في بحر عينيك

Part 23

-في بحر عينيك

بقلم/غدير العلي
__________________

كعدت الصبح جسمي متكسر بعدني مشبعانه نوم بس مدري شبيهة نومتي كل شوي افز اصلا شنومني بعد التفكير طول الليل ما اعرف نزلت جوة لكيت بس باسل كاعد بالمطبخ

-صباح الخير

-صباح النور

-ليش كاعد وحدك

-باسل:بعد وكت اهلي نايمين

-اسويلك ريوك

-لا حبيبتي لا تعبين نفسج بس اذا اكو جاي

-اي هسه اسويلك

رحت اصب جاي اجه أبالي موضوع خطوبتهم صبيت جاي اله والي اطيته اله وكعدت يمه ::اكلك باسل

-كولي

-شنو صار على موضوع خطبتكم شوكت

-على الاساس هذا الاسبوع بس أي يوم ما ادري

-شوكت تتفقون

-اليوم الظهر اخذ امي و نروح نشوف

-هاا

-تجين ويانه مو

-لا والله مابيه حيل وبعدني مشبعانه نوم

-بس صبا رادتج وهم ما نتأخر شغلة ساعتين ونرجع

-لمار:بس بعدني نعسانه

-اصعدي نامي هسه والظهر اخلي امي تكعدج

-ماشي لعد اني صاعدة

صعدت فوك بالبدايه مارغبت الروحة بس كلت خلي اروح صبا هم اشوفهة و هو اكيد ما راح اشوفه لان دائما بشغلة وملتهي خرب يومج صبا خليتيني ما اعرف النوم من ورة سوالفج هسه اني وين وين التفكير بحر شويه وغفيت لان مانايمه ابد سمعت صوت ماما تكعد بيه فتحت عيوني بالكوة

-ها ماما حبيبتي تكعدين

-ماما ماروح مبيه حيل

-بس باسل كالي ترحين تشوفين صبا

-لمار:ماشي بس شويه وانزل

-على راحتج

كمت من الفراش واني امد بجسمي مد بس مشتاقة لصبا هم من بدايه الامتحانات بعد ما شفتهة وهم تزعل اذا عرفت ما اجيتهة كمت لبست بنطرون وقميص مرتب رتبت وجهي ونزلت لكيت ماما وباسل كاعدين منتظريني

-ماما

-ام باسل:ها عيني

-بابا وين

-هسه شويه ويجي

-يجي ويانه

-على اساس مايجي بس بعدين كال يريد يروح حتى يشوف خالج

-ها اوك بااسلي

متت ضحك على شكله شلون مسح وجهة بحيرة يعرف كل ما ادلعه يعني اريد منه شي