في بحر عينيك
بقلم/غدير العلي
_____________________
باسل:بس اريد افتهم ليش هلكد رافضه والله اعيشج احسن عيشة اذا على الدراسة حاليا بس خطوبه و وقت تكملين السادس يله نزوج واذا تردين نزوج قبل السادس حتى اساعدج بالدراسة هم موافق بس فكري لا ترفضين
صبا:باسل فدوة لا تلح عليه ما اريد الزواج هسه
باسل:ما تردين الزواج لو ما ترديني
صبا:فكرة الزواج رافضتهة
باسل:اخذ نفس و دنك راسة::هاهيه براحتج رايح اشغل السيارة صيحي لمار خلي نروح
صبا:لمار
لمار:سمعت صوت صبا التفت و رحت يمهة شفتهة حيل ضايجة و الدمعة بعينهة::صبا ش
صبا:لمار لدوة لا تسأليني أي شي مابيه حيل حتى اجاوب
لمار:باسل وين
صبا:راح لبسيارة يشغلهة حتى نروح امشي
لمار:ماشي رحنه صعدت اني كدام يم باسل جان ضايج حيل و احس ملامحة مو ملامح عصبيه لا ملامح خذلان ما اعرف بشنو حجوا حتى هيج ضايجين رجعنه للبيت صبا بسرعة ركضت لفوك و اني نزلت لكيتهم كلهم كاعدين بالصالة بس سارة و قمر و امهن ماكو
_سلام عليكم
_وعليكم السلام
باسل:يمه حظري كلشي باجر الصبح نتوكل
الحجي:وين جدي رايحين
باسل:جدي باجر لازم ارجع عندي شغل
ابو بحر:يابه اتغدوا هنا وتوكلوا
باسل:لا خالي مو
بحر:لا تعاند باسل صحيح حجي ابوي تغدوا وراهة تروح تكمل شغلك
باسل:هزيت راسي ::بحر غرفتك مفتوحة
بحر:اي
باسل:صاعد انام اني تصبحون على خير
_وانته من اهل الخير
لمار:رحت كعدت صار بحر كبالي من باوعتله تذكرت سالفة الاتصال
بحر:عباس
عباس:ها خويه
بحر:اخوك بعدة ما راجع
عباس:لا والله بعدة
بحر:الساعة راح تصير ب12
عباس:خابرته و ما رد
بحر:وظافر موجود
خالد:هو وامير طالعين سوة
بحر:طلعاتهم ما مرتاحلهة
قاسم:بحر عمي خليهم شباب و من حقهم يتونسون
بحر:عمي متأكد من ورة ونستهم راح تجيكم مصايب
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
