_في بحر عينيك
بقلم/غدير العلي
__________________________
اباوعلة واني مصدومة من كلامه
بحر:ليش هيج تباوعيلي
لمار:انته منو كلك بيناتنه علاقة اني و خالد
جان يشرب الجاي و يباوعلي و هو عاكد حواجبه
بحر:مبين عليكم
_انيي وخالد ما بيناتنه أي شي و كول للي يوصلك الاخبار خلي يتأكد من اخبارة يله ينشرهن
_شجاي تحجين انتي
مرديت عليه خليت و نزلت ركض متأكدة قمر الكالتله يعني مادام هل شي صار على لسان قمر الخبر راح ينتشر عند العشيرة كلهة
لمار:بابا شوكت نروح صارت ب4ونص
ابو باسل:يلا يابه ما عدنا شي احنا نترخص
_طلعنه واني صافنه حسيت على صوت باسل
باسل:يلاا لمار شنو السالفة صارلي ساعة فاتحلج الباب اصعدي
لمار:اسفة ممنتبهة
صعدت و بالسيارة رجعت على نفس صفنتي و تفكيري يارب كون مينتشر هل كلام
الطريق كله باسل يسولف وياي هو و بابا واني بس اهز براسي بدون ما افتهم اصلا شيحجون
باسل:لمااار ولج شني السالفة امسلت وحدي
لمار:باسل دايخة والله أجل سوالفك
ابو باسل:ولك عوف اختك دوختهة
باسل:يلا عيني هسه شحجينه ويه الاميرة نامي عيني نامي بلكي ترتاحين لا حظرة الوالد يسوي حادث لان ست لمارة ممرتاحة
ضحكت على تصنيفه نمت تقريبا نص ساعة و كعدني باسل وصلنه صعدت لغرفتي سبحت و لبست ملابس خفيفة للنوم لزمت موبايلي شوي و باوعت ب7 كلت اخابر زمن
_زمن:هلا بالمختفية
لمار:خليهة سكته
زمن:شبيج
لمار:ما ادري بس قلقانه كلش احس راح يصير شي موزين
زمن:خايبه دكعدي كل ما تكولين احس يصير شي تصيرلنه كارثة
لمار:بلكي مجرد احساس
زمن:انشاءالله وبعدين عيني مو مغلسه ترا بس باجر عطلة حتى نبدي دوام
لمار:اهوو هسه ارتاحينه هل فترة
زمن:يمكن صح اني ارتاحيت لان دحت هل فترة اله انتي مكضيتهة عزومات مدري عوازم
_عوازم شنو
زمن:هسه دخلي اكمل يلا تعلقين
_كملي
زمن:اي مكضيتهة عزومات عند بيت جدج و بين خويلد الحقير و قمر ال**
لمار:لج عزة من شوكت تلفضين هيج الفاظ طاح حظج اي والله
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
