اقرب من القريب

بارت 19

عباس: ـ
بعدما نامت حوراء تركتها و رحت لغرفة الدكتورة.
السلام عليكم.
الدكتورة: ـ عليكم السلام ورحمة الله. تفضل استاذ عباس استريح.
عباس: ـ دكتورة طمنيني حوراء بيها شي فدوة.
الدكتورة: ـ لا الحمدلله كلشي مابيها. كل فحوصاتها نظيفة.
عباس: ـ الحمدلله والشكر. يعني دكتورة راح يصير عدها حمل بعد مو؟
الدكتورة: ـ بالوقت الحالي لازم ترتاح. اني كـ نصيحة اگللكم الافضل الكم تأجلون موضوع الحمل ع الاقل لمدة ٦ اشهر او سنة حتى تستعيد حوراء صحتها و كلشي يرجع طبيعي.
انتو بعدكم زغار و الله يعوضكم ان شاء الله.
عباس: ـ ان شاء الله دكتورة مشكورة.
الدكتورة: ـ العفو استاذ. هذا واجبنا.
عباس: ـ شوكت اكدر اطلعها؟
الدكتورة: ـ تكدر هسه تاخذها عادي لان كلشي طبيعي عدها الحمدلله. بس لان نزفت هواي محتاجة تغذية و راحة تامة اي جهد او شغل ما تشتغل. و اي شي يصير وياها رقمي موجود و ان شاء الله مابيها غير العافية.
عباس: ـ مشكورة دكتورة الله يعافيج.
الدكتورة: ـ الف هلا استاذ.

عباس: ـ رجعت للغرفة جانت حوريتي كاعدة و دموعها تنزل بهدوء تقربت منها كعدت يمها لزمت ايدها دارت وجهها عني.
حبيبتي بنيتي ليش هيج تسوين بنفسج بابا.
حوراء: ـ اني اسفة.
عباس: ـ على شنو يروحي؟
حوراء: ـ اني قتلت طفلي بسبب اهمالي.
عباس: ـ اشش حبيبتي لا تحجين هيج الله ما قاسملنا هسة يصير عدنا طفل. انتي مو مؤمنة و تعرفين الاعمار بيد الله و دتشوفين ناس تهتم بنفسها كلش هواي و يموتون واكو ناس هاملين نفسهم و شوفي اعمارهم. حبيبتي انتي هذا اختبار و ابتلاء من الله سبحانه وتعالى هذا دليل على ان الله يحبج.

يقول الله تعالى في سورة البقرة : ( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) البقرة/ 155 - 157
فيخبر سبحانه أنه لا بد أن يبتلي عباده بالمحن ، ليتبين الصادق من الكاذب ، والجازع من الصابر ، وهذه سنته تعالى في عباده ، كما قال سبحانه : ( وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ ) محمد/ 31

يا حبيبتي انتي ما الج ذنب بالشي الي صار هذا الشي الله جان كاتبه النا و الحمدلله على سلامتج طلعتي منها و كل فحوصاتج نظيفة. و الحمدلله جنت ناسي اوراق مهمة بالبيت و رجعت و لحگت عليج.
كافي بجي حبيبتي والله ما تتخيلين شصار بية من شفت منظرج واگعة بالكاع و الگاع مليانة دم. والله متت خوف عليج.

حوراء: ـ بس اني من زمان عندي الم و اخاف احجي .
عباس: ـ ليش يروحي ليش ما تحجيلي مو اني صديقج و حبيبج و زوجج. زين ليش ما تحجين لماما مو تگولين هي امي. لو احجي لزنوبة.
حوراء: ـ جنت خايفة.
عباس: ـ من شنو حبيبتي.
حوراء: ـ خايفة يطلع الطفل بيه شي و ينزلوه و بعد ما يصير عندي اطفال.
عباس: ـ اششش انتي منين تجيبين هالحجي بابا. منو يعلمج.
حوراء: ـ محد بس بنية صديقتي هيج صار وياها جانت تتوجع و طلع الطفل مدري شبيه و نزلوه و بعد ما تكدر تحبل.
عباس: ـ لا بابا حبيبتي ماكو هيج حجي والله. الاطفال رزق من الله و الله يرزق من يشاء بغير حساب مو؟
حوراء: ـ اي
عباس: ـ زين انتي مو تعرفين الله سبحانه وتعالى اذا راد شي يصير يصير لو مهما كانت الظروف.
تتوقعين صديقتج بعد ابد ما يصير عدها حمل لو يمكن بيوم من الايام الله راح يهيئ الها سبب حتى يصير عدها اطفال؟
حوراء: ـ بس الاطباء كالو ما يصير ابد.
عباس: ـ حبيبتي بنوتتي مو بكيف الأطباء الله اذا راد شي يصير غصبا عن الكل.
امشي نروح للبيت يلة هسة اخلي ماما تسولفلج على جوارينهم جانت عاقر يعني ابد متحبل و كل الاطباء كالو مستحيل يصير حمل حتى علاجات ماتفيد.
بس بسنة من السنوات صار عدها حمل جابت ولد اثنين وبنية يعني ٣ توأم. ورة سنتين هم صار عدها حمل و جابت هم ولد وبنات اثنين.
حوراء: ـ صدك والله.
عباس: ـ اي والله لا تيأسين من رحمة الله. تتأخر الاستجابة اي بس حاشا لله ان ينسى عبده المؤمن المتوكل عليه.
حوراء: ـ يعني هسه مابية شي.
عباس: ـ هاي فحوصاتج كلها بيدي تريدين نروح لغرفة الدكتورة تريدين العصر اخذج لغيرها شتريدين بس گولي و كلشي يجرالج.
حوراء: ـ اذا انت متطمن وواثق ماريد اروح لأي دكتورة. بس اريد ارجع للبيت لعبت نفسي من هالمكان.
عباس: ـ يله گومي نرجع حبيبتي.