-في بحر عينيك
بقلم/غدير العلي
__________________________
ﺑــــحر:اشش شبيج هذا اني
باوعتلة هذا شوكت اجه اشرتلة على ايده حتى يوخرها وخر ايده
لمار بأرتباك : هلا بحر الحمدالله على السلامه
_الله يسلمج شلونج
_بخير يلا عن اذنك
جاي امشي وصاح وراي التفت عليه
_ها
بحر: شعجب نازلة بهيج ملابس
_باوعت على نفسي جنت لابسه تراك عادي
ليش شبيهن ملابسي
_انتي تشوفين مابيهن شي؟
_اي كلشي مبيهن
_هاهيه يابه
_تصبح على خير
بحر:وانتي من اهله
صعدت فوك صفنت بالسكف واتذكرت ملامحة الحادة حيل لدرجة تخوف متغير و كبران صعدت ايدي لحاجبي واني اتذكر اليوم الي دفعني بيه اي هو بحر الي دفعني وخلالي هل طبرة بحاجبي كرهته من يومهة كره مو طبيعي
لمار:كافيي لمار تفكرين خلاص نامي احسن شي
نمت وكعدت ب9 على اصوات الهوسه الجوة كت غسلت وجهي وبدلت ونزلت لكيتهم كلهم متجمعين بالصالة
لمار: صباح الخير
الكل:صباح النور
ام خالد:بعد وكت
لمار:عفوا خالة
ام خالد:لاهيج
الولد كلهم منجمعين وكاعدين يم بحر و جدو وبيبي كاعدين يسألونه على سفرته و هو حاضن صبا و كاعد
يسولفلهم اني خليت و رحت للمطبخ جان محد بيه كاعد اكل وحسيت احد وراي التفت وجان اشوف خالد
_علكيفج ليش هيج فزيتي
لمار:لا ماكو شي
_شعجب ما سلمتي على بحر بهد هو صديقج من الطفولة ههه
_ضحك ضحكه خبيثه و مقرفة باوعتله كتله
سلمت عليه اول ما اجه بعد هذا ابن خالوو اجه يحجي عفته ورحت غسلت و كعدت يم ماما
اياد:اكلك بحوور الصاكات الهناك شلونهن
حبيب:صحيح بحور شلونهن
طبعا اياد وحبيب فكاهيين بشكل عكس زين وبحر
بحر:وسم بحور شنو
اياد:شبيك حبيبي مندلعك يعني
_دلع و منكم ماريده
حبيب:هسه عوفونه من الدلع لازم كله شكرات و عيون خضر و زرك مو لو مو مو
بحر:كافيي سدو حلوكم
زين:عوفهم بحر هذول مستخفين كلش
شويه واجه باسل حضن بحر و جان سلامهم فضيع لان همه مقربين كلش
لمار:شوي وصاحني باسل
_ها حبيبي
باسل:لمارة جيبيلي كلاص مي
رحت جبتله واجيت انطي اله
باسل:اكول خويه بحر
_ها عيني
_ترا الفصل بعدنه مناسي
_فصل ايش
_خويه انته طبرت حاجب بتنه من سنوات بس هسه كبرت انته مو مال نغلس نريد فصل
بحر باوعلي وابتسم
بحر:اي خويه تأمر شكد تريد
_فد 100 مليون
_شدعوة لو كاتلي واحد مياخذون هلكد
باسل:اني اختي غاليه على كلبي وانته اذيتهة نريد فصل زين
_هذا زين اخذة
زين: اني شدخلني
بقوا يضحكون
اياد:لمارة انتي شتردين فصلج اذا تردين بحر عادي كولي
لمار:خرب هذا شيحجي نوب كلهة كاعدة اني خزرته وكتله شهل حجيي
اياد:ههههههههههههه خرب شبيج تخزرين شقة عيني شقة
باسل: يلا عيني احنه نترخص
كمت عدلت حجابي و عدلت وجهي و طلعنه لبيتنه
اول مرجعت لزمت الموبايل وخابرت زمن وحجيتلهة كلشي
زمن: هيه هاي مرة خالج شبيهة هلكد مسمومه
_شدراني
_لج حتى احسهة تغار منج
_ما اعتقد غيرة شنو قابل بعمرهة وتغار مني
_لا بس احسهة تقارن بينج وبين بتهة بنين
_مادري بعد
بقينه نسولف هيج شويه وسديته ونمت نومه اهل الكهف
كعدت ثاني يوم ب10 غسلت ونزلت
مر اليوم عادي لحد ب8بالليل اندك الباب
شفتهم بيت خالو امجد
ميار:اهوو هذول شجابهم البارحة احنه يمهم هلكد مشتاقيلنه هه هزيت ايدي و صعدت لغرفتي
سمعت ماما تصيحلي لبست فستان تصميمه بسيط واصلا هو اخذته هيج للبيت وذبيت شال على راسي وطلعتلهم
_نزلت سلمت استغربت لان بنين جانت جاية وياهم
قدمتلهم الجاي وكعدت شوي وحجه خالو امجد
امجد:الله بالخير ابو باسل
ابو باسل :الله بالخير والعافية
امجد:خويه اليوم جايك بطلب وياريتك ما تفشلني
ابو باسل:ما عاش اليفشلك خويه أمر
امجد:ما يأمر عليك ظالم اليوم اريد منك لماره لابني خالد على سنه الله ورسوله..
يتبع...
أنت تقرأ
في بحر عينيك
General Fictionهو ڪعمق البحر يضم الكثير من الاسرار و هــــي كنسمه صغيرة لا تعرف الحب و لا معناه _غـــــدير علي
