في بحر عينيك

Part 26

-في بحر عينيك
بقلم/ غدير العلي
__________________

يـڪول"
الحسـرة البكـلبي بعـد مابيه أضـمها
يـمته اشيل ب أيدي طـفلة؟ وانتي امها♥
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

"بعد مرور شهرين"

كاعدة احظر بالريوك وعيني على الدرج ابتسمت من شفتهم نازلين ثنينهم والفرحة مرسومة على ملامحهم ماما كامت تلكتهم

-يمه هلا بالعرسان

باسل باس راس ماما وبابا وصبا سلمت عليهم كعد باسل يسولف وية بابا وصبا اجتني ركض للمطبخ حظنتني

-لمار:هلاا بعروستنه شلونهة اليوم

جاوبتني وهيه الفرح مبين على وجهة

-لماار طايرة من الفرح ما توقعت يجي يووم ونصير اني وباسل لبعض

-حبيبتي ان شاء الله دوم الفرح عاد اخوي هم طاير

-اووف بس مشتاقة لاهلي ما عبالك صار يومين مفاركتهم عبالك سنتين

-شنسوي بابا عزمهم اليوم بس اخووج مارضة كال ورة السبعة احسن

-صبا:صدك ولج على طاري اخوي شلونهة علاقتكم

-الحمدلله زينين

-صبا:راح تضلين هيج كل ما يريد يخطبج تأجليهة اقبلي شوفي هسه فرحتي من صرنه سوة اني و ان شاء الله اضعاف هاي الفرحة تصيرلج

واحنه جاي نسولف اجت امي

-ها بناتي ما كملتن

-صبا:عمه كملنه هسه نجيبه

راحت امي جاي اشيل وية صبا وخابرتني زمن

-لمار:هههه خابرتني المختوبة

-ولج هاي من تزوج شلون هسه وخابصتنه

-هههههه اخذي الماعين الباقية راح اصعد احاجيهة

-صبا:ما تتريكين

-لا ما اريد

-ماشي روحي

اخذت موبايلي وصعدت رجعت خابرت عليهة شويه وردت عليه

-لمار:شلونهةة المختوبه

-الحمدلله بنص الخيرر

-مبين من صوتج بنص الخير

-لان جنت احجي وية حبيبي

-شلونه حبيبج

-هم بنص الخير

-لمار:شعجب مخابرتني من الصباحيات

-جنت افكر بشغلة

-لمار:وهي؟؟

-زمن:كلنه انخطبنه حتى قمر وسارة قبل اسبوع ومدري شكد صارت خطبتهن و صبا ازوجت

-لمار:والمطلوب

-زمن:حتى اياد يدري بموضوعج انتي وبحر ما بقى واحد بالبيت مايدري الكل عرف بحبج انتي وبحر اريد افتهم ليش الولد كل ما يكلج اجي اخطبج ترفضين