شنتفارقو ماو
_ مستحيل نبعد عليك روحي نتي
_ نحبك برشا انا
_ نعشق في ر** يا طفلة❤
_ غدوة ستانني قدام دارنا الصباح نمشيو مع بعضنا
_ على ساقينا ولا على الموتو
_ على ساقينا
_ ههه باهي جيب سحابة باش منترنخوش
_ ههههه باهي حبي اي احلام سعيدة
ايمن _ ارمي بوسة سع
رماتلو بوسة ضحكتلو ودخلت ترمات في الفرش عنقت مخدتها تتبسم لعينيها ...
هو سكر منها قعد في البركون يكمل في السيقارو ...
ايمن ( ايمن شنوة حكايتك تو ملاك الطفلة الي تعشقها معاك شبيك تخمم في حنين تي حنين خلاتك ومشات راهي متستاهلش ملاك انك تخمم في وحدة خلاتك على خاطر مصالحها ... تي فاش نخرم انا اكيد ملاك روحي ومستحيل هاكالقحبة توصل لظفرها ) طفا السيقارو بغل تلوح عالفرش غمض عينيه ورقد ..
مهدي _ اهبطلي يا منظر
تسنيم طل عليه مالشباك _ يا ولدي لا تو بابا يفيق
مهدي _ يا تهبط يا ندق الباب وندخل راو ..
تسنيم _ لا لا باهي هاني جاية لطف منك..
هبطت على طراطش صوابعها ...
حلت الباب لقاتو قدامها
تسنيم بتوشويش _ احكي فيسع شبيك ..
مهدي _ توحشتك
تسنيم _ مهبط والديا في البرد شتقلي توحشتك
مهدي _ تؤ تؤ حبيت نشوف وجهك قبل ما نرقد ..
تسنيم _ امم حتانة تو كنت شنطلبك ..
مهدي _ ههه هاني بكلي قدامك يا نور عيني ..
تسنيم _ نحبك ..
مهدي _ يا عيني على عيني😂🤤
تسنيم _ يزي بلا ركاكة عاد
مهدي _ نحبك انا زادة
تسنيم سمعت صوت حد يمشي _ ايا برا برا لانتباصاو
مهدي _ باهي هات بوسة
قربت عطاتو بوسة في خدو _ ايا تير توا
مهدي _ ههه هاني طاير بوسلي نسيبي كان طلع هوا الي حرم😂
تسنيم _ يحرم جلدك نشالله😂😂
مهدي _ على خير الحب
تسنيم على خير..
لينا _ يا عيني يا عيني مرندفين فم الباب متحشموش
تسنيم _ افف خراك فجعتني نسخايلك بابا ..
لينا _ هيا هيا ندخلو لبيتنا سع واحكيلي على مهدوش ..
تسنيم _ ههه باهي هيا ..
دخلو لبيتهم ..
تسنيم _ ستنا شبيك فايقة لتوا نتي
لينا _ منجمتش نرقد موجوعة
تسنيم _ سملا على اختي شبي روحي
لينا _ امير
تسنيم _ لتوا متعاركين
لينا _ معاش حكا معايا جملا وديما مع هيام اخت ايمن في اليسا وانا مطفيني جملا ...
تسنيم _ نتي زادة ياسر كبرت راسك عليه
لينا _ مفيباليش بروحي نحبو هكا ..
تسنيم _ ههه تعرف انا ومهدي كنا ديما نتعاركو ومنحملوش بعضنا جملا وشوف هاو توا برك كان يعيطلي الخب وجونا احلى جو ..
لينا _ اما انا وامير منيش كيفك نتي ومهدي ..احنا دخلت بيناتنا طفلة تو
تسنيم _ منظنش يا بنتي وهيام اكبر منو ...
لينا _ لا قدو نسيت الي امير مدوبل ..
تسنيم _ تو كلشي يتصلح وزيد اتهنا امير يحبك نتي مهوش شيغزر للهيام ولا لغيرك ..
لينا_ زعما
_ وراس حبي الزينة ..
لينا _ اوك بونوي طفي الفايوز بب
تسنيم _ باهي اي ...
فوت وكونتار ❤❤❤❤🔥😍