-في بحر عينيك
بقلم/غدير العلي
____________________
لحد الان ملامح الصدمة بوجهنه اني وصبا تفاجأنه حيل من الصار اول ما سمعناه جان يتعارك و فورا صعدنه فوك صبا بقت تفتر بالغرفه اخر شي عطت بيهة
-كاافي شجاج دوختيني
صبا:لمار اسكتيي لحد الان مو مستوعبه شلون باجر خطبتهم و شنو هذا الحجي المدري شلونه حتى ما اكدر احجيي لج تخيلي
لمار:يعني شمتوقعه من ولد عمج
صح انصدمت وماتوقعت هيج بس بالنهايه تذكرت خالد وسوالفة وهيج سالفة مقرفة مو صعبه عليه بس الي انصدمت منه البنيه شلون
صبا:دقيقة يعني البنيه هيه المطيته روحهة شلوون
لمار:سهله عليهن هاي السوالف
صبا:لمار ولج اهله شيوخ وجدهة شيخ و العشائر عدهم فللك يعنيي شلون كدر ما ادري وعدهم سالفة الذبح عادي يذبحون بنيه اذا صارت عليهة سالفة وهنه اصلا جانن اربع بنات بس وحدة منهن كتلوهة لان طالعة ويه صاحبهة
لمار:بعد عليمن متفاجأة هاهيه اذا اختهة هيج
صبا:ما توقعتهة من خالد
لمار:والله اكول لو تطفين الضوة وتخلينه نام لان باجر خطبه الاستاذ و الكل يجي من الصبح اصلا راسي موتني
صبا:مو جاي نحجي
لمار:صبا والله كل خلك ماعندي يله طفي الضوة
صبا:ماشي
طفت الضوة اريد يجي النوم لعيني ماكو اطيت ضهري لصبا بلكي انام بس ما جاي اكدر مافكرت بهذا الحقير كد ما فكرت بمرته بالبدايه كلت راح تنظلم وياه بس هسه تطلع مرته احقر منه وبقيت افكر كل هذا الوقت حسيت ضربه بجتفي التفت لكيت صبا
-شبييج شلعتي جتفي
صبا:مو على اساس تردين تنامين
لمار:اي
صبا:جا ما نمتي
لمار:جنت افكر
صبا:بشنوو
لمار:يعني بشنو برأيج
صبا:من هسه هاي اذا اجت ويه قمر وساره بنفس البيت تصير كاتل ومكتول
لمار:طبهم مرض شنسوي يعني
صبا:لمار يعني هو معقولة مسوي ذيج السالفة
لمار:ترة هو كال شقه تعرفين شنو يعني ثنينهم بشقه
صبا:كبر لف جدهة وابوهة عود حريصين عليهة خوش حرص والله
لمار:خوفج من الحريص
صبا:اووف
لمار:غيري الموضوع حتى لعبت نفسي منهم باجر شتلبسين
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
