في بحر عينيك

Part 24

-في بحر عينيك

بقلم/غدير العلي
_____________________

بقيت واكفه بمكاني اريد افوت ما اكدر لان صاير كبال الباب كلش

-بحر:حلو عليج

-ها

جان يحجي بنبرة هدووء حسيت هذا هدوئة خطف كلبي غير نبرة صوته التجيب التايه

-هذا الفستان طالع حيل حلو عليج

-ش شكررا

ردت افوت بس بعدة واكف كبالي رفعت راسي اباوع على عيونة شفت نظراته على الجاكه المفتوحة باوعت عليهة لكيته رجلي كلهة طالعة بسرعة جريت الفستان وغطيتهة حجه هو بصوت ناصي بس سمعته

-ضميهة مطلعة ضيم الله كله للعالم

-شنو

-صعدي الفستان من الصدر طالع كلشي وبعد لا تجين هنا لا يدخل أحد من الولد وانتي بهذا فستانج يفضح اكثر مايستر

-م ماشي بس وخر شويه اريد افوت

وخر من يمي واني رحت لصبا اطيتهة المي واني ضايجة ماحبيت يشوفي بهالشكل فستاني مفضوح وبشعري وهاي اكثر من مرة يشوفني بدون حجاب

-صبا:شكو ليش ضايجة

-ماكو شي وانتي شبيج

-بعدة اخوج ما اجه

-شويه الطريق طويل شويه ويجي وانتي هدي روحج شجاج تتراجفين

-خايفة

-اهدي حبي اهدي

-لماار اجه موو

-اي يمكن

دخلوا ماما وام زمن وزمن اجوي وباقي كرايبنه جاين ويه ماما اجتي ماما باست صبا من راسهة واجتني زمن

-زمن:يله تعقدون وعود اباركلج

-ها اي اي

-زمن:اكلج هاي شبيهة

-خليهة يمعودة عود من نجرب شعور الخطبه يمكن نصير اتعس منهة

-اي والله

شويه وصاحوا عليهة وديناهة ورة الباب عقدلهم الشيخ وبدت الهلاهل تزيد رجعت كعدت بمكانهة اجه خالو محمد باسهة وباركلهة ودخل باسل كعد يمهة طالعين يخبلون ابتدة يلبسهة الذهب متنه ضحك عليه ويه كل قطعه ذهب لازم يخطفله بوسه منهة وهيه منتهيه من الخجل هوسات واصوات جان الكل فرحان الهم لان اثنين من ذهب يخبلون خلص تلبيس الذهب وبيبي تهوسله هي وماما تكابلن

-حبهاا ولك حبهاا لتخاف من امهة

زمن غصت من الضحك وهيه تكول

-اكلج الحجيه ما تدري هذا شبعهة بوس

-هههههههههه شايفينه بس شنسوي

تقرب منهة وباسهة بخدهة رفعت عيونهة عليه وهاي اول مرة تخلي عيونهة بعيونه من اول ما كعد يمهة جانت نظرات الهيام واضحة بعيونهم العشق وهوواي اشياء خلت كلوبهم ترفرف فرح على حب بهاي اللحظات