سأكون لك الأمان الذي لن يتخلى عنك يوماً .
ــــــــــــــــــــــــــــــــــــــــــــــــ
عباس: ـ
فترة الامتحانات شديت حيلي مارحت للمكتبة ولا اي مكان وركزت بس بدراستي والحمدلله كملت ونجحت وصرت مرحلة رابعة.
فديوم طالع لبغداد حتى اتسوك وگلت امر على سجاد لان صار تقريبا سنة مختفي كلما اروحله مموجود ومن اخابره مغلق. حتى اهله ماكو.
دامشي بالشارع وشفت بنية لابسة عباية وتمشي كدامي جنها مضيعة وماتندل سمعت صوت جلاب خافت ووكفت بمكانها.
اجيت حتى اساعدها شفتها طلعت حوراء.
اي هاي حوريتي اميزها بين مليون بنية
بس شعدها بهالوقت طالعة وليش وحدها ووين تريد تروح. عصبت وضجت من تصرفها بس هي خايفة ماريدها تخاف اكثر.
عباس: ـ شبيج وين تريدين تروحين؟
حوراء: ـ يربي هذا شجابه هسة.
عباس: ـ مو داحجي جاوبي
حوراء: ـ هاا ما ادري اا ماروح لمكان. حجيتها وبجيت
عباس: ـ يربي شصاير بحجاية بجت. امشي ارجعج للبيت يلا
حوراء: ـ ااي. بس حباب لاتكول لاهلي
عباس: ـ لا ما اكول بس بشرط
حوراء: ـ شنو
عباس: ـ تحجيلي كلشي.
حوراء: ـ اوك هسه احجيلك
رجعتها للبيت وحجتلي بالطريق مشكلتها. صح ضجت حيل من كلامها وتصرفاتها. بس گلبي ما انطاني اعوفها. خلص صارت مسؤوليتي قررت اني احميها من كلشي. حتلو غلطت ميخالف راح اصححلها غلطها واعلمها شلون تتصرف حتى من اخطبها تعرف الصح من الغلط و تكون جاهزة تربي اطفالنا ع الصح.
انطيتها رقمي كتلها راسليني شوكت يعجبج واني راح اساعدج. بس دخلت للبيت رحت فعلت نت ع الشريحة حتى احاجيها.
حوراء: ـ دخلت للبيت حسيت نفسي مرتاحة كلش كأنما ذبيت همي كله برة ودخلت. رحت غسلت واجيت كتبت رقمه ردت اتصل عليه بس معندي رصيد يربي شسوي هسة هو اصلا مو بالبيت حتى اذا عنده واتساب واراسله ما يشوفها. اخر شي قررت اراسله حتى انام هو شوكت يريد يشوفها خل يشوفها. جاي احجز رقمه بتلفوني صفنت اني ما اعرف اسمه شلون راح احجزه شكتب عليه. بدون وعي كتبت منقذي ودست حفظ اي هو فعلا منقذي.
رحت راسلته ع الواتس بس دزيتله هلو داكتب معندي رصيد هو جاوبني هلا حوراء مو؟
يربي شون عرفني. غبية غير انطاج رقمه اكيد منتظرج تخابريه.
اي حوراء. اسفة مكدرت اتصل.
عباس: ـ عادي بكيفج انتي شنو الي يعجبج سويه
حوراء: ـ اوك شكرا.
بس سؤال
عباس: ـ تفضلي جواب
حوراء: ـ انت شنو اسمك؟
عباس: ـ هههههه صدك تحجين يعني متعرفين اسمي
حوراء: ـ اي والله ما اعرفه
عباس: ـ اممممم لعد شلون خزنتي رقمي شنو كتبتي عليه؟
حوراء: ـ كتبت مجهول. هسة شعليك شكتبت دكول اسمك شبيك
عباس: ـ امممم زين تريدين اسمي الحقيقي لو المستعار
حوراء: ـ هاي شبيك صدك تحجي
عباس: ـ ههههه لا اتشاقة وياج بس لاتعصبين. اسمي عباس
حوراء: ـ لا ممعصبة. تشرفنا اني اسمي حوراء.
عباس: ـ حلو اسمج حورية وانتي هم حلوه ماريدج تضوجين بعد لأي سبب.
حوراء: ـ اوك
عباس: ـ اي شي يضوجج او يزعلج تجين تحجيلي اني اساعدج ونحله سوة. ابد لا تستحين مني اني مستعد اسمعج بأي وقت. حتلو ينكسر اظفرج تعالي وگوليلي بس المهم ماتضوجين.
حوراء: ـ هههههه ماشي
عباس: ـ حورية
حوراء: ـ هاا
عباس: ـ عادي نصير اصدقاء.
حوراء: ـ اكيد
عباس: ـ اتركي كل اصدقائج الي يضوجوج مايستاهلوج
حوراء: ـ اصلا ياهو يضوجني احظره. تدري جان عدنا كروب تقريبا احنا اكثر من 150 شخص بس كلهم طردتهم بقينا تقريبا 7
عباس: ـ ههه احسن. هذولة ال7 هم اذا ضوجوج هم اتركيهم
حوراء: ـ صار
عباس: ـ يلا يحلوة نامي ارتاحي اني راح اوصل مبقى شي من ارجع بالليل نسولف. ماريد ضوجه
حوراء: ـ صدك انت وين رايح ما سألتك
عباس: ـ لبغداد اتسوك غراض للمكتبة تريدين اجيبلج شي وياي؟
حوراء: ـ امممم لا شكرا ترجع بالسلامة يارب
عباس:ـ الله يسلمج عيني. يلا نامي ومثلما وصيتج ضوجة ماكو.
حوراء: ـ ماشي. انتبه على نفسك.
عباس: ـ ماشي. انتي هم. راح اترك النت مفتوح اذا احتاجيتي شي راسليني مثلما اتفقنا.
حوراء: ـ ماشي
عباس: ـ محتاجه شي؟
حوراء: ـ سلامتك.
عباس: ـ الله يسلمج عيوني. تصبحين على خير.
حوراء: ـ وانت من اهله. باي
عباس: ـ باي
حوراء: ـ عباس
عباس: ـ ها عيني
حوراء: ـ شكرا على كلشي.
عباس: ـ تدللي. من ارجع نتفاهم.
حوراء: ـ ماشي. الله وياك.
عباس: ـ باي
أنت تقرأ
اقرب من القريب
عاطفية...🦋... " وإن ضاقت بك أرجاء الأرض ، فلا تنسى أن تدعو رب السماء لأن الله كفيل بمحي أحزانك وشفاء جراحك🌸
