اقرب من القريب

بارت 15

كعدنا على صوت هوسة و صياح طلع عباس يشوف شكو. كمت رتبت الغرفة و طلعت النا ملابس حتى نبدل و ننزل جوة بعد. دخل عباس بسرعة يركض و يضحك.
حوراء: ـ شكو يا ستار على كيفك حب.
عباس: ـ ههههه اجوج المغول اولاد خالتي. و هم خالتج و بيبيتج جوة موجودات. بدلي حتى تنزلين.
حوراء: ـ صدك والله اجن يربي شكد مشتاقتلهن.
عباس: ـ شبسرعة اشتاقيتيلهن عيني. اي يابة هي هم حظوظ قابل مثل حظي شو اني ما تشتاقيلي.
حوراء: ـ ههههههه لا اشتاقلك هم بس خل انزل يمهن حباب عود من يروحن اشتاقلك هواي هم.
عباس: ـ هههههه ماشي بنيتي نزلي على كيفج. انتبهي على نفسج لا تتعبين موزين عليج. و لا تسوون عشه اني رايح اجيب وياية من برة.
حوراء: ـ ماشي بابا.
عباس: ـ اميرتي خلي تلفونج بيدج طمنيني عليج كل شوية والله بالي يضل يمج من اطلع.
حوراء: ـ حبيبي والله مابية شي ليش تخاف قابل شكو.
عباس: ـ اي يروحي مابيج شي بس اني ما اريد اميرتي تتعب نفسها اخاف عليها.
حوراء: ـ طيب ما اتعب نفسي اطمن راح اكعد و اسكت.
عباس: ـ اي والله يكون احسن. ولو اشك تكدرين تسكتين.
حوراء: ـ هاي اني ما اسكت مو. بسيطة شنو ماترجع اليوم.
عباس: ـ لا اكيد ارجع شتسوين.
حوراء: ـ اعاقبك.
عباس: ـ يايمة هاي شنو. يابة اذا تريدين ما اروح اصلا.
حوراء: ـ لا لا وخر خل انزل.
عباس: ـ خبلة بدلي و نزلي. و لبسي حجاب هم.
حوراء: ـ اي صدك وخر يله.

بدلنا و نزلنا سوة سلمنا على كل الموجودين كعدت بين بيبي و خالة منى عباس يباوعلي و يخزر طلعتله لساني وحضنت خالة منى شو هذا استأذن و طلع. صدك طفل يربي.
بقيت اسولف وية بيبي و خالتي شوية و دزلي رسالة تعالي بسرعة للمطبخ و جيبي زينب وياج.
اخذتها و رحنا.
عباس: ـ جبت كيك و ببسي رتبنه و قدمنه للخطار وهسة اطلع اجيب بعد نخليه بالبيت احسن ما يجي احد وماعدنا شي نتوازة. وهم راح اجيب عشى لا تتعبون نفسكم.
حورية بابا.
حوراء: ـ ها عيوني.
عباس:ـ سالمة عيونج يروحي. انتبهي على نفسج بنيتي. معليج بالجهال. لا تركضين ولا تصعدين وتنزلين خلي زنوبة يمج من تحتاجين شي دزيها.
زينب: ـ ولا يهمك عبوسي اخليها بعيوني.
عباس: ـ الله يخليجن الي
حوراء: ـ شسالفة عباس مو طفلة اني كل شوية تعيدلي نفس الحجي.
عباس: ـ يابة انتي طفلتي. اذكرج شلون كعدتي من النوم تبجين على امج. حجاها وغمز.
حوراء: ـ عزاا امشي اطلع يلا مو تريد تطلع الا اكول لبابا عليك.
عباس: ـ لا لا كلشي ولا بابا. عمي مسيطرة اخذت اهلي مني. هههه
حوراء: ـ اهوو صير عاقل يلا لا تضوجني ترة ابجي.

عباس:ـ لا لا اميرتي انتي ماكو بجي بعد ابد. يله رايح اطلع. ها و قبل لا اطلع شوية رتبن الاستقبال جماعتي يجوني بالليل بس على كيفجن ترة شفته نظيف ميحتاج تغسلنه.
زينب:ـ اني ارتبه عبوسي و حورية يمي لا تخاف عليها انتبه على نفسك حبيبي و استمتع بطلعتك.
عباس: ـ ربي لو احمدك طول عمري ما يكفي. شكرا الك لان خليت بحياتي اجمل ٣ اميرات.
زينب: ـ و ان شاء الله نصير ٤ و ٥ و٦ لحدما نصير جيش اميرات نتدلل عليك.
حوراء: ـ هاي شنو منين تجيبيهن.
زينب: ـ بناتكم.
عباس: ـ الله يسمع من حلكج. فدوة لهالدعوة. يله بناتي اني طالع اذا احتاجيتو شي خابروني. في امان الله.
حوراء+ زينب: ـ الله وياك.