في بحر عينيك

Part 27

-في بحر عينيك

بقلم/غدير العلي
________________

صافنه بالمرايا الكبالي ستوني اجيت من الصالون بدلتي ومكياجي البيت مخبوص خبص بالناس وصبا باقية تفتر كبالي تروح وتجي ما اعرف بدونهة شنو جنت اسوي اشرتلهة اجتني بفستانهة الفضي ومخلية شعرهة على طولهة ما رافعته مكياجهة جان نازك طالعة مثل ملاك

-ها لمارة محتاجة شي

-اكلج شو اني هم عطشت جيبيلي مي

-زمن:بس مو تترزلين مثل الاخت

-صبا:هههه لا لتخافين اوديلي طفل يجيب كلاص مي

-احسن

صبا اشرت لواحد من الاطفال الموجودين اجاهة

-ها عمه

-صبا:حبيبي شنو اسمك

-باثل

-لمار:اوي فدوة هذا هم اسمه باسل

-صبا:فدوة باسل حبيبي تكدر تجيبلي كلاص مي من المطبخ

-حاضر عمه

راح الولد يجيبلي مي اجه وبيدة كلاص اخذته منه وشكرته جاي يروح الولد زمن لزمته

-زمن:حبيبي انته ابن منو

-ابن ثعاد

-زمن:هاا ثعاد مني

جاي اشرب المي غصيت بيه من الضحك

-صبا:روح حبيبي روح لماما

-زمن:ليش غير نعرف ابن منو

-صبا:هههههههه ولج شنو تستفادين من تعرفين وبعدين شنو تكليلة ابن ثعاد الولد صغير مايكدر يلفظ السين يكلج ابن سعاد

-زمن:هاا مو اكول وين اكو اسم ثعاد

-صبا:اجووي

بطني مغصتني راحت صبا طبن زوجات خوالي وخالتي وياهم اجت مرة خالو باستني وبقت تسولف وياي اجت صبا كالت يردوهة ودوني ورة الباب بدة الشيخ يقرأ ويحجي كمنه نردد وراه لحد ما نطقت بكلمه "نعم"

تعالت اصوات الهلاهل و هوسات بيبي هيه ومرة خالو الفرحة عشعشت بارجاء البيت انزرعت الابتسامه على وجهي وحسيت حتى التوتر اختفى ثواني واسمع امي تكول بنات استرن روحج الولد راح يدخل كل وحدة صارت تركض تلبسلهة شي زمن لبست صاية على فستانهة لان مفتوح و وكفت يمي اشرتلهة تتقرب مني

-زمن:ها لمارة

-زمن ماكو شال شي اخلي على صدري

استغربت سؤالي كالت وهي تباوعلي:ليش

-لمار:ما تشوفين البدلة شلون مفتوحة من الصدر

هزت ايدهة وجاوبتني بأستهزاء

-زمن:خايبة انتي ما شفتيني بيوم خطوبتي وربج بس ال شسمه لا تخليني اغلط بس هذا مستور وبعدين شكو تسترين روحج خلي الولد يشوف