في بحر عينيك

Part 4

-في بحر عينيك

بقلم/غدير العلي
__________________________

لمار:بسرعة باوعت على خالد جان يبتسم بخبث و هو رافع حاجبه خليت وكمت صعدت لغرفتي

ابو باسل:والله يا خويه لو بيدي اكلك كبعهة واخذهة بس بعد لازم ناخذ رأيي البنيه كومي ام باسل شوفي البنيه شتكول

امجد:خويه خليهة تأخذ راحتهة بالتفكير شوكت متردون خبر ردوا بس ان شاء الله متردني

لمار:خابرت زمن بقى يدك شوي يلا جاوبت

_هلاا لمارة

_ولج يا هلا مصيبه وكعت على راسي

_شكو شبيج

_اجه خالو امجدو طلبني لخالد

_صدككك تحجين

_اي والله زمن فدوة شسوي

_يعني شتسوين شبيج لمار ارفضي

_بس ما اعتقد بابا راح يرد خالو امجد

_وليش بله ميردة

_لج نسيتي شلون بيت جدي عافوا ابوي وحدة و خالو امجد هو الي وكف ويا و زوجة ماما اصلا هم صحبه من الصغر

_اي حتى لو هو صديقة انتي بنته واكيد مراح يجبرج

_مادري بعد

_اسمعي هسه ماما جاي تصيح عليه بس يحاجيج ابوج ترجعين تتصلين بيه و تكوليلي على كلشي

_ماشي
سديته من زمن و تمددت على جربايتي سمعت هوسه جوة يمكن بيت خالو امجد راحوا خليت وغطيت حتى وجهي سويت نفسي نايمه بابا صح عليه و مرديت
تعبت خليت ونمت

كعدت باوعت الساعة ب8الصبح اليوم كاعدة من وكت لان نمت من وكت كمت غسلت وحرت هسه شينزلني لان اكيد بابا راح يحاجيني

لمار:بقيت كاعدة لحد9ونص متت جوع ف كلت خلي انزل نزلت لكيتهم كاعد ياكلون

_صباح الخير

_الكل:صباح النور

_ابو باسل:هلا بحبيبه ابوهة الكبرانه وصايرة الناس تخطبهة

_دنكت ومجاوبته

_ابو باسل:بابا لمارة كملي اكلج و تعاي وراي للغرفة اريد احاجيج

لمار:ماشي بابا
بقيت اجرجر بالاكل بالكوة كملت ورحت ورة بابا
دكيت الباب

_ابو باسل:تعاي بابا ادخلي

_اجيت وكعدت يمه

_بابا لماره تدرين جيته خالج لبارحة سببهة شنو؟

_اي بابا

_وشتكولين

_بابا ماريد

_ليش حبيبتي

_بسرعة نزلت دموعي
الظاهر مستثقل كعدتي يمك

_لمارر بابا شهل حجي بس ردتج تفكرين لان ابن خالج تقدملج

_واني ماريد

_هاهيه حبيبتي براحتج
عفته ورحت مرتاحة لان جنت متوقعة يجبرني بس الحمدلله خابرت زمن وحجيتلهة كلشي

_زمن: الحمدلله لعد شبيج اجيتي تبجين قبل شوي

_كلت احتمال يجبرني بس الحمدلله تفهم الموضوع

_اكيد مراح يجبرج واصلا بعدج انتي كل عمرج هو 16 سنه

_لج بيت جدي عدهم ال16 جبيرة وحق زواج

_همه هذول بيت جدج متخلفين

_هههههه كلش يلا حب اني رايحة اساعد ماما بالغدة

_الله وياج حب

نزلت ساعدت ماما بالطبخ و حضرنه الغدة جان عليه ترتيب السفرة رتبتهة وكعدنه ناكل اجت اشعارت هواي على موبايلي بس جاي اكل ماكدر اشوفة

_باسل:شنو السالفة

_يمكن زمن دزتلي صور الحفلة البارحة جان عدهم حفلة

_شوي وكمنه ساعدت ماما بغسل الماعين و كعدنه اني وباسل نشوف فلم شوي واجه اشعار على تليفوني
خرب نسيتهة خلي اشوف زمن

_فتحت الموبايل شفت الرسائل وصكيت بمكاني

يتبع...