في بحر عينيك

Part 7

_في بحر عينيك

بقلم/غدير العلي
__________________________

نزل خالد من السيارة واني مدري شصار بيه اطرافي بقت ترعش تقدم عليه واني درت وجهي اباوع الشارع فارغ لان جانت دنيا ظهر

لمار:خخ خالد وخر شتريد مني

خالد:تؤ تؤ هاي شبيج جاي نحجي شويه

_ما اريد احجي وخر مني

_خالد:غيري تنطيهم وقتج و تحجين بس خالد لا مو

ميار:ما حاجيه ويه احد وكاافي بعد عني

_لا لمار شهل جذب هذا ما حاجيه ويه احد شنو

_اي محاجيه
بقى يتقرب اكثر و اني ابتعد

_خالد:اسمعي يا حلوة راح ارجع اتقدملج واريد اشوفج مموافقه حتى ساعتهة تودعين

لمار:يا اخيي شتريد مني اعتقنيي مليت منكم كلكم معاديني ليشش كافي عبالك ما ادري بسوالفك القذرة كل يوم ويه بنيه جديدة و

جاي احجي لزمني من ايدي وخلة ايدة على حلكي

خالد:اشش حسج ما اسمعة واذا كل يوم ويه بنيه تقبلين بيه وانتي الممنونه بس اقبلي راح اترك البنات و وعد اعيشج ملكه بس اقبلي

وخر ايدة من حكلي دفعته و صرت على جهةة

لمار:ههه ترة ذيل الجلب ما ينعدل يعني عبالك راح اصدك هاي كلمتك مال تعوف البنات ادري بيك مستحيل تعوف هذا الطريق و تحلم يا خالد تحلم اوافق وننجمع اني وياك

تقرب راد يلزم ايدي مرة ثانيه دفعته و رحت اركض للبيت رجعت الحجاب متخربط و جنطتي بأيدي شفت اهلي كاعدين بالصالة باوعولي بأستغراب

ام باسل:هاي شبيج ماما شصاير بحالج

باسل:خيير لمار احد راكض وراج شنو

راد يطلع برة حتى يشوف بس اشرتله بسرعة براسي احس حتى صوتي ما اكدر احجي فحطانه من الركض
ماما بسرعة راحت جابتلي مي شربته وكعدت بالكوة ارد انفاسي

لمار:لا لا مابيه شي ب بس شفت جلب وخفت بقيت اركض

ابو باسل:صدك تحجين بنيتي ليش ركضتي بله وكعتي وصار بيج شي

ام باسل:هسه عوفوهة ترتاح كومي بنتي بدلي ملابسج وتعاي تتغدين

لمار:لا ماما ماريد بس اريد انام شوي وفدوة لحد يكعدني

_براحتج

صعدت فوك بدلت وشكد حاولت انام ما كدرت اليوم صارت بيه هبطة من ورة هذا و اديه لحد الان ترجف من الموقف  لزمت الموبايل كلت اسولف لزمن بس بسرعة ذبيته راح تبقى تسألني واني مابيه حيل حتى اجاوبهة بالاخير استسلمت ونمت

..................................................

_صباا ماما وينج

_ها ماما