تتأخر و كإنها ليست من نصيبك ثم يبهرك الله بطريقة تحقيقها
ـــــــــــــــــــــــــــــــــــــــــــــــــــــ
حوراء: ـ مثل كل يوم گعدت بال٦ الصبح احس نفسي مرتاحة كلش اليوم كمت توضيت وصليت نزلت سويت ريوك كعدت اهلي حتى يروحون للدوام اكلوا وطلعوا كمت نظفت وعزلت البيت وامي رادت اطبخ دولمة لان خالتي الزغيرة تجينا اليوم ع الغدة طلعت المكونات وكعدت اسويها كملت خليتها ع النار عجبني اسوي كيكة سويتها خليتها بالفرن كعدت امي
ـصباح الخير
ـ هلاو ماما صباح النور اسويلج ريوك
ـ لا بس صبيلي جاي راسي يوجعني
ـ صار هسة اصبلج
ـ كملتي الغدة نظفتي البيت
ـ اي ماما كملت هاي الدولمة ع النار و نظفت البيت كله و حتى سويت كيكة خليتها بالفرن
ـ زين يلا ما بقى شي وتجي خالتج خبزتي؟
ـ لا قبل شوي عجنت تصير بال١٠ ونص واخبز حتى يبقى حار
ـ ماشي اني كاعدة بالهول جيبيلي الجاي
ـ ماشي
راحت واخذتلها الجاي رجعت عزلت المطبخ و كلشي تمام سمعت امي تصيحني
ـ حوراء ولج حوراء وينج
ـ اجيت اجيت ها ماما
ـ هاي زينب دتتصل جاوبيها كوليلها داساعد امي بالخبز لا تجفصين زايد
ـ ماشي.
اخذته جاوبتها
ـ هلاو زنوبة. زينة الحمدلله وانتي شلونج. لا والله جاي اساعد امي بالخبز. تمام من افرغ اتصل عليج. ماشي الله وياج. يوصل. مع السلامة
ـ يلا روحي كملي الخبز
ـ ماشي ماما. محتاجة شي بعد
ـ لا بس اخذي هذا الكلاص مال الجاي اغسليه وروحي للخبز
ـ تمام
رحت غسلت الكلاص و رحت اخبز كملت الخبز اندكت الباب فتحتها خالاتي اثنينهن جايات
ـ هلاو بيكم تفضلو امي جوة
طبعا خالتي الجبيرة مطلقة بس تسوي مشاكل. هي تطلقت لان سوت مشكله بين زوجها واهله ومن تجي يمنا ما تطلع اذا ماتصير مشكلة ببيتنا لذلك من تريد تجي امي تگول لأبوي ما يجي للبيت اصلا لحدما تروح
خالتي الزغيرة حبابة وهادئة كلش وتحبني هي صديقتي مو بس خالتي كلشي احجيلها وهي تحجيلي كلما تجي تجيبلي شغلات وياها تنطياني بدون علم امي لان اذا امي عرفت تاخذهن تنطيهن لزهراء
دخلن گعدن بالهول هن وامي رحت اجهز الغدة لان باقي شوية ع الصلاة يصلون واصب غدة جاي اطلع المواعين اجت خالتي للمطبخ
منى: ـ شلونج حورية شخبارج
حوراء: ـ الحمدلله زينة انتي شلونج حبيبتي
منى: ـ بعد عمري انتي الحمدلله. اساعدج بشي
حوراء: ـ لا خالة حبيبتي كملت ماعندي شي بس يأذن نصب
منى: ـ عندي الج مفاجأة حلوة بس نكمل غدة
جبت خالتج منال حتى تگعد يم امج واني اخذ راحتي وياج
حوراء: ـ هههه ماشي حبيبتي
منى: ـ يلا حورية توضي خل نصلي لو تركتي الاذكار اللي علمتهن الج قبل الصلاة
حوراء: ـ لا لا ما تركتهم حتى من تتأخر صلاتي اسويهم
منى: ـ عفية عليج يروحي ربي يحفظج ويوفقج
حوراء: ـ تسلمين حياتي ربي يخليج الي
أنت تقرأ
اقرب من القريب
Любовные романы...🦋... " وإن ضاقت بك أرجاء الأرض ، فلا تنسى أن تدعو رب السماء لأن الله كفيل بمحي أحزانك وشفاء جراحك🌸
