لا تنسون التصويت+تعليق+متابعة للحساب
" وتكَطع عَلينة الهِوا عود انت تهوَانه ؟
احبكمم🤎
_______________
صافن عليه ما انطه أي ردة فعل غير صفنته بوجهي خفت وكلت خاف يعصب كام يفتر بالغرفة و كلشوي يستغفر ويمسح بوجهة بالاخير اخذلة نفس طوويل وراح للجنطة سحب تراك منهة ودار وجهة يريد يروح صحت عليه
-لمار:دقيقة بحر وين رايح؟
اخذلة نفس وزفرة
-بحر:رايح ابدل لان الضاهر ليلتنه طويلة خليني ارتاح حتى نكدر نحجي
-لمار:ها براحتك
انتظرته يطلع طول على ما طلع جان شعرة ينقط مي عرفته سبح ولبس تراك رصاصي بيدة منشفة ينشف بشعرة شمر المنشفة على السرير فزيت منه
وحتى خفت احجي وياه بالموضوع لان على اعصابة اباوعلة صاك عل اسنانه ومدري شنو يحجي بينه وبين نفسه اطرافي جمدت و حيلي باد فجأة ف حاجيته
-لمار:اذا متريد تحجي بالموضوع خلاص سده مو لازم اني رايحة اسبح
بسرعة سحبني من ايدي ورجع دفعني على السرير ايدي وجعتني حيل وعيوني دمعت باوع بوجهي واستغفر عطت بيه واني مقهورة
-لمار:شكوو تدفعنيي واصلا شكو تستغفرر هلكد بوجهي شنوو شايفلك شغلة موزينه؟؟؟؟
حجه بتحذير وهو صاك على اسنانه
-بحر:لمااار اسكتيي عني خليني اهدأ حتتى اكدرر امسلتلج حتى حظررتج ترتاحيين
-لمار:ولييش تصيح عليه؟؟؟
-بحر:لا تعلين صوتج
-لمار:ليش لازم ناوي تمد ايدك علي من اول يوم
-بحر:كااافيييي
من عاط هيج استهضمت حيل بسرعة رحت على الجنطة دورت ماكو تراكات او اني كمت ما اشوف كلبت الجنطة كلهة بالكاع لكيت تراك واحد صاير جوة اخذته ودخلت للحمام
اول ما سديت الباب دموعي بقت تتسابق على وجناتي خليت ايدي على حلكي حتى لا يطلع صوتي بقيت افرك بعيوني لان أذني باوعت بالمرايا صايرة فلم نزلت باقي شعري وسبحت لبست التراك وهذا الثوب كرهته جان ودي اشككه بس خاف يطلعلي بمشكلة ثانيه
نشفت شعري وطلعت جان كاعد على السرير ومدنك راسة يلعب بالموبايل طلعت كبل على الميز اخذت مشط وكعدت امشط شعري بدون لا اباوعلة عم الصمت بارجاء الغرفة وما ينسمع غير استغفاره يمكن اليوم ضمن الجنه كد ما استغفر
كملت شعري وكلت اخلي هيج على طولة ما اضفرة حتى ينشف خطفت نظرة سريعة عليه لكيت نظراته علية بسرعة رجعت المشط لمكانة وجاي اروح للسرير فتت من عندة
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
