في بحر عينيك

بارت صغنون🤎🫂

لمار:يله يا ماما دلبسي هسه ملابسج

موج:يعني هسه احنه رايحين لبيت حسوني

ضحكت على كلمتها وهاي هيه صديقة حسن ابن باسل كل ما نريد نروح لأهلي وكالت نروح لبيت حسوني اجت اخذت فستانها مني وهيه فرحانه تلبس بيه

-مو هيج حبيبتي اوكفي اساعدج

-لا اليد اني البس

وهاي الست كبرت وصار عمرها سبع سنوات وبعدهي نص الكلمات ما تلفظهن صحيح سمعت صوت استاذ أديب اليوم كاعد مطنكر وبس يبجي رحت شلته من سريرة

-ها يا روح امك ليش هيج تبجي

-موج:يعني شني تردينه يجاوبج هذا القرود

-اسكتي ولج شهاللسان

-شووكتتت يجييي بابا

خليت اديب ؏ سريرة ووقفت كدامهة كبرانه وصار لسانها لسان دلالة

-لمار:ماما هسه انتِ ليش تصيحين

-اليد بابا

-مو خابرنا بابا وكال شوية ويجي

-اي بس اتأخر

-لمار:اكو صوت جوة روحي شوفي يمكن بابا

تخوصرت كدامي وهيه تباوعلي

-موج:واذا طلع مو هو

-انتظري جوة يم بيبي بين ما ابدل لاخوج واجي

-اوككييي

سديت اذاني وركضت عليهة بسرعة راحت تركض وتضحك

-لمار:؏ كيفج لا توكعيين

اسمع ضحكتها واني مبتسمه حبيبة امها ام السان الحلو رحت لاديب بدلتلة وكملت  بقيت اني حايرة شلبس نزلت جوة وأخذت أديب وياية

-صباح الخير خالة

-هلا يمه صباح النور

-بحر بعدة ما جاي؟

-اي بعدة

-وام السان وين

-ههههههه منية موجة

-اي هيه اليوم اكلتني اكل بلسانها

-ام بحر:فدوة لعمرها وين يعني يم صديقها عباس

-ههههههه هم راحتلة

-اي واكفين بالباب ثنينهم

-زين خالة خلي اديب يمج شوية بين ما ابدل

-روحي يمه وجيبي يم بيبتة يمه شبيه اليوم مطنكر

-هههههه اي اليوم كُلش

صعدت فوك ع السريع ادور بملابسي طلعتلي فستان بسيط وشال شمرتهم ؏ السرير ركضت دخلت للحمام غسلت وفرشت اسناني وطلعت واني مستعجلة ارتب واعدل سمعت صوت الباب دخل بحر

-بحر:ها رويحتي شو مخبوصة شعدج

-ها حبيبي بس اريد ابدل غير نروح