الأمل هو تلك النافذة الصغيرة، التي مهما صغر حجمها، إلّا أنها تفتح آفاقاً واسعة في الحياة.
ـــــــــــــــــــــــــــــــــــــــــــــــــــــــــــــــ
حوراء: ـ
كاعدين العصر بيبي كالت امشن نروح لهاي المكتبة القريبة سمعت يگولون رخيصة وعدهم اشياء حلوة خلونا نروح واذا ماعجبكم شي باجر نروح للسوك.
بدلنا وطلعنا نتمشى وصلنا للمكتبة اول ما دخلنا شفت الولد كدامي لازم بيده كلاصات ينظف بيهن حتى يعرضهن هو نفسه الي وصلني للعرس يربي شنو هالصدفة. فزيت على صوت خالتي.
منى: ـ حورية وين صافنة يلا شوفي شنو يعجبج اخذيه لاتخلين شي بنفسج.
حوراء: ـ اي يلا خلي نشتري. اخذت قرطاسية كاملة جنت حيل فرحانة كأنما باجر ارجع اداوم. خلصنا وخالتي وكفت تحاسب واني وكفت يم بيبي.
منى: ـ بلا زحمه وين احصل هاي الملازم.
عباس: ـ بله خلي اشوفهن دقيقة
اخذ الورقة وصفن بيها شوية ورفع راسه.
عباس: ـ احيائي لو تطبيقي.
منى: ـ حورية شتريدين تكملين نفس فرعج لو تغيرين.
حوراء: ـ لا لا ما اغير خليني احيائي
عباس: ـ ماشي نص ساعة ويكونن جاهزات كلهن تكدرون تتفضلون تكعدون بينما اسحبهن.
دخلنا جوة مخلين كراسي كعدنا عليهن ننتظر الطبع يخلص شوية وخالتي كامت تتفرج على ادوات المطبخ طبعا روحها بهاي السوالف مال الديكور والاثاث اشترت حاجتين وبيبي ما خلتها تكمل لان لو مكملة تاخذ نص المحل 😂
كملنا كلشي وخالتي دفعت الحساب تفاجأت كلش رخيصة غراضهم رغم حلوة وزينة. يلا الله يرزقهم لو غير مكتبة جان هسة يجوز فد 100 الف بس ملازم.
طلعنا راجعين للبيت واني طايرة من الفرح معقولة راح يتحقق حلمي.
عباس: ـ العصر كاعد بالمكتبة واعزل بالمحل جنت ضايج وتعبان رحت اكول لابوية اريد ارجع للبيت لان جنت ببغداد الصبح ومالي خلك اشتغل اريد انام وهو اصلا صار العصر شوية ويجي علاوي للمحل وهم يعزلون سوة.
بعدني ما حاجي دخلن بنات اثنين ومياهن مرية جبيرة اول ما دخلن صارت عيني على وحدة منهن تذكرتها هي نفسها البنية الي اخذتها للعرس يربي معقولة هي نفسها خاف وحدة تشبهها
بس انتبهت البنية الي وياها صاحتلها حورية يعني هي نفسها بقيت صافن عليهن يشترن كأنما يجهزن لبداية سنة دراسية جديدة بس احنا بعدنا بشهر ال5 بعد هواي للسنة الجديدة بقيت صافن عليهن البنية بوجهها فرحة ماتنوصف بس بنفس الوقت خجلانة انتبهت عليها تكول بيبي والله هذا هواي شسوي بيهن هو كله خارجي لعد لو اداوم مدرسة ششتري
اشترن وكملن والبنية الثانية طلبت ملازم الصراحه اني هاي اول مره اسحب ملازم من الانترنت كل مرة ادزهم على غير مكتبة بس ادري هسه تحصل الملزمة ب10 وفوك لذلك سحبتهن الهن وانطيتهن هداية من المكتبة اشوف البنية طايرة من الفرح عبالك طفلة ديسجلوها اول ابتدائي. دعيتلها بگلبي ربي يتمم فرحتها وتطلع المعدل الي تريده.
طلعن واني رجعت للبيت سبحت ونمت.
أنت تقرأ
اقرب من القريب
Romance...🦋... " وإن ضاقت بك أرجاء الأرض ، فلا تنسى أن تدعو رب السماء لأن الله كفيل بمحي أحزانك وشفاء جراحك🌸
