_في بحر عينيك
بقلم/غدير العلي
__________________________
_فزيت على جكه بايدي باوعت لكيت ممرضة تشدلي كانونه
ميار:شصار
باوعتلي وابتسمت
_ماكو شي حبيبتي اهلج برة هسه ابلغهم يجوج
شدتلي كانونه و طلعت شوي ودخلو اهلي وياهم خالة وبحر
ام باسل:ولج ليش هيج يمه ليش ما تاكلين اله تتخربطين يله ترتاحين
ابو باسل:بابا ليش ما كتيلي اخذج للدكتور اول ما اجيتي وجان وجهج اصفر
باسل:يابه عوفونه من هل حجي هسه المهم هيه زينه لا تضغطون عليهة عوفوهة
_كل هل حجي واني صافنه بالكانونه رفعت راسي شفت بحر كبالي واكف وايدة على لحيته يباوعلي و هو مضيك عيونه حتى خوفني
_بحر:الحمدلله على سلامتج لمارة
_الله يسلمك
ام بحر:خالة والله خفنه عليج
لمار:اسفة خالة قلقتكم بس جنت تعبانه و ما عبالي راح اوكع هيج
ام بحر:يلا يمه اهم شي انتي بخير وسلامه
_اجت الممرضة شافت المغذي مخلص كالت تكدرون طلعوها اجه باسل حتى يسندني بس طخ الكانونه لان جانت بعدهة بايدي انسحنت روحي من الوجع
بحر:يواشك بويه ويه البنيه
باسل:ما انتبهت يلا اكومج
_جاي احاجي باسل و ما احس اله بحر اجه هو كومني
اهلي سكتوا محجوا نمشي ببطئ لان مابيه حيل امشي
تقرب مني بحر وهمس بأذني
بحر:اذا مابيج تمشين خليني اشيلج
لمار:لا لا عادي اكدر امشي
بحر:براحتج
رجعنه للبيت وجان بحر جايبنه كلنه بسيارته رجعنه و هو جان يسوق عدل المرايا صارت كلش عليه رغم الطريق مو بعيد بس بالكوة خلص كل ما ارفع راسي الكه عيونه عليه وصلنه و راد يطلع كبل بحر لبيتهم
بس بابا ما قبل
ابو باسل:عمي صدك تحجي رايح الساعة ب12 و الطريق ساعة كاملة
بحر:عادي عمي واذا ساعة
ابو باسل:بوويه اتصل على مديرك وكله باجر ما اكدر اداوم صار عندي ظرف
_بحر راد يحجي بس بابا كاله والله ازعل عليك اذا رحت عاد هو سكت و خابر مديرة اصر عليه يله اخذ اجازة كعدنه كلنه سوه جوة ماما فرشت الهة و لخالة بالاستقبال و بحر ينام يم باسل
_شويه و ترخصت منهم و صعدت انام لان نعست
فزييت على حلم فضيع شكد ما اكول انو خفت ما اوصف احساسي بذيج اللحظة من الخوف رحت ركض جوة دخلت للمطبخ شغلت الضوة و كعدت على الميز مال طعام واني اتراجف
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
