#تعلمت
الأهتمام أقوئ من الحب ،، قد يولد حب بسبب أهتمام كبير ،، وقد يموت حب بسبب أهمال ،، ان تحب يعني ان تهتم ،، حتئ وان كنت بقمه انشغالك ،، فرساله بسيطه محتواهاا أشتقت اليك ،،لا تأخذ منك دقيقه ولكنها تأخذ قلب من تحب ،، من بين ضلوعه الئ وسط ضلوعك ،،
الحب أهتمام. ،،، وليس أحلام.
ـــــــــــــــــــــــــــــــــــــــــــــــــــــــــــــ
عباس: ـ عرفي عن نفسج
حوراء: ـ اي. اسمي حوراء. عمري 26 طالبة سادس احيائي بس تاركة من زمان هسة عود اريد خارجي بس ممسيطرة
عباس: ـ افف ليش
حوراء: ـ بسبب اهلي
عباس: ـ بشنو تحبين اساعدج؟ ادرسج؟ ملازم؟ كتب؟
حوراء: ـ عندي كلشي بس ماكو واهس.
عباس: ـ لا اكو. باجر تكعدين من الصبح تدرسين. ودراسة زينة اريد معدل عالي.
حوراء: ـ راح تبقى وياي؟ ما تتركني!
عباس: ـ للموت.
حوراء: ـ شكرا
عباس: ـ ماريد شكر.
حوراء: ـ لعد شنو تريد؟
عباس: ـ استلمنا شكر بالحصة اذا اكو جاي نريد
حوراء: ـ هسة لازم اضحك؟
عباس: ـ بكيفج اذا مابيج لاتضحكين
حوراء: ـ خوش تطلبني ضحكة
عباس: ـ اسجلها بالديون
حوراء: ـ ماشي.
عباس: ـ حورية
حوراء: ـ هلا
عباس: ـ نجاحج يكفي
حوراء:ـ خايفة
عباس: ـ ليش من شنو الخوف
حوراء: ـ ما اكدر اكمل
عباس: ـ ليش
حوراء: ـ تعبانة
عباس: ـ انطيج حيلي
حوراء: ـ ليش
عباس: ـ اسولفلج شي
حوراء: ـ اي
عباس: ـ راح ادز بصمه صوت عادي
حوراء: ـ براحتك اذا تريد تتصل عادي
عباس: ـ اوك اتصل
حوراء: ـ يلا
اتصل وتوترت كلش مدري ليش
شداسوي اني
شجاني هيج گلبي ينبض بقوة
جاوبته واني متوترة
عباس: ـ الو. ليش تأخرتي
حوراء: ـ مو شسمه ما شسمه ما ما لكيت السماعة
عباس: ـ امممم. عادي يلا اسمعي
حوراء: ـ اوك اسمعك
عباس: ـ اني قبل سنة المفروض اداوم مرحلة ثالثة قانون. بس شائت الاقدار ابوية تمرض واخوية ثالث متوسط وزاري ماكدرت اخليه يترك دراسته. وعندي اخت ازغر مني جانت سادس اعدادي اصعب مرحلة بحياتي. كلشي براسي اضطريت اترك دراستي واهتم بعائلتي. بين دراسة اخواني ومسواك البيت وعلاج والدي جنت اطلع من الصبح ارجع ب١١ بالليل الصبح اشتغل حمال بدون علم اهلي والظهر بالمحل لليل ارجع. المسؤولية جبيرة ما اكدر اقصر اتجاه واحد منهم كلهم نفس المعزة. الحمدلله جانت حالتنا زينة وما احتاجينا لبشر ولا مدينا ايدنا للحرام. امي كامت تسوي اكل بالبيت تلف كبة ودولمة وتخبز وتنطي عنوان المحل حتى الناس تجي تستلم طلبياتهم. كم مرة كتلها اتركي الشغل تتعبين ماقبلت تكول هيج اني مرتاحة. كلش جنت انقهر من اشوف جماعتي يروحون للجامعة الصبح واني داشتغل بس جنت ادعي بداخلي ربي يكتبلي الخير. ورة فترة ابوية صار زين رجع يطلع لشغله رحت للجامعة حتى ارجع لدوامي شرحتلهم الحالة كالو انفصلت بالغيابات كلش انقهرت بعدين خطر، ببالي لو جان الي بيه خير الله مايحرمني منه. رغم جان حلمي اصير محامي. بس خلص اقتنعت بنصيبي رجعت اشتغل وية ابوية بالمحل تركت العمالة. عندي فلوس فتحت بيهن المكتبة الي اشتريتي منها. بديت اشتغل واجمع ووسعتها سويت بيها طباعة واستنساخ وهدايا واخذت المحل الي بصفها وكبرتها والحمدلله شفت بيها كل الخير. بس بقت الدراسة حلمي وسلمته بيد الله. كلما اصلي اكول ياربي اذا دراستي بيها خير الي ولأهلي لاتحرمني منها. الى ان اجه فديوم صديقي گال تريد ترجع للدراسة كتله ياريت بس شلون. گلي عندي واسطة هو يسويها والحمدلله صارت ورجعت درست ونجحت وهسة رحت للرابعة. وان شاء الله اخلص واتخرج واصير محامي ويتحقق حلمي.
أنت تقرأ
اقرب من القريب
Romance...🦋... " وإن ضاقت بك أرجاء الأرض ، فلا تنسى أن تدعو رب السماء لأن الله كفيل بمحي أحزانك وشفاء جراحك🌸
