مراية چنك حيل شايف روحي بيك .
🤎🤎
________________
بعدني واكفه صافنه عقلي لسه ما مستوعب الخبر دموعي تجمدت بعيني اريد ابلع ريكي ما اكدر احس بحالة صدمه مو طبيعيه
الي وعاني صوت الصريخ الي رج المستشفى رج و وكعه قوية غوشت الرؤية عندي اجه ينغمي عليه رجعت كعدت على الكرسي واني افرك بعيوني
وضحت الصورة واشوف باسل واكع بالكاع ركضوا عليه الممرضين الجانوا هناك اريد احجي ماكدر حتى ماكدر اكوم رجليه ما يعينني
صووت صريخ خالتي وامي بجي خالو وهو يصيح
-لييش رحتي مني يابويه
بحر صافن بالفراغ ما انطه أي ردة فعل صارت عندي ضربات قوية بطني و وجع ماينحمل لزمت بطني و عطت واني ابجي صرخ بحر و زواد صريخ اهلي
لحضاات صعبه حيل صعبه مرت علينه اجونه الكرايب و الولد للمستشفى رجعت للبيت بسرعة طلعت من ثيابي القديمه اسود ولبستة صار صريخ بالبيت عرفت كلهم اجوا
ردت انزل ولزمت بطني الم موطبيعي ابجي واني لازمه بطني حسيت شي نزل عليه دخلت بسرعة للحمام واني ادعي ما صاير شي للطفل اباوع نازل عليه دم هواي بسرعة غيرت ملابسي وكعدت شوية
كل ثانيه يزيد الصريخ واني بغرفتي اصيح وكلبي رايح من القهر احس روحي بحلم لاا مو حلم كابوس مرعب كلش مرعب ما معقولة راحت عقلي ما جاي يستوعب يعني البارحة هيه يمي واليوم راحت للابد يعني بعد ما راح اشوفهة نزلت جوة واني بالكوة امشي احس بروحي راح اسقط الطفل كد الالم اباوع للكل شصاير بحالهم الله يساعدنه على الايام الراح نواجهة
مرت ايام الفاتحة التعب والضيم الواجهنا ماكو مثله جمرة تسعر بكلوبنه راحت وعافت وراهة ابنهة و باسل الي كل ثانيه يزيد تعبه ويتخربط ورة ايام الفاتحة راحوا بيت خالي
لان بيتنه صاير اظلم كلش من راحت منه و مرة خالي زادت حالتهة سوء بحر راد اروح وياهم كتله خليني هذا الاسبوع هنا يم امي ما اصر عليه سودة عليه شصاير بحاله عيونه حمرة وجوة عيونه اسوود
كلنه بان على حالنه التغير جانت الساعة تقريبا ب10 بالليل كاعدة بس اني وامي حجيت وصوتي رايح
-لمار:بعدة ما اكل شي؟
-لا يمه سودة عليه وين يكدر ياكل شصاير بحاله يمه يحب مريته دخيلك ربي ليش حرمته منهة
كامت امي تبجي واني دموعي وياهة سمعت صوت بجي طفل امي مسحت دموعهة وكالت
-يمه بلكي تشوفين حسوني فرفحت روحه من البجي
-حسوني؟
-ابنهم سودة عليه لا لحكت تشوفه شلون حليو وحتى ابو ما كدر يشوفه
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
