في بحر عينيك

Part 1

_في بحر عينيك

بقلم/غدير العلي
__________________________

_مامااا
اجتي امي تركض عبالهة بيه شي

_ها ولج ييمه شبيج

باوعتلهة واحس راح انكتل

_ههه لا ماما مبيه بس ردت اكلج راح اطلع للدوام
خطية خلت ايدهة على كلبهة

_صدك تحجين يمه وكفتي گلبي

_شو كلشي مابيج لتخافين يلا رايحة اني باي

اجتي وراي تسد الباب وهي توصيني

__اقري الاسئلة زين وديربالج تستعجلين و لا تخافين
انتي قارية راح جاوبين

هزيتلهة راسي وطلعت امشي للمدرسة

اليوم عندي امتحان اكثر مادة عندي تعقيد منهة وهي الرياضيات
مريت بالطريق على زمن صديقتي
طلعتلي وهيه تضحك عكسي تماماً

_ها ولج شو وجهج ميكصه السيف

_اسكتي زمن اليوم بالليل ماما تريد تاخذني وياهة لبيت جدو

_اي واذا

_هو شنو اي واذا تدرين بيت جدو شلون ميطيقوني بنات خوالي من يشوفوني بدهم ياكلوني و الولد خليهم سكته يباوعولي عبالك استغفر الله وحدة مو شريفة

_ عود ليش كل هذا

_مادري واستلمي اليوم راح يجي ابن خالي الي صارله 4 سنوات بالخارج بله نشوف المصيبه الجديدة
_يلا يمعودة غلسي عنهم

_اشووف

_لعد و ولد خالج محمد

_بس همه الوحيدين الي وياي

_الله كريم يلا وصلنه
_دخلنه للصف جان ثاني درس الامتحان بدينه الامتحان وطبعا الاسئلة من غير كوكب بس جاوبت على كد الاعرفة و خلص الدوام
_يلا زمون نطلع

_ديلا امشي ولجج يمه هاي منين جايبه الاسئلة منين من زحل لو منين بالضبط
رجعنه للبيت وست زمن اخذت الطريق كله ادردم على الاسئلة

_خبب كافيي سطرتيني

_اندري شجاوب حضرة الوالدة و هيه راح الكاها واكفتلي بالباب
عفتهة تحجي وحدهة
رجعت للبيت كبل للفراش نمت و وراي كعدة اتحضر للروحة ..

كعدت على صوت ماما و هي تكعدني

_يلا لماره يمه اكعدي يلا لعد شوكت تبدلين

_باوعت على الساعة ب4 و احنه نروح ب7 كمت اكلت و عزلت كتبي لان اخر امتحان اليوم امتحنته بعد عطلة عندي
باوعت صارت الساعة ب6 كمت البس ملابسي
وكفت كدام المرايا و اني البس بحجابي صفنت على وجهي

_اني لمار الي طول عمرهة معاجبهة اسمهة و احس عندي عقدة منه عايشه حياتي عادية صحيح بيهة بعض الاكشن عندي صديقة وحيدة و هي زمن صديقة من الابتدائية جنت اعاني من التنمر طبعي جان ضعيفة الشخصية بنيه صغيرة لا تعرف تدافع عن نفسهة و لا تكدر تحجي شي من يتنمرون عليهة بس زمن جانت هيه الي تدافعلي اكره شكلي بسبب شغلة وهي الطبرة الخفيفية الي بحاجبي دفعني شخص واني جنت صغيرة و هل شخص من هل دفعة حسيته دمر حياتي كلهة عشت وحدي ماعندي اخوات بس اخ واحد باسل
وبعد مصار عند بابا وماما غيرنه

لمار:باوعت وجهي شاحب واحس مشبعت نوم خليت شوي مكياج خفيف كلش و كعدت انتظر بابا حتى يوصلنه

ماما باوعتلي وكالت
_ماما لمار حبيبتي روحي خففي الي بوجهج ليشوفوج بيت جدج و يبقون يحجون

لمار: بابا قابل على الي بوجهي و بعدين بيت جدو الى متى يبقون يحجون ملييت
عفتهة و كمت بغرفتي انتظر بابا
اجه بابا و وصلنه لبيت جدو

_وكفت بالباب واخذت نفس حتى اتحظر للكلام الي مثل السم

دخلت جوة وشفت شخص تمنيت بحياتي ما شوفة ..

سلام هذا اول بارت من قصتي هاي اول قصه اكتبها اتمنى تعجبكم♥♥