حوراء: ـ
الحمدلله تكلل تعبي بالنجاح و طلعت معدل اكثر من اللي تمنيته. حاليا الناس اليمي كلهم يحبوني و يخافون علية و يتمنولي الخير. رجع عباس فتح وياي موضوع الزواج خلص قررت اوافق كلش ارتاحيتله صارله هواي وياي ابد ما ضوجني بكلمة قررت اترك كلشي وراي و اعيش حياتي مثلما الله كاتبها الي اكيد ربي يختارلي الافضل ليش ابقى اركض ورة غلطة و اعيش حياتي بوهم ويومية متأذية.
صارحت عباس بحبي و اشوف فرحته ما تنوصف. خلص هذا عوضي عن كلشي صار وياي راح انطي فرصة لگلبي يحب مرة ثانية بس هالمرة حب بالاحلال.
بين افكاري دخلت علية خالتي كالت بدلي راح يجي علينا باسم يطلعنا. كمت غسلت و بدلت بلغت عباس اني راح اطلع ما اعرف ليش سويت هالخطوة يمكن حتى لا يضل باله. طبعا هو ما عارض ابد بس وصاني انتبه على نفسي.
اجه باسم طلعنا اول شي رحنا لمطعم تعشينا. بعدين اخذنا لحديقة كعدنا تونسنا تمشينا هواي بعدين اخذنا للامام زرنا و طلعنا كعدنا بين الحرمين عافنا و راح شوية و اجه جايب كيك و ببسي جاب جكليت وزعنا ع الزوار احتفلنا بنجاحي بأحلى مكان. جان يمشي و يكول للزوار هاي اختي رفعت راسي بمعدلها حسيته يفتخر بية جنت كلش مرتاحة هاليوم.
كملنا رجعنا للبيت طلب نحجي قبل لا يروح گتله بس ابدل واجي لان متت حر. بدلت و نزلت بسرعة اجيت للهول ماكو احد بس هو كاعد.
باسم:ـ تعالي اكعدي يمي يـ نور عيوني تعاي حبيبة.
حوراء: ـ الله يخليك الي و لا يحرمني منك يارب.
باسم:ـ اميرة اخوها و روحه. شلونج بنيتي.
حوراء: ـ الحمدلله دام انتو بحياتي اني بخير.
باسم: ـ اممم صار بيها انتو مو.
حوراء: ـ اا شبيك انت و بيبي و خالة.
باسم: ـ امممم اوك راح امشيها لان معدلج حلو.
حوراء: ـ ههههه اوك.
باسم: ـ مرتاحة يـ بعد اخوج.
حوراء: ـ الحمدلله الله عوضني عن تعبي كله.
باسم: ـ اميرتي. عادي نحجي بموضوع اريد اخذ رأيج بشغلة قبل الكل.
حوراء: ـ اي عادي كول.
باسم: ـ بس تحجين الصدك ما اريد تضمين علية شي.
حوراء: ـ ان شاء الله.
باسم: ـ شنو رأيج بعباس؟
حوراء: ـ ااا يا عباس. ما ادري ليش خفت رغم باسم مو بس اخوية لا هو اقرب صديق الي و كلشي احجيله.
باسم: ـ اممم مو گلنا ما تضمين شي. ترة گاعد بگلبج و اعرف منو يدخل و منو يطلع هههه.
حوراء: ـ شنوو لا والله ماكو هيج انت فاهم غلط شسامع.
باسم: ـ اشش لا تتوترين يروحي اعرف بنيتي ما تسوي شي غلط. بس عباس اليوم طلبج مني و باجر راح يدز اهله. اني ما اريد احد يضغط عليج او يجبرج على شي انتي ما رايدته لذلك ردت اخذ رأيج حتى اذا مموافقة ما اخليه يجي ولا يدز احد.
حوراء: ـ الي تشوفه انت حبيبي. انت تعرفه اكثر مني.
باسم: ـ والله يا اميرتي الحلوة الولد خوش ولد بشكل حباب و اخلاقه كلش حلوة عنده شهادة و صار محامي.
حوراء: ـ اي والله. عضيت شفتي عزا شجفصت اني.
باسم: ـ ههههه لج عيب لا تجفصين اني اخوج احترمي شوية.
حوراء: ـ لا لا مو قصدي.
باسم: ـ عادي يروحي فكري براحتج و رجعيلي جواب.
حوراء: ـ ااا باسم.
باسم: ـ ها اميرتي احجي.
حوراء : ـ لا هيج
باسم : ـ احجي بنيتي لا تخافين يروحي.
حوراء: ـ اني موافقة.
باسم: ـ اممم ادري عرفت من توترج و ارتباكج. يمة كبرت اميرتي و صارت عروس.
حوراء: ـ ردت اكوم كعدني.
باسم: ـ عوفي الخجل هسة امورتي. تجهزين غراضج باجر اخذج للبيت لان عيب يجن النسوان و انتي مو بالبيت. هاي فلوس انزلو الصبح للسوك اخذي اي شي تحتاجيه ولا تخلين شي بنفسج ابد بداعتي.
حوراء: ـ الله يخليك الي يارب.
باسم: ـ و يخليج النا يعمري. يله جهزوا نفسكم باجر قبل الاربعة امر عليكم. اني رايح محتاجة شي
حوراء: ـ ماشي حبيبي. لا عمري الله وياك.
أنت تقرأ
اقرب من القريب
Storie d'amore...🦋... " وإن ضاقت بك أرجاء الأرض ، فلا تنسى أن تدعو رب السماء لأن الله كفيل بمحي أحزانك وشفاء جراحك🌸
