في بحر عينيك

Part 25

-في بحر عينيك

بقلم/غدير العلي
_________________

صحيت على احد يكعد بيه باوعت لكيتهة صبا

-صبا:يلة عاد شني السالفة ساعة يلة تكعدين

-بيش الساعة

-والله ما ادري بس كلت اكعدج حتى ننزل

كمت واني جسمي متكسر من النومة رحت غسلت واخذت ملابس من صبا بدلنه و نزلنه كالعادة الكل كاعد ما عدة جدو وخوالي ما موجودين

-صباح الخير

-صباح النور

كعدنه شويه جوة اجو الولد بس انتبهت هو ماكو

-ام بحر:يمه جا اخوكم وين

-زين:هو اخونه باقي يصفن اليوم رحت اكعدة كال عوفني شويه وانزل

-الحجيه:عبااس

-ها بيبي

-خويلد و جماعتة يمته يردون

-اليوم الظهر يرجعون

-اكلج

-ام خالد:ها عمه

-حظرتي كلشي

-اي كلشي جاهز

-جا خوش

اشرت لصبا نكوم و قمر وسارة اجن ورانه سون الريوك اليوم مدري شعجب هادئات ما حجن أي شي باوعت لصبا وهي تأشرلي شكو تقرب يمهة وهمست

-هذن شعجب اليوم هلكد هادئات

-علمي علمج اني هم مستغربة

-بس اكيد وراهن شي

-شنسوي يمعودة مليت اني والله امشي نودي المواعين

كملنه الريوك خليناه بالصالة التم الكل كعد ياكل و حبيب يشاقي بعباس ما يخلي ياكل بالاخير عاط بي

-عباس:ولكك كاافي عوفني اتزقنبب

-كلهة ازوجت انته شوكت تزوج

-عباس:من تزوج انته وعوفني اريد اكل حتى اولي

-وين تولي

-شعلييك

-الحجيه:ولكم كافي مناكر اكلوا واسكتوا وانته حبيب اخوك ليش ما نزل ياكل

-بيبي شنسويلة ما يقبل يكعد تلكينه بعدة نايم

-ام باسل:يمه لمارة اكلي وكملي واصعدي بدلي ملابسج ساعة هيج و يجينه اخوج

-ماشي ماما

كملنه اكل وصعدت اني وصبا فوك لغرفتهة قبل لا ادخل بقيت اباوع على غرفته معقولة لحد هسه نايم

-لمار يله حظررت ملابسج

-اجيت

دخلت للغرفة بدلت عدلت وجهي و شالي